"Топжарған" зияткерлік сайысы

Тақырыбы: «Топжарған» музыкалық сайысы.

Мақсаты:  Оқушылардың бойына өнерге деген сүйіспеншілікті дарыту, музыкаға деген қызығушылықтарын арттыру, есте сақтау қабілеттерін нығайту,шығармашылығын дамыту, сөздік қорларын байыту, жүйелі сөйлеуге дағдыландыру. Достыққа, ұйымшылдыққа тәрбиелеу.

  Түрі: Сайыс

Жүргізуші:

        Армысыздар құрметті ұстаздар оқушылар және қонақтар! Бүгінгі «Топжарған » музыкалық сайысына баршаңыз да қош келдіңіздер!
Әнді жанындай сүйген, әнді әлдилей білген халықтың бірі – қазақ елі десек, артық айтқандығымыз емес.
«Музыка — жүрек тілі, ол — сезімдер мен көңіл — күй әлемі. Ол дыбыстар арқылы бейнеленген жан сарайы. Егер сен музыканы түсініп сүйгің келсе — оны ыждағаттықпен тыңдай біл! деген екен. Бүнгі сайычқа екі топ дайын болып келіп отыр екен , «Бемольдар», «Диездер» тобы. Топтардың аттарымен таныс болсаңыздар сайысымыздың негізі кезеңдерін айтып өтейін.

1 кезең: «Сөздер кестесі». Әр топқа сөздер беріледі. Сол сөздерді құрастырып әннің шумақтарын орындау.

2 кезең : Келесі бөлім «Ойлан тап» деп аталады. Музыкаға қатысты сұрақтар қойылады, сол сұрақтарға жауап бересіздер.

3 кезең: «Сиқырлы үн» деп аталады. Үнтаспадан әндер қойылды, сол әнді табу қажет.

4 кезең: «Суреттер сыр шертеді». Экранда суреттер беріледі. Сол суретке қарап, әннің атауын табасыздар.

Сайысымыздың негізгі бөлімдерімен таныс болсаңыздар, қазылар алқасын сайлап алайық.

1.

2.

Сайысымыздың алғашқы бөлімі сөздер кестесі, әннің жолдарын құрастырып орындау.

1. «Жас дәуірдің түлегіміз»-- бау-бақша белдер, орман-тау көлдер

2. «Мұғалім ол біздің»- Білімнің кілтіндей, әліппе ұстатқан

3. «Домбыра сазы» - Елдің жырын жырлаған, қайғысын да толғаған

4. «Дос болайық бәріміз» - әрқашан дос біргеміз, ажырамас іргеміз

ІІ бөлім: «Ойлан тап»

Сұрақтарға кім жылдам жауап берсе бір ұпай қосылады.

• Музыкалық атауы бар гүл… қоңыраугүл

• 7 лақ ертегісінде қасқырдың дауысын өзгертуге кім көмектесті? Ұста

• Туған күн туралы ән салған мультфильм кейіпкері. Қолтырауын Гена

• Домбырада неше ішек бар?2

• Баланы ұйықтатарда айтатын ән .. бесік жыры.

• Ең үлкен скрипка…контрабас

• Оркестрдің жетекшісі… дирижер.

• Үш адамнан тұратын орындаушылар тобы қалай аталады? Трио

• Неше нота бар? 7

• «Если долго, долго, долго…» деп ән айтатын қыз… Қызыл телпек.

• Қобызды немен ойнайды? Ысқышпен

• Әр баланың ең алғашқы шулы музыкалық аспабы…сылдырмақ.

• Музыканы қандай кілтпен ашады? Скрипка кілті.

• Мемлекеттік рәміз-салтанатты ән… Гимн.

ІІІ бөлім «Сиқырлы үн»

Қазір экранда көрсетілген сандарды таңдайсыңдар,сандардың астында ән жасырылған сол әннің атауын тапқан топ сол санды командаға ұпайлап алады.Осы әуеннің арасында өздеріңе белгілі бір күй де жасырылған.

IV бөлім:   «Суреттер сыр шертеді ».

1. Ол өте биік, шыңына қарасаң көзің жетпейді. «Алатау»

2. Жап-жасыл кілемде ойнаймын, күлемін. (Атамекен)

3. Таң ата оянып,ғажайып түс көрдім. (Ертегілер елінде)

4. Атам оған жем береді,апам оған су береді. (Қошақан)

5. Жылағанда жұбатады,ақ сүтін береді…(Анашым немесе ана)

6. Оның сәулесі суда дірілдейді…(Желсіз түнде жарық ай)

Қазылар алқасының қорытындысы.

Марапаттау:
Сайысқа қатысқан сайыскерлер сіздерге көп рахмет айта отырып, ұстаздар және келіп тамашалап, өз командаларыңызға жанкүйер болып келген көрермендер сіздерге де алғысымды білдіргім келеді.
Ән аманат сіздер үшін, бар болыңыз, сау болыңыз!