2-ТОҚСАН БОЙЫНША ЖИЫНТЫҚ БАҒАЛАУ СПЕЦИФИКАЦИЯСЫ

Жиынтық бағалауға шолу

7-сынып

Ұзақтығы: 45 минут

Тыңдалым - 10 минут

Оқылым – 15 минут

Жазылым – 20 минут

Айтылым сабақтан тыс тексеріледі (әр оқушыға 2 минут беріледі)

Балл саны: 30

Тапсырмалар түрлері

Бір және көп таңдауы бар сұрақтар

Қысқа жауапты қажет ететін сұрақтар

Толық жауапты қажет ететін сұрақтар

Жиынтық бағалаудың құрылымы

Тоқсандық жиынтық бағалаудың нұсқасы 4 компоненттен тұрады: біріншісі -тыңдалым, екіншісі - оқылым, үшіншісі - жазылым және тілдік бағдар, төртіншісі – айтылым және тілдік бағдарды тексеруге арналған.

Тоқсандық жиынтық бағалау тапсырмаларының сипаттамасы

1-нұсқа

Тыңдалым

Мәтінді мұқият тыңдап, төмендегі тапсырмаларды орындаңыз.

Спорт – бақытқа бастар жол.

«Шынықсаң – шымыр боласың» демекші, дене жаттығуы адам баласына қашан да пайдалы. Күні бойы өзіңді сергек сезініп жүрудің де бір тәсілі – спорт. Ғалымдар зерттеуіне сүйенер болсақ, спорт адамды шат-шадыман өмір сүруге де жетелейді екен. Олимпиадалық қозғалыстың белсендi қайраткерi Пьер де Кубертен: «О, спорт! Сен – түгел ғаламсың» деп бекер тұжырым жасамағаны анық. Күніне кем дегенде 20 минут дене жаттығуымен шұғылданған адам өзін сергек, көңілді әрі өзіне сенімділігін арттыратыны анықталғаны белгілі. Ғалымдар АҚШ-тың Пенсильвания университетінің 200-ге жуық студентіне зерттеу жүргізген. Олар күніне 20 минуттан астам уақытын түрлі дене жаттығуларына арнаған. Ал сегіз күннен кейін қатысушылар өздерінің басынан өткеріп жүрген күйлерін жазып тапсырған. Нәтижесінде көбісі ұйқысыздықтан, әлсіздіктен құтылғанын мәлімдеген. Сонымен қатар, дәрігерлер қатысушылардың психикасында оң өзгерістер барын анықтаған. Студенттер болса, жаттығу жұмыстарынан кейін көңіл-күйлерінің көтеріліп, өздерін бақытты сезініп жүргендерін жеткізген.

1.Сөйлемді аяқтаңыз. «Шынықсаң – ...»

А) зорбайлық

B) мықты денсаулық

С) денсаулық кепілі

D) шымыр боласың 1 балл

2.Пьер де Кубертен қандай тұжырым жасады.

А) Спорт түгел ғалам емес

B) Спорт түгел ғалам

С) Спорттың пайдасы аз

D) Спортпен шұғылданбаңдар 1 балл

3.Өзіңді күні бойы сергек сезіну үшін қандай тәсіл қолданамыз.

А) дұрыс тамақтану.

B) таза ауамен демалу

С) спортпен шұғылдану

D) білім алу. 1 балл

4. Мағынасына қарай мәліметтер орын тәртібімен дұрыс қойыңыздар.(1,2,3) (2 балл)

Оқылым.

Ресми стильде жазылған мәтінді түсініп, оның мазмұны мен стильдік ерекшеліктеріне талдау жасау.

Қазақстан Республикасының Білім министрлігіне

Аты-жөні: Төлегенова Айгүл Мұратқызы

Мекенжайы: Алматы қаласы, Қабанбай батыр көшесі, 15-үй, 20-пәтер

Телефон: +7 (777) 123-45-67

Электрондық пошта: aigerim_tolegenova@mail.kz

Өтініш

Мен, Төлегенова Айгүл Мұратқызы, Алматы қаласы, №15 мектептің ағылшын тілі мұғалімімін. Сізден кәсіби біліктілікті арттыру мақсатында шетелдік педагогикалық курстарға қатысу үшін қаржылық қолдау көрсетуіңізді сұраймын.

Мұндай курстар шетелдік тәжірибемен танысуға және кәсіби дағдыларымды жетілдіруге мүмкіндік береді. Бұл менің жұмыс сапамды арттыруға және оқушыларымның білім деңгейін көтеруге септігін тигізеді деп есептеймін.

Сізден өтінішімді қарастырып, қолдау көрсетуіңізді сұраймын.

Құрметпен, Төлегенова А.М.

2024 жылғы 7 желтоқсан

1. Өтініштің стильдік ерекшеліктеріне талдау жасаңыз.

Төмендегі сұраққа жауап беріңіз:

1.Сөйлемдер қалай құрылған (қысқа және нақты ма, әлде күрделі ме)?

__________________________________________________________________

2.Өтініште не сұралады?

