2023-2024 оқу жылына арналған

қысқа мерзімді сабақ жоспарларын

жүктеп алғыңыз келеді ма?

ҚР Білім және Ғылым министірлігінің стандартымен 2022-2023 оқу жылына арналған 472-бұйрыққа сай жасалған

Тренингтік сабақ "Сұлулық әлеміне саяхат" 9 сынып

Материал туралы қысқаша түсінік

Тренингтік сабақ "Сұлулық әлеміне саяхат" 9 сынып оқушыларына арналған. Тренинг мақсаты: Сұлулық түсініктерін ашып, тренинг қатысушыларының өзіндік бағасын, өзіне деген сенімділіктерін көтеру. Тренинг міндеттері: - адам сұлулығы әр түрлі жолдармен көрінетіні туралы тусінік беру; - тұлғаның жақсы жақтарын ашудағы өнердің рөлін көрсету; - эстетикалық; танымды дамыту, айналаға ойлы көзбен қарауға үйрету.

Қызырбекова Балауса Бақытбекқызы

Автор материалды ақылы түрде жариялады.
Сатылымнан түскен қаражат авторға автоматты түрде аударылады. Толығырақ

20 Желтоқсан 2017

878

2 рет жүктелген

Психология Тәрбие сағаты 9 сынып

Бүгін алсаңыз 25% жеңілдік
беріледі

770 тг 578 тг

Тегін турнир Мұғалімдер мен Тәрбиешілерге
Дипломдар мен сертификаттарды алып үлгеріңіз!

Бұл бетте материалдың қысқаша нұсқасы ұсынылған. Материалдың толық нұсқасын жүктеп алып, көруге болады

Материалдың толық нұсқасын
жүктеп алып көруге болады

Сұлулық әлеміне саяхат.

Тренинг мақсаты: Сұлулық түсініктерін ашып, тренинг қатысушыларының өзіндік бағасын, өзіне деген сенімділіктерін көтеру.Тренинг міндеттері:

адам сұлулығы әр түрлі жолдармен көрінетіні туралы тусінік беру;

тұлғаның жақсы жақтарын ашудағы өнердің рөлін көрсету;

эстетикалық; танымды дамыту, айналаға ойлы көзбен қарауға үйрету.

Уақыты: 1 сағат 20 минутҚұрал-жабдықтар: тақта (әр түрлі демонстративті материалдарға арналған), әр бір қатысушыға арналған орындық және үстел, А3 А4 форматтағы қағаздар, қарындаш, қалам, аудиомагнитафон, үлкен айна, скотч.

Жүргізуші: Қайырлы күн, кыздар! Бүгін сендермен қауышып тұрғаныма, алдағы 1 сағат уақытымды тек сендермен өткізу мүмкіндігім үшін қуаныштымын. Бүгін мен сендермен, сендер менімен, өздерің өзара бір-біріңмен жақындастыра түсетін, өз-өзімізді тереңірек тани түсетін, көзқарастарымызды өзгерте түсетін тренинг болатынына мен сенімдімін! Біз, осы отырған кез-келген адам өміріміз қазіргіден өзгеше, жарқын әрі әдемі етіп елестетсек, жолымыз болмаған сәттерді ойласақ, оның бәрін сыртқы болмысымыздың кемшілігімен байланыстырамыз. Міне мен әдемі, сұлу болсам, аяқтарым ұзын болса, көздерім үлкен, шашым қалың болса, арық болсам – менде бәрі басқаша болар еді деп өзіне-өзі айтпаған адам жоқ шығар. Ондай болса, менің өмірім мүлде басқаша болар еді, бәрі маған көп көңіл бөлер еді, ақшам да көп болар еді, жұмысым да қызықты болар еді деген ойлар да бірге келіп жатады сол сәтте. Және де бүгінгі тренингіміз сәтті өтуі өзіміздің қолымызда екенін ұмытпағанымыз жөн. Осы тренинг жақсы және көңілді, этикалық талапқа сай өту үшин тренинг ережелерімен танысып өтейік:

Тренинг ережесі:

«Осында және қазір». Бұл принцип - тренинг қатысушыларын негізгі анализ пәні процесс екендігіне бағдарлау, яғни, дәл сол уақыттағы сезім, уайым, ойлар, өткен шақ пен болашақ емес, дәл қазіргі шақ принципі.

