Тіл ел тірегі

«№ 112» жалпы орта мектебі коммуналдық мемлекеттік мекемесінің жанынан ашылған «Т. Әбілқасымов » шағын орталығы

Ашық сабақ

Тақырыбы : Тіл ел тірегі

Дайындаған тәрбиеші:

Бектенова Гүлжан

Тіл ел тірегі.

Тақырыбы: «Тіл ел тірегі»
Мақсаты: Мемлекеттік тілдің маңызы туралы түсінік беру. Сан ғасырлар бойы халықтың өзімен бірге жасасып, ұрпақтан-ұрпаққа мұра боп қалып жатқан ауыз әдебиетінің бай саласының бірі қазақ тілін ұрпақтың бойына сіңіре білуге және туған жерін сүюге, қадірлеуге, бағалап мақтан етуге тәрбиелеу. 
Қолданылатын көрнекі құралдар: Қ.Р мемлекеттік рәміздері, шарлар, жалаушалар. 
Әдіс-тәсілдер: түсіндіру, сұрақ-жауап. 
Шаттық шеңбері 
Балалар шеңберге тұрып, педагогпен бірге бүгінгі күндеріне сәттілік тілейді. 
Т: Балалар қазір жылдың қай мезгілі. 
Б: Қазір жылдың күз мезгілі. 
Т: Күз айларын атаңдаршы? 
Б: Күз айлары қыркүйек, қазан, қараша. 
Т: Бүгін бізде мереке. Қандай мереке білесіңдер ме? 
Б: Бүгін 22 қыркүйек тіл мерекесі. 
Ана тілі-адам болып жаралғннан бері адамның жан дүниесінің айнасы, мәңгі құрметтейтін бәйтерегі. 
Т: Тіл туралы қандай тақпақ білесіңдер? 
Айзере:Ана тілің-арың бұл 
Ұятың боп тұр бетте, 
Өзге тілдің бәрін біл, 
Өз тіліңді құрметте 
Арна: Ана тілім бал тілім 
Өзің барда шалқыдым 
Өз тілімде ән шырқап 
Термелетіп балқыдым 
Қазбек: Ақыл ойын дананың 
Ана тілден аламын 
Ана тілім ардақты 
Ақ сүтіндей анамның. 
Әсем: Тілім барда мақтанам. 
Тілім менің аппақ ән 
Бірлігімді бүгінгі 
Ана тілім сақтаған. 
Ерасыл: Өсірген ой білімді 
Сүйем туған тілімді 
Мақсат етем әр сөздің 
Мәнін терең білуді 
Ақсұлтан: Ана тілді білмесем 
Шат-шадыман күлмес ем 
Жер бетінде сайраңдап 
Қазақ болып жүрмес ем 
Абдулла 
Ана тілің біліп қой 
Еркіндігің, теңдігің 
Ана тілің біліп қой 
Мақтанышың, елдігің 
Т:Жарайсыңдар балалар тіл туралы көптеген тақпақтар біледі екенсіңдер. 
Дидактикалық ойын: «Кім зерек» 
Ойын шарты:Тақтадан жануардың суреті беріледі. Сол суретке қарап, бала жануардың атын атап және сол жануардың төлінің атын атау керек. 
Т: Тіл туралы қандай мақал-мәтелдер білесіңдер. 
Айзере: Өнер алды қызыл-тіл. 
Арна: Тіл қылыштан өткір. 
Ақсұлтан: Тіл тас жарады 
Тас жармаса бас жарады. 
Қарлығаш: Басқа пәле тілден. 
Қорытындылау 
Осымен біздің Тіл мерекесіне арналған оқу іс-әрекетіміз өз мәресіне жетті 
Бағалау және мадақтау. .