Тренинг сабақ. Жақсы көңіл-күй – жан азығы.

Жақсы көңіл-күй – жан азығы.

Мақсаты: Ұжымдастық, сыйластық, бір-біріне сенім арту, қарым-қатынасты нығайту,жағымсыз көңіл-күйден арылу,бірлесіп жұмыс жасауға баулу,өзін еркін сезінуге комектесу.

Тренингтің міндеттері:

Білімділік: Қатысушылардың өз ойларын ашық жеткізіп, бір-бірінің пікірін құрметтеуге, сеніммен қарауға бейімдеу.

Дамытушылық: Тұлғаның өзін ортада көрсете білуі,өзін бағалай алуға түрлі психологиялық жағдайлардан шығу және өз пікірін ашық айтуға ықпал жасау.

Тәрбиелік: жеке тұлғаның рухани өсуіне психологиялық жағдай жасай отырып, адамгершілік,сыйластық, әдептілік, шынайылық, адалдық, құндылықтарын ұғынуға көмектеседі.

Қатысушылар: Ұстаздар.

Жұмыс түрі: Топтық жұмыс.

Өтілу барысы:

1.«Бір-бірімізбен амандасайық». Көңіл-күйімізді сұрасайық.

2. Молкула жаттығуы

3. Жақсы көңіл-күйдің суретін саламыз.

4. Сілкіну жаттығуы

5. Тренингті қорытындылау, бағалау.

Тренингтің ережелері:

1.Әр қатысушы ойын ашық айтуы керек.

2.Өзгелердің пікірін құрметтеуі керек.

3.Белсенді әрекет ету қажет.

4.Шынайылық.

5.Топтасып жұмыс жасау.

Кіріспе сөз.

Сәлеметсіздер ме құрметті ұстаздар! Бүгінгі «Жақсы көңіл-күй жан азығы» атты тренингіме қош келдіңіздер. Жақсы көңіл-күй жан азығы демекші жақсы , көңілді жүретін адамдарды жұпар иісті гүлге теңегім келеді. Айналасына жұпар иісін шашып, қасындағы адамдардың да көңіл-күйін көтеруге,қуанышқа, шаттыққа бөлеуге тырысады. Бүгінгі тренингіміздің мақсаты: ортада жағымды ақуал қалыптастыру, көңіл-күйімізді көтеру.

Амандасу жаттығуы.

Жаттығу барысы: Ең алдымен оң жақтағы сосын сол жақтағы көршімізбен құшақтасамыз,амандасамыз. Қарама-қарсы отырған көршімізге бір көзімізді қысып, қалған қатысушыларға бір жымиып қоямыз. Көршіңізден көңіл-күйінің қандай екенін сұрап қойыңыз.

Молекула жаттығуы.

Қатысушылар - атомдар олар үздіксіз әретте болады. Жүргізуші сандар айтып тұрады, атомдар сол сан бойынша топталады. Мысалы: үш дегенде 3 атонан тұратын молекула құралады. Жұпсыз қалған ойыншылар шығарылып отырады.

Керемет көңіл-күйдің суретін саламыз.

Қатысушылар топтарға бөлініп, берілген ақ қағаздарға қалаған суреттерін ақылдаса отырып салады. Салған суреттерін қорғайды. Әр адамның өз ойы-пікірі болады. Біреу үшін жақсы көңіл-күй жарқырап тұрған күн шығар, біреуге өсіп түрған гүл шығар, сол сияқты қатысушылар өз ойларын қағазға түсіреді.

Қажетті заттар: қағаз, желім, түрлі-түсті қағаздар, түрлі-түсті қаламдар.

Сілкіну жаттығуы

Екі алақанымыздан бастап, сіли бастаймыз. Бойымыздағы ашу- ыза, өкпе-реніш, жаман ойлар, жаман энергетикадан, жаман көңіл-күйден арыламыз. Екі қолымызды,иығымызды үстімізді, аяғымызды сілкиміз.

Тренингті қорытындылау, бағалау.

Міне, құрметті әріптестер, « Жақсы көңіл-күй жан шуағы» атты тренингіміз аяқталды. Бұл тренингтен алған әсерлеріңізбен бөліссеңіздер болады. Тенингке өз уақыттарыңызды бөліп қатысқандарыңызға үлкен рахмет!