Теңдеу жəне оны шешу жолдары

Тақырыбы: Теңдеу және оны шешу тәсілдері
Мақсаты: Білімділік: теңдеу және оны шешу тәсілдерін есептер шығару барысында пысықтау.
Дамытушылық: логикалық есептеумен танымдық қабілеттерін, зейінін, есте сақтауын дамыту, өздіктерінен жұмыс істей білуіне дағдыландыру.
Тәрбиелік: өзара ынтымақтастыққа, еңбекті құрметтеуге, шапшаңдыққа, тапқырлыққа, қырағылыққа тәрбиелеу.
Сабақтың түрі: аралас сабақ.
Сабақтың әдісі: ой шақыру, сұрақ- жауап, топтық, жарыс
Сабақтың барысы:
І.Ұйымдастыру кезеңі:
Оқушылардың сабаққа әзірлігі.
Психологиялық ахуал орнату.
Есептеуге жүйрік болсаң жасыңнан,
Математикаға орын берсең басыңнан.
Барлық ғылым саған үйір болады,
Досың солар табылатын қасыңнан.
ІІ. Сабақтың мақсатымен, жоспарымен таныстыру.
Сабақтың жоспары:
* Бәйге.
* Жұмыла көтерген жүк жеңіл.
* Мен саған- сен маған.
* Еңбек түбі – береке.
* Бойы сергектің – ойы да сергек.
* Ой толғаныс.
* Қорытынды.
* Аяқтау.
Үй тапсырмасын тексеру, аралап қарап шығу.
ІІІ. Бәйге. Өткенді пысықтауға ойын.
- Қай мезгіл? Қандай ойындар ойнайсыңдар? Аққала, сырғанақ жасадыңдар ма? Бізге қар керек, ендеше «Қар жауды» ойыны арқылы ауызша мысалдар шығарайық. /Қарда мысал, шығарып суретке жапсыру\. Суреттен қар жауып тұрған бейне жасалды.

ІҮ. «Жұмыла көтерген жүк жеңіл» бөлігінде тақтамен жұмыс жасаймыз. Жұмбақ шешейік:
Адасқан екі таяқ,
Тұрады жоқты сұрап. /х/- теңдеу шешуде пайдаланады.
- Теңдеу шешу деген не?- белгісіз санның мәнін табу.
- Дәптерімізді ашып, бүгінгі күнді жазамыз.
№ 1 теңдеуді тақтада орындау.
Ү. «Мен саған- сен маған» бөлігінде топпен жұмыс жасаймыз. «Адасқан теңдеу » деп аталады: шығарылған жолдары ауысып, адасып кеткен, реттеуіміз керек.4 топ орындайды, №2 теңдеу.
ҮІ. «Еңбек түбі – береке» бөлігінде есептер алаңына келеміз, яғни есеп шығарамыз .№5 есепті оқып, талдап шығару.
Суреттер арқылы басқұр, қыл арқан туралы мағлұмат беру.
Деңгейлік тапсырма: «Семантикалық карта» бойынша 5 оқушыға үлестірмелер беру.
ҮІІ. «Бойы сергектің – ойы да сергек» бөлімінде бізге тапсырмасымен «Қыз Жібек» қонаққа келді, сендердің ауызша жұмыстарды қалай орындайтындарыңды байқамақшы. № 6 талдап ауызша шығару.
ҮІІІ. Сергіту сәті: «Қарлы кесек» ойыны арқылы көбейту, бөлу кестесін қайталау.
ІХ. «Ой толғаныс» арқылы №7 қалдықпен бөлуді орындау, әр топтан 1 оқушыдан шығып, тақтада орындайды, дәптерлеріне жазады.
Х. Қорытынды:
- Сабақта не істедік?
Үйге тапсырма: №9, 109 бет.
ХІ. Бағалау: \ Кері байланыс орнату \
- Сабақта қандай көңіл- күйде болғандарыңды смайлинг арқылы көрсетейік. Стикер жапсырып өз көңіл- күйін білдіретін бейнені көрсету, ойларын ортаға салу.
Мұғалімнің бағалауы.
Аяқтау: орнымыздан тұрамыз, сабақ аяқталды.