«Шыңайылық және ашықтық». Топтағы ең маңыздысы–жалған айтпау. С.Джурард айтуы бойынша өзіндік, «Меннің» ашылуы күшті және салауатты тұлғаның белгісі.

«Мен» принципі. Қатысушылардың негізгі назары өзіндік таным, өзіндік талдау және рефлексия процестеріне аударылады.Жауапкершілікті өзіне алуға үйрену.

«Белсенділік». Психологиялық тренинг оқыту мен дамытудың белсенді әдістеріне қатысты. Белсенді қатысу – тренингте міндетті болып табылады.

«Құпиялылық». Қандай да бір нақты қатысушыларға байланысты айтылған ойлар топ ішінде қалуы тиіс – этикалық талап.Психологиялық қауіпсіздік және өзіндік ашылу атмосферасын жасау.

-Бүгін таңертең барлығымыз бір-бірімізбен амандасуды ұмытқан жоқпыз ба? Ендеше, «Аманның артығы жоқ» демекші, тағы бір сәлем беру кезегі келді.1-жаттығу: Кел, кәне танысайық!Уақыты: 7-10 минутСәлемдесу шарты: Әр қатысушы өз есіміне әдемі теңеу сөзді қосып айтады, тез-тез орындарынан тұрып, бір - біріне сәлем береді. Мысалы, «Ақылды Айдана» дейді. Рефлексия:-Сізге бұл жаттығу ұнады ма?-Сізге бұл жаттығу қиын соқты ма?-Сіздің ойынызша айтылған сын есімдерге қыздар сай ма?

Жүргізуші: Әрине сұлу болған ұсқынсыз болғаннан пайдалы екенін мойындамауға болмайды. Әдемі адамға кез-келген жерде қол ұшын беретін адам табылады, ал егер көркіне ақылы сай болса, ондай адаммен жұмыс істеген де қызықты. Дегенмен менің ойымша, адамның бәрі де сұлу бола алады, кез-келген адам сұлу, тек әр адам өз бойындағы сұлулықты таба білуі керек. Кез-келген қоғамда сұлулық критерийлері болады. Әр адам өзінше тартымды, өзінше сұлу. Қане, ойлап көріңіздерші, өмірде барлық қырынан кемшілігі жоқ адам кездестірдіңіздерме? Әрине, жоқ. Себебі адам баласы тек сырт келбетімен ғана емес, жан сұлулығымен де сұлу болуы керек қой. Сыртқы сұлулық – сау, балбыраған жұмсақ терісі, маржандай ақ тістері, таза жарқыраған шашы, сымдай дене бітімі. Кейде әйелдің сырт келбетінде кішкентай ғана кемшілік оның даралығын, тұлғалығын белгілеп, сол «кемшілігі» оны сұлу етіп тұрады. Бірақ, біз сән журналдарында көрсетілген стандарттың салдарынан сол даралығымызды кемшілікке балап, өз-өзімізді мүжіп, жеп жатамыз. Осы ойды жеткізе отырып, менің айтқым келгені сол стандарттар жетегінде кете отырып, біз даралығымызды жоғалтып алмауымыз керек. Бізді барлық адамдар қатарынан ерекшелейтін даралығымызды айқындап, соны аса «дәмділікпен» әсемдеп басқаларға көрсете отырып, сол қалпында сақтай білуіміз керек. Бірақ әдемілік тек сырт келбетпен шектелмейді. Әдемілік–мейірімділіктің, адамгершіліктің әпкесі. Бұл адамзатқа баяғыдан бері белгілі. Ежелгі гректерде осыған орай арнайы термин болған: капокагатия - жан сұлулығы мен тән сұлулығының үйлесімділігі. Демек, сұлулық – ішкі және сыртқы бейненің үйлесімділігі, бай ішкі жан-дүниеміз бен тартымды сыртқы келбетіміздің, өзімізге деген сенімділік пен өзімізді ұстай алу қабілетіміздің байланысы. Сонымен, өз сұлулығымызды қалайша ашамыз? Ең басты жолы – өз-өзімізді бар қалпымызда жақсы көруіміз керек. Өз-өзімізді қалай жақсы көреміз? Жақсы көру үшін не істейміз? Алдымен мынадай жаттығу жасап көрейік.

