«Эмоция әлеміне саяхат»

(тренинг)

«Эмоция әлеміне саяхат» балалармен тренинг. (ортаңғы топ)

Мақсаты: Балаларға өз эмоцияларын басқаруға үйрету. Топта жағымды атмосфера орнату.

Сәлеметсіздер ме, балалар! Бүгін біздер ерекше әлемге саяхат жасаймыз. Саяхат жасауға дайынсыздар ма? Дайын екендеріңізді жүздеріңнен көргім келеді. Қане бәріміз жымияйық! Керемет! Бүгін біз эмоция әлеміне барамыз. Ол үшін біз ұшаққа отыруымыз қажет.

1.«Ұшақ» жаттығуы

Ұзын тунельдің ішіне кіріп отырып, ұшақпен ұшып келе жатқандай елестетеміз.

Ұшақ қонды, балалар шықты.

Балалар! Ұшақпен ұшқан сіздерге ұнады ма? Аспаннан не байқадыңдар? Күнді көрдіңіздер ме? Жооқ! Күн болмаса біздің көңіл-күйіміз болмайды емес пе, ол қайда тығылып қалды екен? Ендеше түрлі кедергілерге қарамастан күнді іздеп табайық!

2. Тапсырма «Эмоцияны ата»

Балалар! Мына жартастың түбіндегі алтын сандықты қараңдар! Ішінде не бар екен? Түрлі суретті белгілер бар екен. Бұл эмоциялар, көңіл-күйлер деп аталады. Кім біледі бұл қандай көңіл-күй? (Қуану, таң қалу, ашулану, ренжу, т.б.)

3. «Көңілді көпір» ойыны

Балалар, қараңдар! Бұл көңілді көпір ғой! Бұл көпірден өту үшін сықылықтап күліп өту керек. Қане, бұл қолымыздан келеді ғой! Біз көңілдіміз бе?!

4. «Гүлшоғы» арттерапиясы

Жарайсыңдар, балалар! Кедергілерді өтіп келеміз. Бірақ күнді тапсақ оны қалай қуантамыз. Сыйлық жасасақ қуанады ма? Мына жерде ерекше құралдарды байқадым, қане, күн ханшайымына гүлшоғын жасап берейік, біздің өнерлі екенімізді де көрсін. Қандай әдемі! Керемет! Қандай сезімдеміз? Мақтаныш па?

5. «Әрқашан күн сөнбесін» музыкатерапия

Балалар күнді табу оңай болмады. Мүмкін дауысымызды естіп өзі келер. Біз бір көңілді ән салып жіберсек, қалай қарайсыңдар? Балалар әрқашан күн сөнбесін әнін орындайды. Сол кезде тасадан «Күн» ханшайымы шығады:

Қандай көңілді, жүрекке жылы ән! Бұл әнмен мені өздеріңе баурап алдыңыздар ғой. Гүлдеріңіз де өте әдемі екен. Рахмет сендерге! Ал мынау менің сендерге базарлығым! (күн сәулелеріне ұқсас түрлі-түсті кәмпит таяқшаларын үлестіреді) Енді әрдайым бірге жүрейік! Жүздеріңнен күлкі кетпесін!