Тері өңдеу өнерін колледж студенттеріне оқыту ерекшеліктері Қолөнер – халқымыздың ұлттық болмысын бейнелейтін рухани байлығы. Оның ішінде тері өңдеу өнері – ғасырлар бойы ұмытылмай жеткен, тұрмыстық қажеттілікпен қатар, көркемдік-эстетикалық мәні зор өнер түрі. Тері – киім де, ыдыс та, әбзел де, сән де бола алған материал. Қазақ халқы оны ысырап етпей, күнделікті өмірде шебер қолданған. Осы орайда бұл өнерді колледж деңгейінде оқыту – тек шеберлік үйрету ғана емес, сонымен қатар студенттердің ұлттық сана-сезімін ояту, еңбекке тәрбиелеу, кәсіпке баулу деген сөз.