Бұқар жырау ауданы,

«Үштөбе тірек мектебі (РО)» КММ

Салыкова Назым Кабылкаримкызы, Әлеуметтік педагог

Толық емес отбасындағы балалармен әлеуметтік-педагогикалық жұмыс

Қазіргі қоғамда түрлі әлеуметтік себептерге байланысты толық емес отбасылардың саны артып келеді. Мұндай отбасыларда баланы көбіне бір ата-ана тәрбиелейді. Бұл жағдай баланың психологиялық жай-күйіне, әлеуметтік бейімделуіне және оқу үлгеріміне белгілі бір деңгейде әсер етуі мүмкін. Осы орайда мектептегі әлеуметтік педагогтың рөлі ерекше маңызға ие.
Толық емес отбасында тәрбиеленіп отырған балалар кей жағдайда өз-өзіне сенімсіз, тұйық немесе керісінше, агрессивті мінез-құлық көрсетуі мүмкін. Мұндай балаларға эмоционалдық қолдау, түсіністік пен қамқорлық аса қажет. Әлеуметтік педагог ең алдымен баланың әлеуметтік жағдайын зерттеп, отбасының мүмкіндіктері мен қажеттіліктерін анықтайдыӘлеуметтік-педагогикалық жұмыстың негізгі бағыттарына баламен жеке жұмыс жүргізу, ата-анамен тұрақты байланыс орнату, психологиялық қолдау көрсету және баланың құқықтарын қорғау жатады. Сонымен қатар, сынып жетекшісі, психолог және мектеп әкімшілігімен бірлесе отырып, кешенді жұмыстар атқарылады.
Толық емес отбасындағы балалардың бос уақытын тиімді ұйымдастыру, оларды мектептегі үйірмелер мен қоғамдық іс-шараларға тарту да маңызды. Бұл баланың өзіне деген сенімін арттырып, қоғамда өз орнын табуына ықпал етеді.
Қорытындылай келе, толық емес отбасындағы балалармен жүргізілетін әлеуметтік-педагогикалық жұмыс жүйелі, мақсатты және кешенді түрде ұйымдастырылуы тиіс. Әлеуметтік педагогтың кәсіби шеберлігі мен жанашырлығы бала тағдырына оң әсерін тигізіп, оның толыққанды тұлға болып қалыптасуына мүмкіндік береді.