Теңіз биоалуантүрлілігін сақтау: генетикалық бейімделу және эволюциялық динамика

«Теңіз биоалуантүрлілігін сақтау: генетикалық бейімделу және эволюциялық динамика» педагогикалық тәжірибе аясында өткен бакалавр студенттеріне арналған тәрбие сағаты

Бүгінгі таңда Қазақстанның жетекші университеттерінің бірі, 90 жылдық тарихы бар – Әл-Фараби атындағы Қазақ Ұлттық университеті өз алдына жетекші мамандарды дайындауда. Сонымен қатар, магистранттар өтетін педагогикалық тәжірибеге жете назар аударылып, дұрыс бағыт пен сапалы білім беруді алдына мақсат еткен. Үздік оқытушылардан пайдалы білім мен тәжірибе алып, жан-жақты дамудамыз. Педагогикалық тәжірибе аясында магистранттар дәрістер, семинарлар мен практикалық сабақтар өткізіп қана қоймай, бакалавр студенттеріне пайдалы ақпараттар дайындап, ашық дәріс және тәрбие сағаты ретінде өткізуде. Айта кететін болсақ, шетел филологиясы мамандығының 1 курс магистранты Кистаубаева Амина 28.03.2025 күні педагогикалық практика аясында ТДМ 14: Теңіз экожүйелерін сақтау бағыты бойынша Шетел филологиясы мамандығының 3 курс студенттеріне «Теңіз биоалуантүрлілігін сақтау: генетикалық бейімделу және эволюциялық динамика» тақырыбында тәрбие сағатын өткізді. Ұйымдастырылған тәрбие сағатына шетел филологиясы және аударма ісі кафедрасының аға оқытушысы Айтмұханбетова А.С.-ның басшылығымен өтті.

Шарада студенттер теңіз экожүйелері, биоалуантүрлілік және олардың генетикалық және эволюциялық дамуы жайлы пікір алмасып, ой білдірді. Тәрбие сағатының негізгі мақсаты – студенттерге теңіз биоалуантүрлілігі жайында көптеген ақпарат, жүргізілген зерттеу жұмыстарының қорытындылары және де қазіргі таңда теңізде кездесетін экологиялық проблемаларды да негізге ала отырып, құнды әрі пайдалы ақпарат беру міндеті орындалды. Сабақ барысында студенттермен тақырыпты талқылай отырып, қазіргі таңда кездесетін экологиялық проблемалардың басты себептерін анықтадық. Сонымен қатар, шара барысында «миға шабуыл» әдісі қолданыла отырып, келесідей сұрақтар негізге алынды: 1. «Теңіз биоалуантүрлілігі» жайлы естігенде ойыңызға келетін бірінші ой? 2. Климаттың өзгеруі теңіз биоалуантүрлілігіне қалай әсер етеді деп ойлайсыз? 3. Теңіз тіршілігін қорғауға бағытталған қандай да бір қорғау шаралары туралы естідіңіз бе? Сұрақтарға жауап беру барысында, студенттер жаңа тақырыпқа қызығушылық танытып, барынша ат салысты. Пайдалы ақпараттармен танысқаннан кейін, студенттер «wordwall» қосымшасы арқылы топқа бөлініп, тақырыпты «кластер» форматында зерттеді. Әр топтың алға қойған мақсаты мен өзара зерттеу жүргізген тақырыптары көптеген жаңашылдық пен пайдалы мәліметтер ұсынды. І топ теңізде кездесетін экологиялық проблемалардың әсері жайлы талдаса, ІІ топ теңіз биоалуантүрлілігін сақтаудың үздік жолдарын көрсетті, ал ІІІ топ генетикалық дамудың теңіз биоалуантүрлілігіне тигізер пайдасы мен маңыздылығын атап өтті. Шараны қорытындылау барысынды, студенттер өз пікірлерін еркін білдіріп, пайдалы ақпараттармен танысқандарын атап өтті.

Тәрбие сағатында қарастырылған тақырып және оның аясында талқыланған сұрақтар студенттердің көңілінен шықты. Іс-шара толықтай ағылшын тілінде өткізілді.