Тəрбие сағаты:" Мектеп - білім тірегі, Ұстаз -оның жүрегі!"

Білімнің кілтіндей

“Әліппе” ұстатқан,

Оқуға іркілмей

Тоқуға үйреткен.

Қамқоры ұл, қыздың –

Мұғалім – ол біздің.

2 Жақсығат

Қиынға төзуге

Үйреткен қашанда,

Жаманнан безуге,

Жақсылық жасауға.

Қамқоры ұл, қыздың –

Мұғалім – ол біздің.

3 Улданай

Атам да сыйлайтын

Атамның тұстасы,

Папам да сыйлайтын

Ауылдың ұстазы.

Қамқоры ұл, қыздың –

Мұғалім – ол біздің

4 Қалдаш

Анашымдай сыр шерткен,

Ақыл, білім үйреткен.

Ана тілін оқимын,

Ерекше зор құрметпен.

5 Нұрболат

Математика сабағын

Жақсылап ұғып аламын

Сәулесі де сананың,

Мәнінен ой табамын.

6 Ақниет

Ұлтын сүйген баламын

Ұлтым тілі – анамның.

Қазақ тілі – ортақ тіл,

Тілімнен ой табамын.

7 Нурсултан

Шыңдап күнде мен енді,

Шынықтырам денемді.

Сүйемін ән-күй сабағын,

Суретті сәндеп саламын.

8 Балауса

Ғұлама, білгіш ғалымнан

Оқушы жас жалыннан,

Мархабатты ойшылдан,

Мал өсірген қойшыдан,

Жазушыдан, ақыннан,

Ғарышкерден – Батырдан

9 Ж. Бекзат

Өнері асқан актерден,

Ырыс қазған шахтерден,

Мың бұралған бишіден,

Ой тербеткен күйшіден,

Оқыған жас-кәріден

Оқушының бәрінен,

Бәрі/ қосылып:

Білім берген біздерге

Рахмет Сіздерге.

1-жүрг. Ғылым иесі ғалым да, ел қорғаған батыр да, тілінен бал тамған ақын да, тегеуріні темір балқытқан жұмысшы да, егін салған диқан да, мал бағып терін төккен шопан да, көк күмбезінен әрі өткен ғарышкер де бәрі-бәрі ұстаздан білім, тәлім алған, сондықтан ұлағатты ұстаздар сіздерге бүкіл адам баласы құрметпен бас иеді.

2-жүрг. Мереке құтты болып, мерейлеріңіз арта берсін, ұлағатты ұстаздар!

1-жүрг. Ұстаз! Осынау сөзде қаншама мән-мағына жатыр десеңізші! Ұлағатты ой иелері де, арман оты жүрегінде алаулаған жеткіншектер де, парасатты қоғам қайраткерлері де бір адамға қарыздар. Ол – Ұстаз! Алғаш “Әліппенің” бетін ашып, әріп танытқан, өмірдің қыр-сырын білуге, сан қилы құбылыстарды терең түсінуге мұрындық болып, жан дүниеңе нұрлы шуақ түсіріп, адамгершілікке баулыған мұғалімнің бейнесі көңіл төрінен орын алады ғой.

2-жүрг. Ұстаз да диқан сияқты. Ол әр адамның жанына білім дәнін себеді. Әр шәкіртін аялап өсіріп, өмір атты шексіз ғаламға топшысын қатайтып ұшырады. Дәлірек айтсақ, адамды өмір сүре білуге тәрбиелейді. Сол үшін бойындағы асыл қасиеттерін шәкірттеріне сіңіріп, тер төгеді.

1-жүрг. Егер әр адамның жүрегінде ізгілік сәулесі болса, ол – мұғалімнің еңбегі. Сол нұрды жеткіншектің жүрегіне сіңіру үшін қаншама тер төкті десеңізші! Дүниеде адамды тәрбиелеп, азамат атандырғаннан артық абырой мен құрмет жоқ шығар, сірә?!

10 Жулдыз

Ақырын жүріп, анық бас,

Еңбегің кетпес далаға.

Ұстаздық еткен жалықпас

Үйретуден балаға.

