Бұл авторлық бағдарлама орыс тілінде оқитын мектептердің 8-сынып оқушыларына арналған. Бағдарламаның негізгі өзегі — қазақ тілінің өзіндік дыбыстық жүйесіндегі ең күрделі мәселелердің бірі болып табылатын «Н» және «Ң» үнді дауыссыздарын ажырату, олардың айтылу нормалары (орфоэпия) мен жазылу заңдылықтарын (орфография) меңгерту. Зерттеу нысаны: Қазақ тіліндегі мұрын жолды үнді дауыссыздардың артикуляциялық және графикалық ерекшеліктері. Мақсаты: Оқушылардың тілдік құзыреттілігін арттыру, фонетикалық қателіктерді жою және «Н» мен «Ң» дыбыстарының мағына ажыратушы қызметін түсіндіру арқылы сауатты жазу мен сөйлеуге баулу. Бағдарлама ерекшелігі — теориялық білімді практикалық жаттығулармен, ойын элементтерімен және ұлттық тәрбиелік мәтіндермен ұштастыруында. Жұмыс барысында оқушылардың психофизиологиялық ерекшеліктері ескеріліп, деңгейлік тапсырмалар жүйесі ұсынылған. Бұл басылым өзге ұқсас еңбектерден өзінің тар бағыттылығымен (арнайы екі дыбысқа фокус жасауымен) және орыс тілді аудитория