A) Жұмысқа орналасуға көмектесу

B) Қаржылай қолдау көрсету

C) Оқушылардың үлгерімін бағалау

D) Жұмыс орнын ауыстыру

3.Өтініш қай мекемеге жолданған?

A) Мектеп басшылығына

B) Білім министрлігіне

C) Қалалық әкімдікке

D) Жеке компанияға

4.Автордың өтінішін қолдауға қандай себептер келтірілген?

A) Қаржылық қиындықтары бар

B) Жаңа тәжірибе алу маңызды

C) Мектептегі оқушылар саны аз

D) Өз біліктілігін растау қажет

5. Өтініш авторы қай жерде жұмыс істейді?

A) Астана қаласының әкімдігінде

B) №15 мектепте

C) Денсаулық сақтау министрлігінде

D) Халықаралық ұйымдарда

Жазылым

1. Теңеу мен метафораны қолдана отырып, мәтін құрастырыңыз.

2.«Ұлттық нақыштағы сәнді киімді таңдаймын» деген тұжырым бойынша мәтін жазыңыз.

Айтылым. «Спорт және денсаулық күтімі» тақырыбында монолог құрастырыңыз

Балл қою кестесі

Тыңдалым, оқылым

Жазылым

Айтылым

2-нұсқа

Тыңдалым

Мәтінді мұқият тыңдап, төмендегі тапсырмаларды орындаңыз.

1.Сөйлемді аяқтаңыз. Ғалымдар кімдерге зерттеу жүргізген?

А) оқушыларға

B) ата-аналарға

С) 200-ге жуық студентке

D) халыққа 1 балл

2. Сөйлемді аяқтаңыз. «Шынықсаң – ...»

А) зорбайлық

B) мықты денсаулық

С) денсаулық кепілі

D) шымыр боласың 1 балл

3.Өзіңді күні бойы сергек сезіну үшін қандай тәсіл қолданамыз.

А) дұрыс тамақтану.

B) таза ауамен демалу

С) спортпен шұғылдану

D) білім алу. 1 балл

4.Мағынасына қарай мәліметтер орын тәртібімен дұрыс қойыңыздар.(1,2,3)

Оқылым. Ресми стильде жазылған мәтінді түсініп, оның мазмұны мен стильдік ерекшеліктеріне талдау жасау.

Қазақстан Республикасының Денсаулық сақтау министрлігіне

Аты-жөні: Әбдібекова Жанар Қайратқызы

Мекенжайы: Астана қаласы, Сарыарқа даңғылы, 50-үй, 12-пәтер

Телефон: +7 (701) 456-78-90

Электрондық пошта: zhanar.abdibekova@mail.kz

Өтініш

Мен, Әбдібекова Жанар Қайратқызы, Астана қаласындағы №5 қалалық емханада учаскелік дәрігер болып жұмыс істеймін. Сізден кәсіби біліктілікті арттыру мақсатында денсаулық сақтау саласындағы халықаралық конференцияға қатысуға мүмкіндік беруіңізді сұраймын.

Бұл конференция заманауи медициналық технологиялар мен әдістерді меңгеруге, сондай-ақ еліміздің денсаулық сақтау жүйесін жетілдіру жолында жаңа тәжірибе алмасуға септігін тигізеді.

Сізден өтінішімді қарастырып, қолдау көрсетуіңізді сұраймын.

Құрметпен, Әбдібекова Ж.К. 2024 жылғы 7 желтоқсан

Өтініштің стильдік ерекшеліктеріне талдау жасаңыз.

Төмендегі сұрақтарға жауап беріңіз:

1.Мәтіндегі сөйлемдердің құрылымы (қысқа, нақты, мақсатқа бағытталған)?

_________________________________________________________________________

2.Өтініште қандай іс-шараға қатысу сұралып отыр?

A) Қалалық семинар

B) Халықаралық конференция

C) Оқу курстары

D) Жұмыс орнына ауысу

3.Өтініштің негізгі мақсаты қандай?

A) Қаржылай көмек сұрау

B) Медициналық жабдықтар алу

C) Кәсіби дағдыларды жетілдіру

D) Жаңа жұмыс орнына ауысу

4.Өтініш авторы қай жерде жұмыс істейді?

A) Астана қаласының әкімдігінде

B) №5 қалалық емханада

C) Денсаулық сақтау министрлігінде

D) Халықаралық ұйымдарда

5.Мәтінде қандай дәлелдер келтірілген?

A) Жаңа медициналық технологиялар мен әдістерді меңгеру

B) Жалақының жетіспеушілігі

C) Емханадағы жұмыс көлемінің көбеюі

D) Басқа салаға ауысу ниеті

Жазылым

1. Теңеу мен метафораны қолдана отырып, мәтін құрастырыңыз.

2.«Ұлттық нақыштағы сәнді киімді таңдаймын» деген тұжырым бойынша мәтін жазыңыз.

Айтылым. «Спорт және денсаулық күтімі» тақырыбында монолог құрастырыңыз