12 Нурдаулет

Білімнің кәусар бұлағын

Жүресің құйып санама

Біз үшін сенсің, мұғалім,

Ұстаз да, ғалым, дана да.

13 Мейрамгүл

Қыр-сырын зерттеп заманның,

Ұлылығын айтып бабамның

Өнеге, өріс беретін

Барометрі сенсің адамның.

14 Куаныш

Сағыныш сазы толқытқан,

Арнамақ сөздің мәйегін.

Шәкірттерің оқытқан

Келіп тұр жолдап сәлемін!

15 Бибісағира

Өмірдің ұғып тереңін,

Өркен жайған қауымым

Қабыл ал жүрек сәлемін,

Құлақта сенің әр үнің!

16 Багдаулет

Ұстаздардың ұлағатты сөзінен,

Өмір бойы таусылмас нәр аламыз.

Ұстаздардың мейірімді көзінен,

Бізге деген жылылықты табамыз.

17 Нұрдана

Ұстаздар! Қандай ғажап халықсыздар!

Шәкіртке шыңдай биік алыпсыздар.

Жан біткен жанарына нұр сыйлаған,

Күндей боп күлімдеген жарықсыздар.

18 Айбек

Жаралған жақсы үміт пен мұраттардан,

Жансыздар әлдилеген шуақты арман.

Жатталсын есімдерің жан жүректе,

Адамның аяулы әні сияқталған.

19 Гүлжанай

Жүрегіміз түкпірінен ән қылып,

Шырқай оған айттық біздер тілекті.

Ұстаз аты биік, әрі мәңгілік,

Тербетеді сезім менен жүректі.

Бәрі/ қосылып:

Білім берген біздерге

Рахмет Сіздерге.

1-жүрг. Бірге өсіп, ен жайлаған ұл менен қыз,

Асыға сәлем жолдап жүректен біз.

Тәтті күй, асқақ ән мен әсем биді,

Сіздерге тарту етіп ұсынамыз.

2-жүрг. Ән: «Ардақты ұстазым» орындайтын Агнаева Улданай және Жалгасбаева Жулдыз. Қабыл алыңыздар

Би: флешмоб /балдар/

1-жүрг. Сен алғашқы сабаққа барғанда үш ережені ұмытпа, біріншіден, киген киімің шәкірттер жиіркенбейтіндей, үстіңе қонымды, бойыңа жарасымды болсын. Екіншіден шәкірттерің қандай сұрақ қойса да, оларды қақпаламай, қанағаттандыра жауап бер. Үшіншіден, олардың әуелгіде әдейі көрсеткен оқыс қылықтарына шыдап, сабырлылықпен тәлімді тәсіл қолдана біл...

2-жүрг. Сынып – сиқырлы драма орны. Онда кездейсоқ керемет оқиғалар болуы мүмкін. Әзіл – қалжың отауы

1. Анасы мен баласы

Неге бармайсың?

Баласы шешесіне айтады:

- Мен енді мектепке бармаймын!

- Неге бармайсың?

- Сол ... Асанов таспамен оқ атады, Сотқаров оқулықпен басымнан ұрады, тағы біреуі аяғымен шалады...

- Бармаймын!

- Жоқ, балам, сен қайткенде де баруың керек. Біріншіден, жасың қырықтағы адамсың, екіншіден, мектеп директорысың.

2көрініс“Суретші”

Мұғалима Асанның әкесіне шағым айтады:

- Кеше сабақта сіздің ұлыңыз партаға шыбынның суретін салып қойыпты. Мен оны шын екен деп қолымды ұрып алдым.

- Сіз оны айтасыз, - дейді әкесі. Бірде ол ваннаға крокодилдің суретін салыпты. Зәрем ұшқаны сондай, тұра қашамын деп қабырғадағы есіктің суретіне соғылдым.

3-көрініс География сабағынан үзінді

Мұғалім:

- Картадан Ертіс өзенін көрсет.

- Асан:………….

Мұғалім:

- Картадан Ертіс өзенін көрсет.

- Асан:……………….

- Мұғалім:

- Неге көрсетпейсің, үнсіз қалдың ғой?

