Түсінік хат

«Тіл құдіреті» үйірмесі бастауыш сынып оқушыларының ана тіліне деген сүйіспеншілігін оятып, сөз өнеріне баулуға бағытталған. Үйірме жұмысы арқылы оқушылардың ауызша және жазбаша сөйлеу дағдылары дамиды, сөздік қоры кеңейеді, көркем әдебиетке қызығушылығы артады.

Үйірме оқушының тілге деген құрметін арттырып, шешен сөйлеуге, еркін ой жеткізуге үйретеді. Тілдік тұлға ретінде қалыптасуына, ұлттық құндылықтарды бойына сіңіруіне жағдай жасайды. Сондай-ақ оқушылардың логикалық ойлау қабілетін, шығармашылық мүмкіндігін арттыру мақсат етіледі.

Мақсаты:

- Ана тіліне деген сүйіспеншілікті арттыру;

- Тілдік қорын байыту, сөз саптау мәдениетін дамыту;

- Көркем шығармалармен жұмыс жасау арқылы эстетикалық талғам қалыптастыру.

Міндеттері:

- Мақал-мәтел, жаңылтпаш, шешендік сөздермен жұмыс жүргізу;

- Мәнерлеп оқу, шығарма жазу, сахналық көрініс дайындау;

- Топтық және жеке жұмыстар арқылы тіл байлығын дамыту;

- Қазақтың сөз өнерін терең түсінуге мүмкіндік жасау.

Күтілетін нәтиже:

Оқушы ана тілін қадірлейтін, сауатты сөйлеп-жаза алатын, тілдік мәдениеті жоғары тұлға ретінде қалыптасады.

«Тіл құдіреті» үйірме жұмысының күнтізбелік тақырыптық жоспары

Жалпы сағат саны: 34

Аптасына: 1 сағат

Мақсаты: Оқушылардың сөз өнеріне, ана тіліне деген сүйіспеншілігін арттыру, сөздік қорын байытып, көркем тілде сөйлеуге үйрету

Пайдаланылған әдебиеттер тізімі

1. Абай Құнанбайұлы. Қара сөздер. – Алматы: «Жазушы», 2005.

2. Ыбырай Алтынсарин. Таңдамалы шығармалар жинағы. – Алматы: «Атамұра», 2006.

3. Ахмет Байтұрсынұлы. Тіл тағылымы. – Алматы: «Ана тілі», 1992.

4. Нұрсұлтан Назарбаев. Тарих толқынында. – Алматы: «Атамұра», 1999.

5. Қазақ әдебиеті. Оқулықтар мен хрестоматиялар. – 4-сынып, «Атамұра» баспасы, 2021.

6. Қазақ тілінің орфографиялық сөздігі. – Алматы: «Рауан», 2007.

7. Сыздық Р. Сөз құдіреті. – Алматы: «Санат», 1997.

8. Жанпейісов Е. Қазақ прозасындағы ұлттық характер. – Алматы: «Ғылым», 1981.

9. Интернет ресурстар:

- www.kazgazeta.kz

- www.kitap.kz

- www.adebiportal.kz