Төрт-түлік үй жанурлары

Тақырыбы: «Төрт түлік және оның пайдалы өнімдері»

Мақсаты: Балалардың есте сақтау қабілеттерін дамыту. Төрт түлікке не жататынын ұғындыру, олардың пайдасы, адам өміріндегі маңызы туралы білуге үйрету. Үй жануарларының (төрт түлік малдың) тіршілігі туралы баяндап, балалардың үй жануарлары туралы білімдерін толықтыру. Балалардың ұсақ моторикасын және сенсорлық қабылдауын дамыту. Есте сақтау, ойлау, қиялдау қабілеттерін дамыту. Үй жануарларына деген сүйіспеншіліккке, қамқорлыққа тәрбиелеу.

Көрнекілігі: Ойын «Не таптың?», Ойын «Даусынан танып, төлдерін тап», төрт түлік малдың төлдерімен макеттері, «Қошақан» видеоролик (сергіту сәті), төрт түліктің өнімдері (сүт, айран, сүзбе, май, қаймақ, құрт, қымыз, шұбат, ірімшік, ет өнімдері, кілемше, кеудеше, бас киім және т.б. мал жүнінен тоқылған бұйымдар), Ойын «Сиырды сауып өнімін ал», желім, поп-корн.

Балалар залға кіреді (сәлемдесу).

Психологиялық сәт «Еркелету» (ойын-тренинг).

Тәрбиеші: - Балалар, мен сендерді өте жақсы көремін, сендер өте ақылды, сүйкімді, тәртіпті баласыңдар! Сендер ата-аналарыңның мақтанышы, байлығы және ең үлкен жетістктерісіңдер! Сендерді ата-аналарың үйде қалай еркелетеді?

Балалар (тәрбиеші көмегімен):

- Құлыным;

• Ботам;

• Қошақаным;

• Құлыншағым;

• Лағым;

• Боташым ...

Тәрбиеші: - Жарайсындар, балалар! Ал, сендер, айтылған еркелету сөздері қандай жануарлардың төлдері екенін білесіңдер ме? (балалар жауабы).

• Ия, осы аталған жануарларды бір сөзбен төрт түлік деп атайды.

Түсіндірме жұмысы: Төрт түлік – мал: түйе (бота), жылқы (құлын), қой (қощақан), сиыр (бұзау). Қазақ халқы осы төртеуін төрт түлік деп атаған (макеттер).

Топқа есікті қағып, Қойшы ата кіреді. Балалармен сәлемдесіп, малдарының төлдерін жоғалтып алғанын айтып көмек сұрайды. Балалар көмектесуге келіседі.

1. «Не таптың?»

Мақсаты: Балалардың қол моторикасын дамыта отырып төрт түлік мал туралы түсініктерін бекіту.

Шарты: Паралон ішінен төрт түлікті тауып атау.

2. Ойын «Даусынан танып, төлдерін тап»

Мақсаты: Балалардың фонематикалық есту қабілетін, зейіндерін дамыта отырып төрт түлік мал туралы түсініктерін бекіту. Кеңістікті бағдарлау.

Шарты: бөлмеге ағаш макеттері мен гүлдер қойылады. Бір педагог төрт түліктің дыбыстарын кезегімен бөлменің әр бөлігінде қойып отырады. Тәрбиеші балалармен дыбыс қай жерден шығып жатқанын, қай малдың дыбысы екенін анықтап, тығылған малды табу керек (ағаштың артында, гүлдің алдында, үстелдің астында, орындықтын үстінде). Табылған төрт түлік пен олардың төлдерін атау. Малдың дыбыстауын атау:

• Түйе боздайды;

• Сиыр мөңірейді;

• Жылқы кісінейді;

• Қой маңырайды.

Сергіту сәті «Қошақаным» (бейнероликке билеу)

Қойшы ата: - Жарайсындар! Сендер өте ақылды, көңілді, тапқыр балаларсындар! Сондықтан мен сендерге төрт түлік малдың адамға берер пайдалы өнімдерін сыйға тартқым келді (себет: сүт өнімдері, сандық: жүн және жүннен жасалған заттар, поднос: ет өнімдері).

Тәрбиеші: - Рахмет, ата! (тәрбиеші балаларға сыйға тартылған заттарды көрсете отырып, түсіндірме жұмысын жүргізеді).

• Ата, біздің балалармен бір ойын ойнап, балаларымыздың білімін сынап көріңіз!

3. Ойын «Сиырды сауып өнімін ал»

Мақсаты: сиыр-ірі қара мал туралы, оның беретін өнімдері туралы түсінік беру. Қол моторикасын дамыту, шығармашылық қабілеттерін арттыру.

Шарты: Орындыққа медициналық перчатка үрленіп қыстырылады (сиыр емшегі), боялған суретті сол орындыққа жабыстырып, сиырды сауып отырып өнімдерін атау

4. Шығармашылық жұмыс «Қошақандар»

Мақсаты: ұсақ қол моторикасын дамыта отырып шығармашылық қабілеттерін арттыру.

Шарты: желімге (ұннан қайнатылған клейстер) поп-корнды батырып қой суретіне (трафарет) жабыстыру.

Қорытындылау

Сұрақ-жауап сурет арқылы дыбысын салу. Балаларды мадақтау. Құрт жегізу.