Білім беру саласы: Шығармашылық, танымдық.

Бөлімі: Сурет салу.

Тақырыбы:Тостаған.

Мақсаты:балалардың шығармашылық қабілетін дамыту, заттың пішіндері туралы білімдерін жетілдіру, қылқаламды пайдалана отырып затты безендіруді үйрету, тостаған туралы білімдерін бекіту, жұмысты орындау барысында икемділікке, ұқыптылыққа, жинақылыққа тәрбиелеу.

Көрнекіліктер: акварель бояуы, қылқалам, сүрткіш, тұғырлар.

Сөздік жұмыстар:тостаған, безендіру.

Полингвальді:тостаған-чаша, безендіру-украшать.

Ұйым кезеңі:

Педагог: -Балалар, менің қолымдағы ыдысты қалай атайды?

Балалар: -Тостаған.

Педагог:-Сендердің үйлеріңде осындай тостағандар бар ма?

Балалар: -Иә.

Педагог:-Балалар, менің қолымдағы тостағанның қандай ерекшелігі бар?

Балалар:-Оюмен безендірілген.

Педагог:-Сурет салу кезіндегі маңызды дүние-заттың фонына көңіл бөлу, себебі, заттағы ою-өрнектің реңкі әр түрлі болуы мүмкін. Бүгін біз тостағанды салып, әшекейлеуді үйренеміз. Қағазға бір түсті акварель бояуымен тостағанның суретін саламыз. Ол үшін:

-Алдымен тостағанды орналастыратын орынды белгілеп алайық. Тостаған беттің дәл ортасында орналасады. Содан соң беттің сәл төменгі жағына тостағанның табанын бейнелейміз, қылқаламды жоғары қарай көтеріп, тостағанның жақтауларын саламыз.

-Енді осы тостағанды әдемілеп әшекейлейміз, ол үшін тостағанды көлденең сызықтармен төрт бөлікке бөліп, пайда болған бөліктерді әртүрлі түспен ерекшелеп бояймыз.

Салған тостаған кепкенше бір серігіп алайық.

Сергіту сәті:

Біз ақылды баламыз,

Әсем сурет саламыз.

Асықтармен заттарды,

Безендіре аламыз.

Тостағанның бояуы кепсе, қылқаламды басқа түсті бояуға малып алып, оюлармен безендіреміз.

Педагог балалардың жұмыстарын қарап, баға береді.

Күтілетін нәтиже:

Жаңғырады: тостаған, асық жайлы түсініктері, қолданылу ерекшелігі турал білімі кеңейеді.

Түсінеді: суретті қағаз бетінде дұрыс орналастыра білу, затты безендіру ерекшеліктерін түсінеді.

Қолданады: боялған суреттің үстінен қылқаламмен оюларды ептілікпен сала білу дағдысы қалыптасып, оны қолданады.