Асан: - Мұғалім, картада ағып жатқан өзен көрінбей тұр.

4 химия сабағынан үзінді

Мұғалім бір оқушыны тақтаға шығарып:

- Судың формуласын жазып көрсет, - дейді. Ештеңе білмейтін оқушы бір нәрсені шатпақтап жаза салады.

Мұғалім:

- Сен не жаздың, бұл судың формуласы емес, - дейді.

Оқушы:

- Мен лай судың формуласын жаздым, - дейді.

5. Мұғалімнің ізімен жүретін шәкірт

1-жүрг.

Тойлайды бұл күнді көптен,

Біздің байтақ, бақытты ел.

Ұстаздарын шын жүректен,

Құттықтайды шәкірттер.

Арналады ұстаздарға,

Құрмет деген, төр деген.

Біздің елде адам бар ма,

Ұстаз алдын көрмеген.

2-жүрг.

Мерекемен құттықтаймыз,

Мұғалімін әр пәннің.

Ұстаздарды көреміз біз,

Шұғыласындай әр таңның.

Сіздер біздің өлеңіміз,

Сіздер біздің әніміз.

Тәртіпті боп үнемі біз,

Беске оқимыз бәріміз.

Улданай

Шыбықтай едік алтыдан жаңа асқанда,

Бірінші сынып есігін жаңа ашқанда.

Қалдаш

-“Ботам” деген сөзді ғана білуші ек,

“Атан” деген сөзді әлі білмеуші ек.

Нұрболат

-“Апам” деген сөзді ғана білуші ек,

“Апай” деген сөзді ғана білмеуші ек.

Ақниет

-Білім бар теңіз: болмайды екен мүлдем шек,

Біз сізге қарап: “Үйренсек”, дедік, - үйренсек!”

Нұрсұлтан

Ардақты ұстаз! Рақмет Сізге, рақмет!

Ж. Бекзат

-Үлкендерді сыйлауды,

Құнды кітап жинауды

Жұлдыз

-Адалдарды сүюді,

Тентектерді тыюды,

Нұрдаулет

-Оқуды ауыр көрме! – деп,

Ылғи да алға өрле! – деп,

Мейрамгүл

-Жақсы істерді құп ал! – деп,

Досың үшін қуан деп.

Хормен: - Ұсындыңыз қол үшін:

Рақмет Сізге сол үшін!

Куаныш

-Санамай жылдың күн, айын,

Баулыдыңыз ұдайы

Бибісағира

- Ақылыңызды тыңдаған

Шәкірттеріңіз мыңдаған.

Жақсығат

-Етеді еңбек әр елде:

Жаяды атын әлемге!

Нұрдана

-Емші атанған шәкірт те

Елші атанған шәкірт те...

Айбек

-Кәсіпкер де, мұғалім,

Журналист те, не ғалым...

Багдаулет

- Ақын шәкірт табылар,

Батыр шәкірт тағы бар...

Ақбота

-Біз үшін қиған уақытын

Өлшеп көр ұстаз бақытын!

Гүлжана

-Ұстазымыз алғашқы

Ғұмыр бойы жолбасшы!

С. Бекзат

-Қалдырмаймыз Сізді ұятқа!

Сіз үйреткен ақылмен

Талпынамыз мұратқа!

Хормен:

Кеңейткен ойдың өрісін

Рақмет Сізге сол үшін!

1-жүрг. Ән «Ұстаз» орындайтын Тініқұлова Гүлжанай

Ойын финал

1-жүрг. Халықтың нұрлы ертеңі үшін, ел игілігі жолында атқарып отырған еңбектеріңіз жемісті болсын! Шәкірттеріңіз еліміздің мәртебесін өсіріп, көсегесін көгертер асыл азаматтар болып өссін!

2-жрг. Міне, осымен біздің мерекеміз де аяқталып қалды. Құрметті ұстаздар! Көңілдеріңіз көктемдей болсын, өмірлеріңіз мәнді, сәнді қуанышқа тола берсін! Келгендеріңізге көп рахмет!

(Бәрі бас иеді). Хормен “Ұстазым” әнін орындайды.