Тіл мерекесіне орай

Тақырыбы: «Тәуелсіз елім Қазақстан»

Мақсаты:Желтоқсан көтерілісінің сипатын насихаттай отырып,желтоқсан құрбандарын мәңгі есте сақтау: жас ұрпақ бойына еліне,жеріне,ұлтына деген патриоттық сезімін қалыптастыру.

Қазақ елім,туды жастық дәуірің,

Алғандайсың жұлдыздардың жарығын.

Тәуелсіздік құтты болсын ағайын!

Тәуелсіздік құтты болсын,алыбым!

-Құрматті ата –аналар, қонақтар және балабақша бүлдіршіндері Тәелсіздік мерекесіне орай өткізіліп отырған «Тәлеусіз елім Қазақстан»атты мерекелік ертеңгілігімізге қош келдіңіздер!

Әнұраны елімнің

Шақырады бірлікке.

Егеменді халқымның,

Болашағы бірлікте.

Қазақстан Республикасының мемлекеттік Әнұраны орындаймыз.

Жүргізуші:Міне,Тәуелсіздік мерекесі де келіп жетті.Қазақстан Республикасының тәуелсіздігіне биыл 27 жыл толады.Баршыңызды сол тарихы тереңде жатқан айтулы мерекесімен құттықтаймыз.Біз ата- бабамыз-дыңаңсаған арманы орындалып, қазақ елінің Тәуелсіз Мемлекет атанып,көк туы желбіреген жұлдызды сәтін өз көзімізбен көруге жазылған ұрпақпыз. Қазақстан өз тәуелсіздігін алды.Бұл тәуелсіздік оңай келген жоқ. 1986 жылғы оқиға халықтың есінде мәңгі сақталады,16-желтоқсанда қазақ жастары Орталық алаңға шығып,Қазақстан тәуелсіздігін талап етті. Бұл күн-Қазақстан тарихында тәуелсіз Қазақстан Республикасының туған күні деп алтын әріппен жазылды,

Осы жолда аға-апаларымыз көп күресті.Желтоқсан оқиғасына қатысқан аға-апаларыңды тани біліңдер, олар:Ләззат Асанова, Ербол Сыпатаев,Қайрат Рысқұлбеков т.б

Тәуелсіздік оңайлықпен келмеді,

Бізге оны ешкім аяп бермеді.

Тәуелсіздік- Қайрат,Ләззат,Ерболдың

Тас көшеде, тас талқан боп өлгені.

-Осы тәуелсіздікке жетуімізге өз үлесін қосқан батырларымызды мәңгі

жүрегімізде сақтаймыз.

Жүргізуші: Тәуелсіздік дегенде көңілден жыр-шумақтар ағытылар.Ендеше балалардың тақпақтарын тыңдайық.

Дастан:

Тәуелсіздік таңы атты,

Барлық әлем жаңарып.

Осы тұрған халқыма

Бейбітшілік орнады.

Айзере:

Айнымайды аспаннан,

Біздің тудың бояуы,

Оны халық қашанда,

Биікке іліп қояды.

Мирас:

Он алтыншы желтоқсан ,

Тәуелсіздік алған күн .

Мерекеге ел тосқан,

Атамменен барған мын.

Мадияр:

Тәуелсіздік еліміз,

Мәңгі жасар жеріміз.

Тәуелсіздік жасаған ,

Аға ,әпкелеріміз.

Алина:
           Елтаңбасы  елімнің,
                            Неткен  әйбат, әдемі!
                            Тұнығындай  көңілдің,
                            Ортада- аспан  әлемі.

Нұрсезім:
      Құт, береке – шаңырақ,
                            Орын алған  ол  төрден.
                            Қанатты  қос  арғымақ,
                            Екі  жақтан  көмкерген.

Айсәуле:
           Анаң- күнің, жүрегің,
                             Әкең – өмір тірегің. 
                             Сен- бақытты  ұлансың,
                             Бәрі  саған  қуансын!

Абылай:
           Көк  аспандай  көкпеңбек,
                             Қазақстан жалауы.
                             Көк  емес  ол тектен-тек,
                             Елдің ашық қабағы.

Сәбина:
        Тәуелсіздік  жолында,
                           Талай – талай тер тамған.
                             Билігім  өз  қолымда,
                             Еркіндігім – Елтаңбам.

