Тренинг "Кішкентай көңілді балалар"

№10 жалпы орта білім беретін мектебі

Педагог-психолог: Кангереева Г.А.

2017-2018 оқу жылы

Тренинг тақырыбы: «Кішкентай көңілді балалар»

Тренинг мақсаты: оқушылардың бойында жақсы мінез-құлықты қалыптастыра отырып, танымдық процестерін дамыту. Бір-бірімен қарым-қатынасын жақсартып, бейімделуіне қолдау көрсету.

Көрнекіліктер: бейнеролик, доп.

Жоспары: 
«Сәлемдесу» жаттығуы «Төрт құбылыс » жаттығуы
«Дайын бол » жаттығуы
«Менің көңіл-күйім» жаттығуы

«Сәлемдесу» жаттығуы. 
Мақсаты: жеткіншектер арасындағы позитивті көңіл-күйді орнату, балаларды қимыл-қозғалысқа келтіру.
Нұсқау: балалар ортаға шеңберге жиналады. Оқушылар бейнероликтегі қимыл-қозғалыстарды қайталауы керек.

«Төрт құбылыс» жаттығуы
Мақсаты: оқушылардың есте сақтау қабілетін дамыту.
Нұсқау: Балалар шеңбермен тұрады. Жүргізуші: «Су», - десе қолдарын алдына созады, «ауа» десе жоғары көтереді, «от» дегенде екі қолын айналдырады, «жер» дегенде қолдарын түсіреді. Кім шатасса, ойыннан шығады.

«Дайын бол» жаттығуы
Мақсаты: оқушылардың зейінін тұрақтандыру.
Нұсқау: Балалар шеңбермен жүреді. Жүргізуші бір сөз айтады, ал балалар сол сөзді іс - қимылмен көрсетеді. Мысалы: қоян – секіреді, құс – ұшады, т. с. с.

«Менің көңіл-күйім» жаттығуы
Мақсаты: оқушылардың көңіл-күйлерін анықтау.
Нұсқау: балалар шеңбер құрады. Допты бір-біріне беру арқылы әрқайсысы сол кездегі өздерінің көңіл-күйлерін баяндайды.