Тəрбие сағаты. Армысың, Əз-Наурыз! 7 сынып

Сценарий тақырыбы: Армысың, әз Наурыз!

Сценарий мақсаты: Наурыз мейрамы туралы түсінік беру арқылы Қазақ халқының салт – дәстүрін көрсету және оны құрметтей білуге тәрбиелеу.

Сценарий көрнекілігі: «Наурыз - 2012» газеті, нақыл, қанатты сөздер, киіз үй, дастархан, суреттер көрмесі.

Сценарий барысы: Кіріспе.

Мұғалім: - Армысыздар, ұстаздар, қонақтар! Бәріміздің асыға күткен Наурыз тойымыз келіп жетті. Тойларыңыз құтты болсын! Наурыз – «жаңа күн» деген сөз. Бұл күн – біздің ата – бабаларымыз, арғы тегіміз мыңдаған жылдардан бері тойлап келе жатқан жыл басы мерекесі. Наурыз тойымыз құтты болсын! Ұлыстың ұлы күні деп аталған Наурызда денсаулықтарыңыз мықты болсын, тілектеріңіз қабыл болсын!

1 – жүргізуші:

Наурыз – көктем мерекесі.

Наурыз – жыл басы.

Наурыз – жаңа серпін, жаңа леп.

2 - жүргізуші:

Наурыз – қуаныш мерекесі,

Бақыт пен шаттық мерекесі.

1 - жүргізуші:

Наурыз – шаруаның мерекесі.

Наурыз – еңбек мерекесі.

2 - жүргізуші:

Армысыңдар, халайық,

Бармысыңдар, халайық.

Наурыз тойын жұп жазбай

Жылда қарсы алайық.

1 - жүргізуші:

Ал, халайық, тұрмайық,

Әндетейік жырлайық!

Ортамызды ашайық,

Ырыс тілеп бұл жылға,

Жырдан шашу шашайық! 
2-жүргізуші: Наурыз мерекесіне арналған кешімізді бастамас бұрын 7 «А» сыныбының оқушылары барлық нәзік жанды аруларымызды 8 – наурыз халықаралық әйелдер күнімен құттықтап келіпті қарсы алыңыздар!

Мишин Артем:

Анам, анам, анашым,
Жаның дархан, данасың.
Кім өзіңдей ұқтырар,
Осы өмірдің бағасын

Гузез Артем:
Анасыз өмір, өмір ме,
Көтерілмес көңілде
Тек аналар жасасын,
Мәңгілік бұл өмірде.

1-жүргізуші: Би: «Вальс». Орындайтын: Манахова Виктория – Цой Эдвард, Папова Диана – Хоперский Николай.

2-жүргізуші: Наурыз мейрамы қай халықта болмасын адамдардың көрісуінен басталады.

(оқушылар көріседі)

1-жүргізуші:

Ұлыс күні қазан толса
Ол жылы ақ мол болар
Ұлы кісіден бата алса
Сонда олжалы жол болар – Бүгінгі мейрамға бізге бата беруге арнайы Қыдыр атамыз да келіпті. Келіңіз ата төрлетіңіз!

Бата:

Ұлыс оң болсын,

Ақ мол болсын.

Қайда барса жол болсын!

Ұлыс бақты болсын,

Төрт түлік ақты ақты болсын!

Ұлыс береке берсін,

Бәле-жала жерге енсін!(Әумин!)

2-жүргізуші: Бұл күні ауыл бойжеткендері өздері ұнатқан жігіттеріне соғымның етінен пісірілген «Ұйқыашар» деп аталатын дәм дайындаған. Ал жігіттер қыздарға айна, тарақ, иіссудан тұратын сыйлықтар сыйлаған. Оны «Селтеткізер», «Діреткізер» деп атаған.

Айна-сұлулықтың белгісі.

Тарақ-талғампаздықтың белгісі.

Иіс су- жұпар иіс белгісі.

(Ұйқыашар, Селтеткізер, Діреткізер ырымдары көрсетіледі).

1-жүргізуші: Мереке қарсаңында бәріміз бірге «Қазақша би» биін билейік!

(7 «Б» сынып оқушылары шақырылады).

2-жүргізуші: Наурыз мейрамына байланысты Наурызға арналған тақпақтарды қарсы алыңыздар.

1-жүргізуші: Наурыздың тағы бір жоралғысы – «Саумалық» айту. Наурыз айында жаңа жыл еніп, жер бусанын, күн күркіреп, жаңбыр жауып, көк дүркірегенде ауыл адамдары далаға шығып саумалық айтып, куанышты көңілмен жақсы тілек тілейді.

София:
Саумалық, саумалық,
Наурызмның көк құсы
Ұйқыдан көзін ашты ма?
Саумалық, саумалық,
Самарқанның көк тасы
Жібіді ме көрдің бе ?
Саумалық, саумалық,
Ескі жыл кетіп, жаңа жыл келді,
Ескі жыл есіркей кет.,
Жаңа жыл жарылқай кел –
2-жүргізуші:

Құлақтан кіріп бойды алар

Әсем әнмен тәтті күй,

Жүрекке түрлі ой салар

Әнді сүйсең менше сүй,демекші – 7 «А» сынып оқушысы Қуандық Дарынның орындауында «Қазақ жігіттері» әнін қарсы алыңыздар

(ортаға қазақ халқының ұлттық ойындарын көрсететін бір топ оқушылар шығады).

 1-жүргізуші: біздің мектебімізде Наурыз мейрамы тойланып жатқанын естіген басқа ұлт өкілдері де құттықтап келіпті. Қарсы алыңыздар

7б –сынып оқушыларының орындауында «Түрік биі».

7в – сынып оқушыларының орындауында «Орыс биі».

7а – сынып оқушыларының орындауында «Ингуш биі».

2-жүргізуші: 

Ән қосылсын сәніңе!
Ырысты боп жаңа жыл!
Бақ дарысын бәріңе!
Ой қосылып ойыңа
Бас қосылып бойыңа
Аман-есен жетейік
Келер Наурыз тойына – деп 7б сынып оқушыларының орындауында «Наурыз тойы» өлеңін қарсы алыңыздар