Тəрбие сағаты "Бастауышпен қоштасу" 4сынып

Сабақтың тақырыбы: « Қош бол-бастауыш»

Сабақтың мақсаты: Оқушылардың бастауышта алған білімдерін қорытып ,тиянақтау.Дүниетанымдылығын кеңейту.Өз өнерін көрсету: ата-анамен ынтымақ қатынаста жұмыс жасау. Өзін өзі басқару қабілетін көрсету Көрнекілігі: Нақыл сөздер, АКТ,слайттар,Фотосуреттер.

Мұғалімнің сөзі: Қош келіпсіздер құрметті ұстаздар , ата-аналар және оқушылар! Бүгінгі күн осында отырған бәріміз үшін 4 жыл бұрын мектеп табалдырығын жүрексіне аттаған балаларыңыз білімнің негізі болатын бастауышта оқып ,қанаттарын қатайтып бастауыш сыныппен қоштасқалы отыр .

Бұл оқу тамақ болар қарны ашқанға, Жол табар қараңғыда адасқанда Мал озбас біле білсең білім озар , Ақыры керек болар бір сасқанда –деп,Міржақып ақын айтпақшы , тарыдай болып кіріп ,ақыл ойлары толысып ,оң мен солын танып жақсы мен жаманды айыра білуді үйренген шәкірттеріміздің ұйымдастыруымен өткізгелі отырған “Қош бол -бастауыш ” атты мерекесін бастауға рұқсат етіңіздер.

Бұл салтанат қуаныш баршамызға Мұндай күй болған сірә қаншаңызда Қол соғып қошеметтеп шақырайық 4''Г'' сынып оқушыларын ортамызға .

Ата-аналар шашу шашады.

Тәттілерді алайық , Шашуымызды шашайық, Бұл мереке бұл тойдың, Бастаңғысын жасайық.

Мұғалімнің сөзі:

Мен үшін бәрің бірдей қарақтарым, Орындалсын арман тілек талаптарың . Ақ парақтай келдіңдер сәби болып , Ұғындым әрбіріңді парақтадым Өткіздік талай күнді ,талай айды Уақыт сырғып артқа қарамайды 4 жыл бойы сендермен бірге болдым , Өткіздік талай қызық ,талай жайды Ірге тасын қаладым,білім бердім , Саналы ұл-қыздарым бүгін менің Ортада тұрған осы шәкірттердің Көрейік тамашалап өнерлерін.

I Хор: Ұстазым . II. Әдеби мантаж. Тақпақтар.

Қош келіпсіздер ақ жаулықты аналар, Жүздеріңнен мейірім нұры тамар. Алдарыңда жауқазындай құлпырған, Бұл алаңсыз балғын шақты балалар .

Көз салып қараңдаршы бойымызға Ортақ боп бүгін өскен ойымызға Қош келіпсіз ұстаздар ата-аналар , Бастауышпен қоштасу тойымызға .

Маған ұстаз үйретті Әліппесін өмірдің Жан жүйкемді билетті Күйі шалқып көңілдің Бәрі бірге : Ұлағат ісін сүйемін. Ұстазға басымды иемін.

Бала шақтан болашақты жырлатып Шәкірттерге ой түзеткен сымбатты Күн нұрындай сәуле құйған көңілге Армысыздар ұстаздарым қымбатты .

Барлық білім бастауыштан басталған Алғыс саған үлкендер мен жастардан Рахмет саған алғаш ұстаз апайым Еңбегіңді ойға түйіп қайтарам . Сондықтан да Ұстаз бен ата- анаға ‘’Мың алғыс’’

III. Қазақша би:

Айгөлек –ау айгөлек , Айдың жүзі дөңгелек. Айдай толған кезімде , Би билейміз дөңгелеп.

