Алматы облысы «Кемертоған орта мектебі» КММ

Қазақ тілі мен әдебиеті пәні мұғалімі

Жолдыбай Арайлым Қуандыққызы

«Тілдік құралдар мен стильдік ерекшеліктер»

атты авторлық бағдарлама

«Тілдік құралдар мен стильдік ерекшеліктер» атты авторлық бағдарлама оқу бағдарламасына негізделе үлгілік бағдарламамен сабақтастықты ескере отырып құрастырылған. Бағдарлама тілдің байлығы мен көптүрлілігін түсінуге, сөздің мәні мен мағынасын тереңірек ұғынуға, әдеби тіл мен ғылыми тіл, ресми стиль мен күнделікті сөйлеу тілі арасындағы айырмашылықтарды ашып көрсетуге, тыңдаушылардың тілдік қоры мен сөйлеу мәдениетін жетілдіруге арналған маңызды элемент.

Авторлық бағдарламаның өзектілігі негізгі жалпы білім берудің мемлекеттік білім стандартының талаптарына және білім беру, тәрбиелеу мекемесінің бағдарламасының талаптарына сәйкес жасалған. Бағдарлама балалардың пән бойынша сауаттылығын арттырып дамытады және оларды өз бетімен және үздіксіз өзін-өзі жетілдіріп, әрі қарай өзін-өзі тәрбиелеуге және білім берудің басқа салаларында практикада қолдануға дайындайды. Бағдарлама мазмұны, құрылымы мен әдіс-тәсілдері тыңдаушыларға материалды тиімді меңгеруге мүмкіндік береді. Бағдарламаның теориялық бөлімі әр түрлі стильдердің ерекшеліктерін ашып көрсетіп, тілдің қызметін әртүрлі мәтіндерде қалай қолдану керектігін түсіндіреді. Практикалық бөлімде тілдік құралдарды тиімді пайдалану дағдыларын дамытуға арналған жаттығулар мен тапсырмалар ұсынылады. Бағдарламада берілген ақпараттар ғылыми тұрғыда және тәжірибе арқылы дәлелденген. Бұл оқытудың тиімділігін арттырып, тілдік дағдыларды қалыптастыруға мүмкіндік береді.

«Тілдік құралдар мен стильдік ерекшеліктер» авторлық бағдарламасы тіл білімін тереңірек меңгеруге және оны өмірде қолдануға мүмкіндік береді. Сонымен қатар, бұл бағдарлама қатысушылардың өз ойларын нақты, түсінікті және дұрыс жеткізуіне көмектеседі. Оқушылар өзі жазатын шығармашылық жұмыстарында стильдік ерекшеліктерді тиімді пайдаланатын болады. Ал, ұстаздар үшін бұл бағдарлама оқушылардың білім деңгейін анықтауға, олардың білім жетістіктерін бағалауына жағдай жасайды.