Тақырыбы: «Топжарған»

Мақсаты: Оқушыларының пәндер бойынша алған білімдерін саралау, ой ұшқырлықтарын байқау, топпен бірлесе отырып жұмыс істей білуге және өз білімін көрсете білуге үйрету. Оқушылардың сөздік қорын молайту, дүниетанымдарын кеңейту, тіл байлығын, шығармашылық қиялын, логикалық ойлау қабілетін дамыту, өз ойын еркін жеткізе білуге және шығармашылықпен еңбек ете білуге дағдыландыру.

Түрі: топтық сайыс

Көрнекілігі: Топ аттары жазылған қағаздар, қима қағаздар, тақта.

Ұйымдастыру кезеңі:

Құрметті ұстаздар және оқушылар! Бүгінгі 5 – 9 сыныптар арасында өткелі отырған «Топжарған» атты сайысқа қош келдіңіздер.

Оқушылар әр түрлі түстерді таңдау арқылы екі топқа бөлініп отырады.
І топ – «Білімділер» ІІ топ – «Ойшылдар»

Шын жүйріктер сыналады жарыста
Жарыстың ба орта жолда қалыспа
Әділқазы бағалайды сіздерді
Жеңіс мәре жақын ба, әлде алыс па?- деп бүгінгі сайысымыздың әділ қазылар алқасымен таныс болайық: Тарих пәнінің мұғалімі: Конкаева Аксырга

Ал енді сайысымыздың жоспарымен таныс болыңыздар:

1. «Мыңның жүзін білгенше – бірдің атын біл!» /таныстыру/
2. «Білімді болсаң, байқап көр»
3. «Ойлы болсаң, ойлап көр»
4. «Жүйрік болсаң, озып көр»
5. «Тапқыр болсаң, тауып көр»
6. «Сөз ойла, тез ойла»

1. «Мыңның жүзін білгенше – бірдің атын біл!» /таныстыру/

2. «Білімді болсаң, байқап көр»
- Білім деген биік шың
Бақытқа сені жеткізер
Білім деген ақылшың
Қиындықтан өткізер - деп 2 кезек «Білімді болсаң, байқап көр» береміз.

Әр топқа 5 сұрақтан беріледі. Кестені толтырыңыз

3. «Ойлы болсаң, ойлап көр» Мақалды жалғастыру керек, әр топқа 5 мақал - мәтел беріледі. Әр дұрыс жауап 1 ұпаймен есептеледі.

1. Ел ағасымен жарасады, Киім жағасымен жарасады.

2. Ел елдің бәрі жақсы, өз елің бәрінен жақсы.

3. Ер — елінде, гүл — жерінде.

4. Орағың өткір болса, қарың талмайды, Отаның берік болса, жауың алмайды.

5. Сағынған елін аңсайды, Сары ала қаз көлін аңсайды.

Білім, ой мен арымыз,
Рухани нәріміз.
Сайыскерлер сіздерге
Қол соғайық бәріміз,- деп сайысқа қатысушыларды қолпаштап отырыңыздар.

4. «Жүйрік болсаң, озып көр» - логикалық есептер шығару. Әр топқа 5 есептен беріледі.

1. 4 пен 5-тің арасына қандай таңба қойылғанда 4-тен артық бірақ 5-тен кем сан шығады? (үтір)

2. Бөлмеде 2 ит, 3 құс, 1 шыбын бар. Осы жануарлардың бәрінің аяқтарын қосып есептегенде қанша болады? (20 аяқ)

3. Бөлмедегі әр бұрышта бір мысықтан және оған қарама-қарсы үш мысықтан отырса, бөлмеде неше мысық бар? 4 мысық

4. Көшеде екі әкесі, екі баласы және атасы немересімен қыдырып жүр. Көшеде неше адам жүр? үш

5. Қараңғы бөлмеде майшам мен керосин лампасы бар. Бірінші не жағасыз? шырпы

5. «Тапқыр болсаң, тауып көр». Жұмбақтар шешу. Әр топқа 5 жұмбақ беріледі. Жұмбақты шешіп, жауабын орыс тіліне аудару.

1. Сатайын десем ауыр кілем, Сатпайын десем тәуір кілем. Жер – земля

2. Аспанда бір айна бар, Әлемді көріп айналар. Күн – солнце

3. Етегім толы сөк, Ерте тұрсам жоқ. Жұлдыз – звезды

4. Жабық астында жарты күлше. Ай – луна

5. Төңірегі тең көрініп, Теген жатыр төңкеріліп, Жаста сиған, кәрі сиған. Астына оның бәрі сиған. Аспан – небо

6. «Сөз ойла, тез ойла».
Сөзжасам бұл әркімге ой салады,
Сөз тізбегін құрамын деп толғанады.
Сөзден - сөз шығаруға жетік болсаң,
Сөзжасам кезегі енді басталады.– деп сайыстың соңғы кезеңіне де келіп жеттік. Осы айналымның басты шарты: топтарға бір сөз беріледі. 3 минуттың ішінде берілген сөзден бірнеше сөз құрап жазу керек. Тәуелсіздік деген сөз беріледі.

Біреу озса сайыста, біреу артта қалады.
Ренжімей тарасса, озбағандар жарады.
Жарыс заңы ежелден - жеңімпазды анықтау,
Озат болу шарты сол – еңбектену, жалықпау - деп сөз кезегін әділқазы алқасына береміз.

Қорытынды:

Жарайсыңдар барлығың да өренім,
Асып - тасып төгілді ғой кемелің.
Риза болды қатынасқан көрермен,
Сайыстағы бар қызықты көргендер.

- Шәкірттерім менің! Алдағы уақытта да ерінбей, жалықпай оқуды оқып, ойымызға тоқып жүрелік. Білімді болыңыздар! Осыменен сайыс аяқталды.