Тренг тақырыбы:" Жүректен жүрекке"

Мақсаты:ата-аналармен жақын,тығыз қарым қатынас орнату.Көтеріңкі көңіл күй,эмоцияға толы сәттер сыйлау.

Әдіс-тәсілдер: жест арқылы көңілді амандасу,арт-терапия,тыныштық сәті,қызықты ойындар,әуендер.

Қажетті құрал-жабдықтар: шығыршық,түрлі-түсті шарлар, қағаздар, маркер, плакаттар, гуаш, таяқташар,стакандар.

Жоспары:

1.Көңілді әртүрлі жестпен амандасу(ата-аналарды қарсы алу).

2.Қоржынға жылы сөздер жазып салу,анонимді түрде.(тренинг соңында ашып оқиды.)

3.Арт-терапия (ватман гуаш,фламастер,бояу карандаш, блеск, қайшы, клей, трубочка, қағаздар түрлі-түсті,стикерлер,ватная диск).

4.1 минут тыныштық сәті (ойын,менің балам қандай?)

5.Шарларды таяқшаның көмегімен шелекке салу.

6.Ыстық картоп ойыны.

Жүргізуші:Қош келдіңіздер, құрметті де,қадірменді ата-аналар! Бүгінгі "Жүректен жүрекке" атты тренингімізді ашық деп жариялаймын.Бұл тренингті ұйымдастыру мақсатымыз бір сәтке болсын жақсы көңіл күй сыйлап, ұжымдық жұмыс жасап,сіздермен жақсы қарым-қатынаста болу. Өмірде қандай жағдай болса да тек алға жылжу көптің қолынан келе бермейді. Осы жердегі ата-аналар сіздер ең мықты,ең батырысыздар.

Жүргізуші:Ата-аналар,тренингіміздің бастамасын сиқырлы сөздер қоржынымен бастасақ деймін.Берілген стикерлерге,аты-жөндеріңізді жазбай,тек жақсы сөздер ,комплименттер, көңіл-күйді көтеретін ерекше сөздер жазылу керек.Тренингтің соңында қоржыннан қалаған стикерлерді ашып,дауыстап оқып,ол сөзді оқығанда қандай көңіл-күйде сезімде болғандарыңызды айтасыздар.

Жүргізуші:Тренингіміздің үшінші шарты бойынша келесі кезекте арт-терапия болып табылады.Жалпы арт-терапия дегеніміз не? Қысқаша түсінік беріп кететін болсақ.Арт-терапия -психологияда жиі қолданылатын әдістердің бірі. Ол жаман ойлардан арылуға көмектеседі. Арт-терапия - сезімдерді сурет арқылы жеткізу. Ол жасырынған қабілетті шығаруға, қоғаммен байланыс орнатуға мүмкіндік береді. Өзін-өзі бағалауды үйретеді. Эмоцияны реттейді. Арт-терапияға ертегі жазу, би, ән айту, ойын ойнау, фото-терапия, сурет салу кіреді. Ал қазір қуыршақ-терапия, музыка-терапия сияқты жаңа түрлері енгізілген. Негізгі мақсаты:

1.Бойыңдағы қорқыныш пен үрейден арылу;

2.Қиялдағы көріністерді би, ән, сурет арқылы жүзеге асыру;

3.Рефлексті анализ: жұмысыңмен таныстырып, сезімдермен бөлісу.

Біздің сіздерге ұсынылып отқан арт-терапия сурет.Бұл арт-терапияның ережесі:бір қолдың көмегімен команда болып жұмыс жасайсыздар.Сіздерге екі плакат беріледі.Сол плакатка ,алдарыңыздағы ұсынылып отқан бар құрал-жабдықтармен,өздеріңіздің идеяларыңызды қоса отыра,мән-мағынасы бар көрініс жасап шығаруларыңыз қажет.Және де сол суретте не бейнелегені туралы,не мақсатта салғандарыңыз ,қысқаша ойларыңызды айта кетесіздер.

