Исатай Тайманов атындағы орта мектеп

«Бала тәрбиесі –отбасынан басталады»

/ ата-аналармен өткізілген жиналыс -тренинг/

2 «Г»- сынып жетекшісі :

З.Ж.Аманбайқызы

2019-20 оқу жылы

Ата-аналармен жиналыс-тренинг жоспары

Өткізген мұғалім: 2«Г» сынып жетекшісі,жоғары санатты бастауыш сынып мұғалімі: Жұмаш Зүльфия Аманбайқызы

Күні: 29.11.2019 жыл

Қатысқаны: ---- ата-ана

Тақырыбы: Бала тәрбиесі-отбасынан басталады.

Тренингтің мақсаты: Отбасында балаға жақсы тәрбие беруге ықпал етіп,ата-аналар арасында бала тәрбиесіндегі жауапкершілікті арттыру; ата-ана, оқушы, мұғалім үштігінің ынтымақтастықта жұмыс жасауын дамыту.

Күтілетін нәтиже:

Ата-аналар өз ойларын ашық жеткізіп, бір-бірінің пікірін құрметтеуге, сеніммен қарауға бейімделеді.

Бала тәрбиесіне жауапкершілікпен қарайды.

Жұмыс түрі: Топтық жұмыс 

Қажетті заттар: маркер, плакат, сұрақтар жазылған парақшалар. Балаларының құттықтау видеоролигі.

Тренинг бағдарламасы:

1. «Мақалдың жалғасын тап »Топқа бөліну. Ережемен таныстыру

2. Топпен жұмыс«Мақалдың мағынасын ашып түсіндіру» постер қорғау

3.«1-2-3-4-5»психологиялық тренинг.

Ата-анаға сұрақ«Сіз үшін 1-5-ке дейінгі цифрлардың маңызы бар ма?Мысалы, өміріңізде кездескен маңызды оқиғаны баяндасаңыз?»д.с сұрақтар қоя отырып, ата-аналардың «2-«жаман», 5-«жақсы» көзқарастарын өзгерту.

4. Критериалды бағалауды түсіндіру. « Көбелек суретін бейнелейік»

5.Видеоролик

https://www.youtube.com/watch?v=yscYoBAFV9A

Видео туралы ата-аналардан кері байланыс алу

7.Бейнебаян. «Мың алғыс Сізге!» (Балалардың алғыс күніне дайындаған жүрекжарды лебіздері айтылған бейнебаянды ұсыну

8.Ой жинақтау

Тренинг ережесі:

1. Өз ойын еркін жеткізу.

2. Бір-бірлерінің пікірін құрметтеу

3. Белсенділік таныту.

4. Шынайылық.

5. Топтасып жұмыс жасау.

6. "Басынан" "Аяғына" дейін жұмыс істеу. 

Тренингтің жүру барысы: 

І.Топқа бөлу.

Ата-аналар «Бала-бауыр етің», «Әкеге қарап ұл өсер» «Қыз өссе- елдің көркі» мақалдардың қиындысын жинау арқылы топқа бөлінеді.

ІІ. «Мақалдың мағынасын ашып түсіндіру» постер жасау ( Әр топтағы ата-аналар өз тобындағы мақалдың мағынасын постерге жазып қорғайды )

ІІІ. «1-2-3-4-5» психологиялық тренинг. Алдарыңызда 1,2,3,4,5 цифрлары берілген сіз үшін өміріңізде осы цифрлардың маңызы болған естеліктеріңізді айтып берсеңіздер. Мысалы, 2 наурыз менің тұрмыс құрған күнім мен үшін 2саны - ерекше сан, т.с.с.

Күтілетін нәтиже:

Ата -ана баласына:

- «2», «3» деген төмен баға, оны алмауға тырыс, 5-ке оқысаң қалаған затыңды әперем,- деген сөздердің бала психологиясына кері әсер ететіндігін түсінеді, оны түзетуге бейімделеді.

ІV. «Көбелекті бейнелейік»

-Ендеше, қазіргі білім үдерісіндегі бағалау жүйесін қаншалықты түсініп жатырмыз? Сол үшін ата –аналарға критерийлер арқылы бағалауды түсіндіріп өтемін. Ол үшін ата- аналарға «Көбелекті бейнелейік» тапсырмасын беремін. Әр топ басқа топтың жұмысын өзінше бағалайды. Содан кейін ата аналарға критерийлер арқылы қайта бағалауды ұсынамын.

