Тренинг "Біз топпыз!"

«Балапан» бөбекжай-бақшасы МКҚК

Тақырыбы: «Біз топпыз!»

Педагог-психолог: Балтабаева Г.О.

Ырғыз, 2020-2021 оқу жылы

Тақырыбы: «Біз топпыз»

Мақсаты: топтық жұмысқа бағыттау, қарым – қатынас атмосферасын жақсарту

Контингент: Педагогтар

1. «Біз бір-бірімізді қаншалықты жақсы танимыз (немесе білеміз)» жаттығуы

Тренингке қатысушылар үнсіз жетекшінің басқаруымен қозғалыс жасайды, яғни қатысушыларға:

-жастарына;

-туылған айларына немесе жылдарына;

-шаштарының ұзындығына

-бойларының ұзындығына

-балаларының санына, сол сияқты т.б байланысты басқару сөздері айтылады сол бойынша қаз – қатар рет – ретімен орналасуы керек. Ең басты шарты үнсіз білген мәліметі бойынша орналасуы.

2. «Өзіміз жайлы комплимент» жаттығуы

Қатысушылар алдарында тұрған қағаз қаламдарын алып берілген тапсырмаларды орындайды. Тапсырмалар келесідей 4 кезеңге бөлінеді:

1. Қолыңыздың саусақтарын айқастырыңыз. Сіз бір (оң немесе сол) басбармақтың ұдайы үстінде тұратынын аңғарасыз. Егер, ол сол саусақ болса-сіз тым әсерленгіш адамсыз. Ал, ол оң саусақ болса онда сізде аналитикалық ойлау басым.

2. Бір нысананы таңдап, оны қалам немесе қарандаш арқылы көздеп көріңіз. Оң көз жетекші роль атқарса, онда сіздің мінезіңіз бірбеткей, табанды болғаны, сол көздің жетекшілігі мінез – құлқыңыздың жұмсақ және көнгіштігі туралы хабардар етеді.

3. Егер қолдарыңызды кеуде тұсына айқастырғанда сол қол үстінде тұрса, назды қылықтарға бейімсіз, егер оң қол үстінде тұрса, онда сізге қарапайымдылық, ақкөңілділік тән.

4. Егер сізге оң қолмен шапалақ ұрған ыңғайлырақ болса, онда сізге батылдық тән, ал, сол қолмен шапалақтау ыңғайылырақ болса, онда шешім қабылдар алдында сіздің жиі қобалжитындығыңды білдіреді.