Алматы облысы Қарасай ауданы

«Алмалыбақ мектеп-гимназия» КММ

Калиева Роза Мырзажановна

Тігін өндірісіндегі технологиялық процестер мен инновациялық әдістер

Соңғы жылдары инновациялық әдістерді енгізу өндірістің тиімділігін едәуір арттырды. Мысалы, компьютерлік пішім жасау (СAD/CAM жүйелері) киім үлгілерін автоматтандырылған түрде жобалап, уақытты үнемдеуге және материал шығынын азайтуға мүмкіндік береді. Сонымен қатар, лазерлік кесу технологиялары матаны дәл әрі сапалы пішуге жағдай жасайды.

3D модельдеу әдістері тігін бұйымдарын виртуалды түрде көруге, пішім мен фасонды алдын ала талдауға мүмкіндік береді. Бұл тәсіл дизайнер мен тапсырыс беруші арасындағы байланысты жеңілдетіп, дайын өнім сапасын арттырады.
Интерактивті және роботтандырылған жабдықтар тігін процесін жылдамдатып қана қоймай, адам еңбегін оңтайландырады.

Инновациялық әдістерді қолдану тек өндіріс сапасын арттырумен шектелмей, экологиялық және экономикалық тиімділікті де қамтамасыз етеді. Мысалы, қалдықсыз технологиялар мен қайта өңделетін материалдарды пайдалану экологиялық мәдениетті қалыптастырудың маңызды қадамы.

Ғылыми-техникалық прогресс пен цифрлық технологиялардың дамуы өндіріс процесіне жаңа серпін беріп, өнім сапасын арттыруға және еңбек тиімділігін жоғарылатуға мүмкіндік туғызуда.

Жоғарыдағы елбасымыздың айтқан сөзіне қарасақ, жаңа ХХІ ғасыр заман ағымына қарай ізденудің бірден бір жолы. Мектеп қабырғасындағы оқушының шығармашылық қабілетін дамытуға мән берілуі тиіс. «Өткенге қарап басымызды иеміз, ертеңге қарап білек сыбанамыз» демекші, бүгінгі бала, ертеңгі азамат.

Мұғалімнің педагогикалық шеберлігінің негізгі өлшемдерінің бірі- оқушының өзіндік танымдық ойын ұйымдастыру, ал екіншісі оқушының өздігінен оқып, ой-өрісін тереңдетуге баулу, ғылыми ізденіске жетелейді. Сондықтан мұғалімнің ең басты міндеті – рухани бай, жан-жақты дамыған дарынды тұлға қалыптастыру жөнінде сөз қозғағым келеді.

Қазақстан Республикасының Білім туралы заңында: «Білім беру жүйесінің басты міндеті- ұлттық және жалпы адамзаттық құндылықтар, ғылым мен практика жетістіктері негізінде жеке адамды қалыптастыруға және кәсіби шыңдауға бағытталған білім алу үшін қажетті жағдайлар жасау; оқытудың жаңа технологияларын енгізу, білім беруді ақпараттандыру, халықаралық ғаламдық коммуникациялық желілерге шығу» -деп білім беру жүйесін одан әрі дамыту міндеттерін көздейді деп жазылған.

Технологиялық процестердің мәні шикізатты дайын бұйымға айналдырудағы бірізді операциялар жүйесін тиімді ұйымдастыру. Тігін өндірісінде бұл кезеңдерге материалды таңдау, пішу, тігу, әрлеу және сапаны бақылау жатады. Әрбір кезеңнің сапалы орындалуы дайын өнімнің сапасына тікелей әсер етеді.

Қорытындылай келе, тігін өндірісінде инновациялық технологияларды енгізу өнім сапасын арттырудың, еңбек өнімділігін жоғарылатудың және саланың бәсекеге қабілеттілігін күшейтудің тиімді жолы. Болашақ мамандар осы технологиялық өзгерістерге бейімделіп, үнемі кәсіби дағдыларын жетілдіріп отыруы қажет. Қазіргі таңда жеңіл өнеркәсіп, соның ішінде тігін өндірісі саласы – экономиканың маңызды және қарқынды дамып келе жатқан бағыттарының бірі.