Тренинг "Менің қолымнан келеді"

Тақырыбы:       “Менің қолымнан келеді…»

Мақсаты: оқушылардың бірін-бірі түсінуіне, ұжымдық көңіл-күй қалыптасуына, есті, зейінді, қиялды, ақыл-ойды дамытуға  ықпал ету , қарым-қатынас дағдыларын меңгерту.     

Жұмыс түрі:     танымдық түзету сабағы                

Әдістер:              интерактивтік оқыту әдістері, рефлексия

Аудитория:         2-3 сынып оқушылары

Қатысушы саны:  8-9 оқушы

1-жаттығу.  «Сәлемдесу!»

Мақсаты: оқушылапрдың қызығушылығын ояту, жағымды көңіл-күй  қалыптастыру.

Оқушылар сынып ішінде айнала музыкамен жүреді, музыка тоқтаған сәтте өзіне жұп іздеп тауып, онымен амандасады.

2-жаттығу. «Шерлок Холмс».

Мақсаты:  оқушылардың байқағыштығын, көру есін ,зейінін дамыту. Сыныпта  бірлесе жұмыс орындауға қалыптастыру.

2-4 оқушыны  оқушылардың алдына шығарып мұқият қарауды тапсырамыз. Содан кейін ол оқушыларды сыртқа шығарып жібереміз де кез-келген бір өзгеріс енгіземіз, сосын оқушыларға сұрақтар қоя бастаймыз.

-         Қандай өзгерістерді байқадың?

3-жаттығу. «Сөздер мен әріптер».

Мақсаты: оқушының зейінін, ойлауын дамыту,сөздік қорын байыту, жағымды көңіл-күй қалыптастыру.

Оқушыларға алдын-ала дайындалған тапсырмаларды беріп, оның орындалуын қадағалаймыз.

Мыс.: 4 қатарға әріптерді жазып, ұзын саны 1000 болуы керек,  соның ішінен бір минутта барлық «с» және «қ» әріптерін сызып шығу. Сөздерді де сол сияқты жасыруға болады.

4-жаттығу. «Артығын тап».

Мақсаты: оқушылардың есте сақтауын дамыту,ойлау операцияларын дамыту

Оқушылар тақтадағы сөздердің ішінен артық сөзді табуы керек.

Мыс.:  кітап, дәптер, нан, қарындаш

Терезе, есік, қабырға, күн

Қасық, су, пышақ, тәрелке

5-жаттығу. «Кері балалар»

Мақсаты: оқушылардың өзін-өзі ұстай білуге, зейінді дамыту, қарым-қатынас дағдыларын меңгеруге қалыптастыру

Мұғалім оқушыларға „отыр„ десе ол тұруы керек,  „жүгір„ десе керісінше тұрып қалуы керек.

6-жаттығу. «Ең, ең»

Мақсаты: Оқушылардың зейінін, ой шапшаңдағын дамыту.

Мыс. : ең кішкентай құс? (калибри)

Ең үлкен өзен? (Ніл) т.б.

 7-жаттығу.  Рефлексия.«Менің тілерім…»

Оқушылар бір-біріне жылы лебіз айтуы керек.