Тренинг сабақ 11 сынып "Бәрі сенің қолыңда!"

Алматы облысы, Талдықорған қаласы, Еркін ауылы «Есжан Берліқожаұлы

атындағы №11 орта мектебі» КММ

Педагог-психолог Тойшыбекова Назыкен Бидікенқызы

Тақырыбы: Бәрі сенің қолыңда!

Мақсаты: 11сынып оқушыларының тестке, емтиханға дайындығына психологиялық көмек

Мерзімі: 05.04-06.04.2018жыл

Сыныбы: 11 Ә, 11 А, 11 Б

Көрнекіліктер: интербелсенді тақта, үнтаспа, бейнеролик, үлестірмелі материалдар.

Ұйымдастыру кезеңі:

Жаттығу ережесі:

1. Ашық қарым-қатынас

2.Көтеріңкі көңіл-күй

3.Бір-бірін тыңдау

4. Уақытты үнемдеу

5. Қазір және осында

1. «Сәлемдесу» жаттығуы

Мақсаты: Оқушылардың зейінін, назарын оқу үрдісіне бағыттау.

Нұсқау: қатысушылар орындарында тұрады.Жүргізуші оқушыларға өзінің нұсқауымен тапсырманы айту арқылы жаттығуын жалғастырады.Қолмен,баспен екі иықпен, арқамен амандасамыз.

2. «Айна » жаттығуы

Нұсқау: Оқушылар жұптасып, бір-біріне қарама-қарсы тұрады (немесе партада отырып та болады). Олардың біреуі қолдарымен, аяқтарымен, денесімен, бет-әлпетімен әртүрлі қимылдар жасайды, ал екінші оқушы оларды айна секілді қайталайды: оңды сол қылады, солды оң жасайды. Бір минуттан кейін оқушылар рөлдерімен алмасады.

3. « Бүркіт өмірі» бейнеролик ұсынылады.

–Қандай ой түйдіңдер? Оқушылар өз ойларымен бөліседі.Өз ойларын дәптерге жазу.

4. «Арқаға сурет салу»

Нұсқау: Бұл ойында барлық әрекеттерді үнсіз жасау керек. Оқушылар екі топқа бөлініп, бірінің артынан екіншісі тұрып, сап түзейді. Мұғалім ең артында тұрған оқушыларға бір заттың атауы жазылған қағаз ұсынады (мәселен, алма, алмұрт, жүзім, гүл, кітап, ағаш,автомашина т.б). Тапсырма: соңында тұрған оқушы үндемей, алдында тұрған оқушының арқасына әлгі заттың суретін саусағымен салады. Арқасына сурет салынған оқушы алдында тұрғанның арқасына өзінің арқасына салынған затты салады.

Суреттер салынып біткеннен кейін мұғалім соңғы оқушыдан арқасына салынған заттың атын сұрап, оны қағазда жазылғанмен салыстырады.

6. « Бәрі сенің қолыңда!» бейнеролик ұсынылады.

–Қандай ой түйдіңдер? Оқушылармен сұрақ-жауап арқылы талдау.

7. Рефлексия. Сабақтан қандай әсер алдыңдар? Оқушылар өз ойларын стикерге жазып береді. Сабақтың соңында оқушылар бір-біріне ізгі тілектер білдіреді.