Бағалауға байланысты критерийлер:

-Егер көбелектің суреті қағаздың ортасында орналасса-1ұпай.

-Көбелектің көлемі үлкен болса-1ұпай

-Көбелектің қанаттары симметриялы болса-1 ұпай

-Көбелектің барлық мүшелерінің болуы-1 ұпай

-Ашық түстерді пайдалану-1 ұпай.

(4-5 ұпайға-«5»),(3 ұпай-«4») (2 ұпай-«3») (1 ұпай –«2»)

V. Видеоролик көрсету. Кері байланыс алу

VІ.Бейне-ролик: «»

Осы бейне-роликтен қандай ой түйдіңіздер? Оның негізгі идеясы не?

VІІ.Ой жинақтау (қорытындылау):

Ата-анаға көз қуаныш,

Алдына алған еркесі.

Көкірегіне көп жұбаныш,

Гүлденіп ой –өлкесі. – деп Абай атамыз осы өлеңінде ата-ананың қуанышы,гүлденген үміт-арманы тек перезент сүю,оны тәрбиелеу екендігін айтқысы келген екен. Ендеше құрметті ата-аналар қолымыздағы алтындарымызға жақсы тәрбие беріп, оларға біз ең басты үлгі бейне екенімізді ұмытпайық.

VIII. Кері байланыс парақшасы арқылы ата-аналардың ойларын қорытындылап бүгінгі жиналыс тренингке келгендері үшін алғыс айтамын.

Сынып жиналысынан фотокөріністер:

Рефлексифті есеп

2019жылдың наурыз айының 2-ші жұлдызында өз сыныбымның кезекті жиналыс тренингі өтті. Бұл шараны сынып ата-аналарымен бірге «Бала тәрбиесі-отбасынан басталады» тақырыбында өткіздім.

Мақсаты: Отбасында балаға жақсы тәрбие беруге ықпал етіп,ата-аналар арасында бала тәрбиесіндегі жауапкершілікті арттыру.

Тренингке 12 ата-ана қатысты. Алдымен ата-аналарды мақал қиындыларын құрастыру арқылы 3 топқа бөлдім. Топқа бөлінген соң ата-аналар мақалдың мағынасын ашу үшін постер жасауға кірісті. Ортаға топпен шығып, постер қорғады.Келесі кезекте ата-аналарға 1,2,3,4,5деген цифрлар жазылған ақ парақтар тараттым, 1-5 ке дейінгі сандар туралы және өмірлерінде ерекше орын алған осы сандар болса соны айтып берулерін өтіндім. Ата-аналар көбіне 1-5 ке дейінгі цифрлардың орны  отбасы, білім, бала, спорт, дос, ата-ана деген ұғыммен байланысты естеліктерін әңгімелеп берді. Енді сол сандардың бағалау формасында өздерін қалай сезінетіндіктерін байқау мақсатында «Көбелекті бейнелейік» тапсырмасын бердім. Ата-аналар бұл тапсырманы қызыға орындады. Одан кейін ата-аналардың қойған бағаларын, алдын-ала дайындалған критерийлермен бағалап көрдік..Дегенмен, кей ата-аналар бағаның арасындағы өзгерістер болғанын байқады.Ұпайдың бағаға айналғандығын өздері көріп,таңданыстарын жасырмады. Критериалды бағалау туралы түсінді.

Тренингтің соңында «Бала арманы» бейне-ролигін көрсетіп, осы бейне-роликтен қандай ой түйгендерін,оның негізгі идеясы не екендігін айтуларын сұрадым.Ата-аналар бұл видеороликтен көздеріне жас алып, толғаныстарын жасырмады.Ой-пікірлері бір жерден шықты,яғни, тек перезент сүйіп қана қоймай,оған көңіл бөліп, дұрыс тәрбиелеу керектігін айтты. Мұғалім:

-Құрметті ата-аналар қолымыздағы алтындарымызға жақсы тәрбие беріп, оларға біз ең басты үлгі бейне екенімізді ұмытпайық дей келе, 1 наурыз Алғыс айту күніне байланысты балаларыңыздың СІЗДЕРГЕ АЛҒЫС сөздері айтылған «Мың алғыс, Сізге!» атты тамаша видеороликті ұсынамын. Рефлексия жасау арқылы тренингті аяқтадым.

Тренингке жиналған ата-аналар риза болып тарқасты.