ТІЛІМ МЕНІҢ – ТҰМАРЫМ

(Сыныптан тыс сабақ)

Абдираймова Гульжазира Сейлбековна

«Гагарин атындағы №34 ЖОББМ» КММ

қазақ тілі мен әдебиеті пәні мұғалімі, п.ғ.магистрі

Мақсаты: а)Оқушыларды ана тілін және мемлекеттік тілді құрметтеуге, жұрт алдында еркін, ойын нақты, дұрыс жеткізуге, тапқыр сөйлеуге баулу;

ә)Мемлекеттік тілді меңгерту арқылы тілге деген сүйіспеншілігін сөз өнері арқылы ұғындыру және дүниетанымдарын кеңейту, тапқырлыққа, даналыққа тәрбиелеу;

б) Оқушыларды Отансүйгіштікке, ынтымақтастық пен бірлікке жұмылдаруға және ана тілінің құндылығын құрметтеуге тәрбиелеу;

Көрнекілік құралдар: Танымал ғалымдардың тіл туралы айтқан ойлары жазылған плакаттар, ұлт жанашырларының фото макеттері,тіл туралы слайд, презентация,Padlet  тақтасы,

І.Ұйымдастыру кезеңі

Кіріспе сөз.

1-жүргізуші: Армысыздар, қымбатты қонақтар! Ұлағатты ұстаздар мен оқушылар!

Тіл – ең ұлы қару. Тіл – ең асыл құндылық.

Тіл – ең керемет қатынас құралы.

Тіл – тәуелсіздіктің қуатты тірегі, бірлік пен ынтымақтың жығылмас туы.

Бүгін 5- қыркүйек – Қазақстан Республикасы халықтарының тілдері мерекесі күніне орай өздеріңізбен қауышып отырмыз. Олай болса, мерекелік кешімізді бастайық!

2-жүргізуші: Тіл – қандай ұлтта, елде болмасын әрқашан қастерлі де құдіретті. Ол әрбір адамға ана сүтімен бірге еніп, қалыптасады. Тіл - әрбір елдің жаны.

5-қыркүйек  - Қазақстан халықтарының тілдері күні.Тілдің қадір-қасиетін арттырып, өзге тілдің бәрін біліп, өз тілімізді құрметтеуді насихаттайтын атаулы мереке құрметіне ұйымдастырылған «Тілім - тұмарым» атты іс-шарамызға қош келіпсіздер!

Қазақстан Республикасының Мемлекеттік Әнұраны орындалады.

Оқушыларды топқа бөлу. Қатысушылар: 6-сынып оқушылары.

Сыныптан тыс іс–шара қонақтарымен таныстыру.

1-жүргізуші: Іс–шара тақырыбымен және мақсатымен таныстырады.

Тақырыбы: «Тілім менің – тұмарым»

Мақсаты: а)Оқушыларды ана тілін және мемлекеттік тілді құрметтеуге, жұрт алдында еркін, ойын нақты, дұрыс жеткізуге, тапқыр сөйлеуге баулу;

ә)Мемлекеттік тілді меңгерту арқылы тілге деген сүйіспеншілігін сөз өнері арқылы ұғындыру және дүниетанымдарын кеңейту, тапқырлыққа, даналыққа тәрбиелеу;

б) Оқушыларды Отансүйгіштікке, ынтымақтастық пен бірлікке жұмылдаруға және ана тілінің құндылығын құрметтеуге тәрбиелеу;

2-жүргізуші: Іс-шара жоспарымен таныстырады.

Жоспар

1-бөлім: Тілім- тұмарым (Пікірталас)

2-бөлім: «Кім ақылды,кім зерек?» Жалғастырып айт.Мақал-мәтелдер сайысы

3-бөлім: «Даналық ойдан дән ізде» ... Кім тапқыр? Ақын,жазушылардың тың ойларынан үзінділерді табу.

4-бөлім: Кластер әдісі (кластер құрастыру ).

5-бөлім: Топ басшылар сайысы «Жеңіс кімге бұйырады?»

1-жүргізуші:Қазақ елі тәуелсіз мемлекет болып орнағалы ширек ғасырға таяу уақыт болды. Мемлекеттік тілі – қазақ тілі деп жарияланды. Мемлекеттік тіл мәртебесін көтеруге атсалысу, құрметтеу - барша қазақстандықтардың басты міндеті.

2-жүргізуші:Шынында, тіл қатынас құралы болуымен қатар ойдың да - көркі. «Тілі байдың ойы бай» деп текке айтылмаса керек.Олай болса, «Дарын», «Зерде» топтарының «Тілім менің - тұмарым» тақырыбында (Пікірталас) ой-пікірлерін нақты, дұрыс жеткізуіп, тапқыр сөйлеп, тіл мәртебесін, тіл құдіреттілігін, құндылығын жеткізуіне кезек берейік.

1-жүргізуші: «Мақал сөздің көркі» демекші, келесі 2-бөліміміз «Кім ақылды,кім зерек?»  деп аталады.Мақал-мәтелдер сайысы.

2-жүргізуші: «Ана тілінде ата-баба сыры бар,

  Аудармадан түпнұсқадай кім ұғар.

  Өсе келе құстың тілін білсең де,

  Ана тілсіз оның қандай құны бар».

3-бөлім: «Даналық ойдан дән ізде» ... Кім тапқыр? Ақын,жазушылардың тың ойларынан үзінділерді табу.

1-жүргізуші: «Ұлттың қуаты – тілінде» демекші, қандай ұлт пен ұлыс болса да, ең басты байлығы – ана тілі.4-бөлім:Кластер әдісі (кластер құрастыру).

2-жүргізуші:Білекті жықса біреуді,
Білімді мыңды жығады
Инемен құдық қазғандай,
Білімнің шыңына шығады - деп келесі кезекті білім сайысына береміз.

5-бөлім: Топ басшылар сайысы «Жеңіс кімге бұйырады?»

1-жүргізуші: Осымен «Тілім - тұғырым» атты 5 кезеңнен тұратын іс-шарамыз өз мәресіне жетті.
Қазылар орнықтырар әділдікті,
Кімдердің жауаптары кәміл шықты.
Өнер мен шеберліктің сайысында,
Жеңіске жетер дейміз нағыз мықты – деп сөз кезегін әділқазылар алқасына берейік (Әділқазы алқасы жеңімпаз топты анықтап, марапаттайды).

2-жүргізуші: «Өзге тілдің бәрін біл, өз тіліңді құрметте», – дейді Қадыр ақын.Өзгенің құлы емес, өз еліміздің ұл–қызы болайық, өзгенің емес,өз еліміздің тілін ұлықтап, мәртебесін асырайық!

1-жүргізуші: «Ұлттың қуаты – тілінде» демекші, қандай ұлт пен ұлыс болса да, ең басты байлығы – ана тілі.Қай ұлт өкілі болсақ та ана тіліміздің қадірін біліп, әрдайым ұлықтап жүрейік!