Тақырыбы: Тілеусай туған жерім.

Нұрсұлтан Әбішұлы Назарбаев, Қазақстан Республикасының Президенті:

-Осы Қазақстанның әрбір сай-саласын, тауларын..., көлдің атауы қайдан шыққанын, халықтың атауы қайдан шыққанын, әрбір өңір жазылса, Қазақстан тарихы ешқашан өшпейді... Отанды сүю деген кезде ең алдымен ойыңа не келеді?! Ең алдымен ата-анаң келеді, сәби кезіңнен өскен туған жерің келеді. Ойменен, қиялменен сол жерді жүріп өтсең, жүрегің жібіп қайтадан жаңғырғың келіп тұрғандайсың...

Мемлекет басшысының «Туған жер» бағдарламасына пікірі.

Солтүстік Қазақстан облысы өте зор мүмкіндіктерге ие және барлық жігерлі бастамаларды өмірде жүзеге асыруға қабілетті.Облысымызда елдің ең ырғақты дамып отырған аймақтарының бірі. Солтүстік Қазастан облысы Қазастанның ең басты астықты өлкесі болып табылады. [2]

Бірақ ауылшаруашылық саласымен ғана айналысып қоймай, басқа да кәсіпкерлік орталықтар ашылса құба-құп. Солтүстік Қазақстанның әлі де болсын игерілмей жатқан жерлері баршылық. Уәлиханов ауданы Тілеусай аулының маңында игерілмеген біраз гектар жерлер бар.

Мемлекет басшысының «Туған жер» бағдарламасын басшылыққа алсақ, бағдарлама бойынша Тілеусай жерінің және Теке көлінің қасиеттілігін тілге тиек еткім келіп отыр. Осы жердің табиғатына терең үңілсек зор мүмкіндіктер көп. Мал мен егін шаруашылығын, балық шаруашылығын игере отырып, сонымен қатар Теке көлінің тұзының, емге шипалы балшығының, «артемия салина» шаянының пайдасы мол екендігі дәлелденіп отыр. Негізгі үш қасиетін анықтай отыра, осы маңда инвестициялық мүмкіндіктерін дамыту керек.

Осыдан біздің зерттеу жұмысымыздың өзектілігі Теке көлінің ресурстарын дұрыс пайдалана отырып, ел экономикасын дамытуға және халықтың денсаулығын сауықтыруға жол іздеп, зерттеп жазу арқылы тарихта қалдыру, сонымен қатар халықаралық маңызы бар көлдер қатарына енгізу.

Өңірде шипажайлар мен шағын орталықтарды ашып дамыту жолы аса өзекті мәселелер болып табылады. Осыны ескере отырып, Теке көлінің табиғатын қолайлы пайдаланып әлеуметтік-экономикалық дамуы үшін зерттеп, зерделеу мақсаты көзделді. Осы мақсатты жүзеге асыру үшін міндеттер қойылды: туған елім Тілеусайдың тарихы мен Теке көлінің ерекшелігі жайлы мәліметтерге шолу жасау; Теке көлінің қасиеттерін анықтау; көлдің қасиетіне талдау жасау;