Әмина:
            Аспанымдай мөлдірмін,
                             Жайлауымдай  жазықпын.
                             Өзенімдей  өршілмін,
                             Гүлдерімдей  нәзікпін.

Ярослав:
          Ақ  ниеті- алтын күн
                            Асқақ арман – қыраны.
                            Жалауы бұл- халқымның,
                             Мәртебесі, мақтаны.

Жүргізуші: 16 - желтоқсан

Тәуелсіздік алған күн

Мерекеде ел қуанып

Шаттанып ән салған күн.

Ән: «Отан-Ана» топ балаларының орындауында

Әже: Осы кезде қолында ұршығы бар әже ортаға щығады. Төрдегі көрпеше үстіне келіп отырып, ұршығын иреді.

Бала: қолында қамшысы бар бала ойнап жүгіріпкеліп, әжесінің жанына отырады.

Бала:Әже не істеп отырсыз?

Әже:Құлыным ұршық иіріп отырмын. Кел қасыма отыр ,күнімен ойнап шаршаған шығарсың.

Бала:Әже,Біз балабақшада «Тәуелсіздік» мерекесіне дайындалып жатырмыз.Мемлекеттік әнұранды айттық, тақпақтар жаттадық.Бізде «Тәуелсіздік»мерекесіне орай ертеңгілік өтпекші.

Әже: Жарайсың, құлыным! «Тәуелсіздік»күніне арнап қанша ән айтсаңда, артық емес.

Бала:Әже «Тәуелсіздік» деген не?

Әже: -Е-е-е құлыным «Тәуелсіздік» деген бұл үлкен әңгіме. Осы күнге жету үшін қазақ халқы талай қиындықты бастан кешірді.Қайсар,батыр аға-апалардың арқасында егеменді ел болдық.

Жүргізуші: «Домбыра» биі орындайтындар: Қуанышбай Айзере,Дайрабай Алина,Тұрымжар Айзере,Нұрмахан Нұрсезім.

Жүргізуші :Тарих парақтарына көз жүгіртетін болсақ, еліміздің бірлігін сакқтаған Абылай хан атамызбен үш кемеңгер дүлділім өткен өмірден. Олар қазақта қара қылды қақ жарған Қазыбек би, Әйтеке би, Төле билер. Олай болса тарихқа көз жүгіртіп,көрініс тамашалаймыз.

Көрініс.Залға Қазыбек, Әйтеке, Төле билер кіріп, орындарына отырады. Осы кезде Абылай хан ортаға шығады.

Абылай хан :Уа,халқым, осынау қиын қыстау заманда ел басына жоңғар деген атпен қара бұлт төніп тұр. Осы жағдайда халықты біріктірер қариялар өздерің. Халқымыздың рухын көтеріп, өзімізді, елімізді ,жерімізді қорғайтын заман келді. Қандай ақыл кеңес бересіңдер?

Қазыбек би: -Әр руға шабандоздарымызды жіберейік,халыққа хабар айтсын.

Әйтеке би:-Жөн , ел ішінен қол жинауымыз керек. Айбарлы батырларымыздың басын біріктіріп қас жауымызға қарсы шығайық.

Төле би :-Бұдан былай қазақ Абылайдың туы астында жиналуы керек.

Билер:Ия, біз қазақ мал баққан елміз,ешкімге соқтықпай жай жатқан елміз.

Әже:-Міне құлыным, біздің ата-бабамыз аңсаған «Тәуелсіздік» біздің елге оңай жолмен келген жоқ. Ендеше құлыным сені балабақшаңа апарайын жүр кеттік.

Ойын: «Шаңырақ» Ойынды шартына қарай ойнайды.

Хор: «Тәуелсіз Қазақстан»

Жүргізуші: Отаным Қазақстан –алтын бесік,

Мінекей ұлы жолға түсті келіп.

Ағайын, бар тілерім мен еліме.

Тұғырың мықты болсын Тәуелсіздік!

Осымен « Тәуелсіз ел Қазақстан» атты мерекелік ертеңгілігімізді аяқтаймыз.

Мереке құтты болсын, көріскенше сау болыңдар!

«Шапағат» бөбекжай- балабақшасы»

Тақырыбы:«Тәуелсіз елім Қазақстан!»

«Күншуақ»ІІ-кіші тобы

Тәрбиеші:Нұрмашова Ұлман

2018 жыл