IV. Ән. ''Қазақ қыздары’’

V. Ән. ‘’ Бол жанымда’’

VI. Ән. ‘’ Сен маған үйреттің ‘’

VII. Мұғалімнің сөзі: Ата –анасының ісінен көпті үйреніп бойына сіңіре білу –әр баланың парызы сондықтан төрт жыл бойы оқығанда ата-ананың да еңбегі зор. Олай болса аналарға арнап әнге кезек берейік . Ән. '' Ана туралы ‘’

VIII. Әдеби мантаж (тақпақтар )

Алғашқы ұстаз ерекше тұлға дара шың , Ұмытылмастай көңілде мәңгі қалатын . Сағына әркез суреттерді парақтап , Шәкірттерім жиі еске алатын .

Өмірдегі жолымды бір өзіңнен бастадым “А ”әріпін алғаш сенен бастадым Ұстазым естен кетпес мәңгілікке Мейіріммен жауырымнан қаққаны

Мектеп –үйім,ұстазым менің ата—анам, Сенен өсіп ,сенен ғана нәр алам . Саяң ыстық сен мәуелі бәйтерек, Тамырланып сан тарапқа тараған .

Есімде ерен ұстазым, Басымнан сипап өткенің . Аянбай бізге қыс- жазы, Молынан мейірім төккенің.

Би билеп ән айтылар аспандап, Бірте-бірте көтерілді баспалдақ . Алғаш ұстаз алғыс айтып өзіңе , Қоштасу сәт қимастықпен басталмақ .

IX Би. ‘’ Манне’’

XX. КВН Жайдарман ойыншылары. XI. Би. ‘’Роли поли’’

Өтт і сенде қызық шағым , Бастауышым –бал бұлағым . Қоштасар күн жетті міне, Қимастықпен қол бұлғадым..

Ой жіберсең , Дүниетану пәніне . Өмір сырын үйретер , Пәннің жақсы бәрі де . Жер байлығы көп екен , Игеруді қалайды . Осының бәрін білдірге,. Дүниетану сабағы.

Қазақ тілі пәнінен Білім алды балалар Сөйлемді ,сөз таптарын, Етістіктің шақтарын , Жалғаулар мен жұрнақтар Ережесін жаттадым 5-шіге барған соң Басқа апайлар бағалар

Жүзің жылы құшағы кең, Сенен түлеп ұшамын мен Өзің берген біліміңмен

Бастауышта шырқалмаған жыр барма? Бастауышта айтылмаған сыр барма ? Бастауышта алған білім жырларым ,

Есімде ұстаздың алғаш қарсалғаны , Айқара есік ашып тастағаны Бір мереке думан боп осы маңда Жетелеп бір сыныпқа апарғаны .

Бастауышым – бал бұлағым, Алдым сенен балдың дәмі. Әріп танып ,білім алып, Рахметімді жаудырамын.

XIII. Ойын. ‘’ Мимикалық '' Ата-анамен ойын.

XIV. Ән. Қытайдың әні

XV. Ән ‘’ Жаяу''

Мұғалым сөзі: Осымен бастауышпен қоштасу кешіміз аяқталды .

1. Құрметті қош келіпсіз, Өзіңізді мақтан етіп жүреміз , Жақсылыққа жаралған жүрегіңіз Сөз береміз құрметпен өзіңізге Түлектерге арналсын тілегіңіз .

2.Ата –анаға сөз беру Бүгінгі кеш әр үйдің той басы деп саналар, Балалардың есімі әулеттерге таралар , Ырым етіп сондықтан ертеңгілік соңында, Ақ тілекпен баршаға тілек айтар ата-аналар.

Мұғалімнің сөзі:

Бүгін міне жақсы күн жарқыраған, Көңілдер қуаныштан сарқыраған. Қоштасатын күн келді бастауышпен, Қиындау болып тұр-ау бүгін маған.

Кеше ғана алдыма келген еді Именіп ұлы ұяға енген еді , 4 жыл бойы сусындап біліммен, Ұшатын қанат қағар келді кезі.

Алдарыңда ұзақ жолың бар, Оқумен өсіп толыңдар. Қиындыққа мойымай , Аман есен болыңдар.

Осымен ашық тәрбие сағатымыз аяқталды . Уақыт бөліп келгендеріңізге рахмет. Хош сау болыңыздар.