Тыныштық сәті: (баяу музыканың үнімен өткізіледі.) «Гүлдің оянуы»

Жүргізуші:Терең демалайық! Құдіретті жарық түсіп тұрғанын елестетіп көріңіздер. Бұл қайырымдылық, бақыт, бейбітшілік және қуаныш жарығы. Қандай тамаша!Қане, сұлулықты тамашалап көрейік! Бұл таңғажайып жарық жүрегімізге тыныштық, қайырымдылық, сүйіспеншілік әкелсін. Ішкі дүниеміз тап- таза, жап-жарық болып кетті. Міне, керемет! Жүрегімізде әдемі гүл ашылып келеді. Қандай әдемі! Түрлі- түсті жапырақтар құлпырып тұр. Бұл сіздің отбасыңыз. Ал гүлдің ортасындағы дөңгелек бұл сіздің балаңыз. Бұл жәй гүл емес, сүйіспеншілік гүлі. Көзіңіңізді жұмып осы гүлдің елестетіңіздер. Ол әлі кішкентай. Күн оны жылытып, өсуіне көмектеседі.Гүлдің исін иіскейміз. Міне, бізде қандай ғажап гүл пайда болды.Ал біз сол гүлді алақанымызда аялап,ренжітпей,көңіліне қаяу түсірмей,тәлім-тәрбие беруіміз қажет.Ендеше, осы сәтте алдарыңыздағы,қағаздан қиылған алақанға,балаларыңыздың әріптеріне сәйкес жақсы қасиеттерін жазып мына жүрекшеге жабыстырыңыздар.

Жүргізуші:Келесі кезекті ойынға бергіміз келіп отыр,шарларды таяқшаның көмегімен шелекке салу.Бір ғана қолдың көмегімен команда болып жұмылып,шарларды жарыса отыра жинауларыңыз керек.Ең көп шар жинаған команда жеңіске жетеді.

Жүргізуші:Ыстық картоп» ойыны

Мақсаты: Қатысушылардың көңіл - күйлерін көтеру.

Қатысушылар шеңбер құрып тұрады. Алдын - ала дайындалған сұрақтар қағазға жазылып, дөңгелек пішінде умаждап, ыстық картоп дайындаймыз. Қарқынды әуен қосылады да, қатысушылар ыстық картопты жылдам бір - біріне береді. Әуен тоқтатылған кезде ыстық картоп кімнің қолында болады сол адам тез қағазды ашып, жазылған сұраққа жылдам жауап беруі тиіс. Сұрақтар:

1.Кактус гүліне ұқсайтын жәндік? Кірпі

2.Жаңбыр екі күн қатарынан жаууы мүмкін бе? Жоқ, өйткені олардың арасында түн бар.

3.Жаңбырдың кезінде кімнің шашы суланбайды? Тақырбас адамның

4.Сиыр неге жерге жатады. Өйткені, отыра алмайды.

5. Әлемдегі ең үлкен алма қайда өседі? (Алма ағашында)

6. Альфавиттің ең соңғы әрібі? (т)

7. Адам тамақ пісірерде ең бірінші қазанға не салады? (көз)

Жүргізуші:Құрметті ата-аналар біздің осындай шағын тренингімізге ат салысып,жұмыла жұмыс жасап,белсенділік көрсетіп,алтындай уақыттарыңызды қиып келгендеріңізге көп-көп рахмет.Сіздердей батыр ата-аналар бар жақсыға,бар мадаққа лайық.Сондықтан біздің арнайылап дайындаған номинацияларымызға кезек берсек.

Ж.Ж. Руссо: «Бала туылғанда ақ қағаздай болып таза туады, оның үстіне шимақты қалай салсаң, қағаз бетіне солай түседі, бала тәрбиесі де солай сияқты, өзің қалай тәрбиелесең, ол солай тәрбиеленеді» — деген екен. Ендеше, ата-аналар, қолымыздағы алтынымызды жақсылап тәрбиелейік және біздер оларға үлгі болар бейне екендігімізді ұмытпайық. Олай болса балаға әрдайым жылы сөздер айтып, дұрыс тәрбие беруге болып,осындай керемет көңіл-күйде,керемет әсерде, сіз біз болып бірге атсалысайық.Қош,сау саламатта болыңыздар.