2-жаттығу: «Мен жайлы ой»Мақсаты: Өзімізге деген сенім ұялату және өзіміздің сұлу екендігімізге көзіміз жеткізудің бір қадамы.Уақыты: 20 минутБұл партада әр қайсыларыныздың аты жазылған қуыршақтар бар. Бәріміз келіп, әр қыздың аты жазылған қуыршаққа келіп, ол құрбымыздың сұлулығын жан-жақты сипаттайық. (сыртқы келбетіндегі сұлулық, ішкі жан-дүниесі, өзін-өзі ұстауы, қарым-қатынасқа түсу ерекшелігі).Рефлексия:-Бұл жаттығудан кейін кандай күйдесіз?-Қандай сезімде болдыңыз өзініз туралы пікір оқығанда?-Сіз басқаларға қандай болып көрінесіз екен?-Сіз өзінізге қандай қорытынды жасайсыз?

Жүргізуші: Бәріміз дене бітіміміз тұрпатты, көкірегіміз үлкен болса еш қорықпастан өз өмірімізді жақсы қалыптастыра бастар едік деп ойлаймын. Бірақ жаттығу көрсеткендей әр адам өзінше сұлу ия? Яғни тек әдемі келбет пен ұзын аяқтар қыздарды бақытты етпейді. Мысалы, таңертен көңіл-күйіміз болмай, ашулы оянатын болсаңыздар, сіздер өздеріңіз өздеріңізге бақытты болуға мүмкіндік бермедіңіздер деген сөз. Сол көңіл-күйіңізді жөндеу сіздің өз қолыңызда. Өмірімізді жақсы, қызықты ғұмыр кешу де өз қолымызда. Өміріміз көп киялы да, баянды сәттерге толы болсын дегім келеді. Енді біз сіздермен қазір сол қызық өмірге бір қадам жақындау үшін, келесі жаттығуды бастайық.

3-жаттығу: «Ертегі әлеміне саяхат»Мақсаты: Қатысушыларды зерттеу, қиялдауға, армандауға жетелеу.Уақыты: 20 минутЖүргізуші: Бәріміз кішкентай болдық. Ата-әжеміз ертегі күнде айтқан бәрімізге. Енді өзімізді бір сәтке ертегі әлемінде елестетейік. Енді әр қайсысымыз өзімізді ертегі кейіпкері ретінде сипаттап, өзіміз жайлы,өміріміз жайлы кезекпен айтайық. Сіз ертегі әлемінде кім болар едініз? Қай ертегіде?Рефлексия:

Бұл жаттығу ұнады ма?

Неліктен ол кейіпкерді тандап алдыңыз?

Жүргізуші: Тренинг басында айтып кеткендей, әр адам өзінше сұлу және әрқайсымыз көңіл аудару мен махаббатқа ие болу мүмкіндігіміз бар. Бірақ соны әрқайсымыз біле бермейміз. Әлемде осы отырған сіздердің әрқайсыңыздан асқан сұлу, нәзік, әдемі жан жоқ екеніне сендіргім келеді сіздерді. Бірақ ол үшін алдымен сіздер өздеріңізді жақсы көріп үйренулеріңіз керек. Барлық кемшіліктеріңіз бен артықшылықтарыңызды жақсы көре білулеріңіз керек. Осыған байланысты мынадай жаттығу ұсынғым келеді.

4-жаттығу: «Мен сені жақсы көремін» Мақсаты: Өзінің жақсы көруге итермелеп, нұсқау, тұлғалық өсуіне көмектесу, өзің сүйуге тарту.Уақыты: 15 минутЖүргізуші: Барлығымыз айна алып айнаға қарайық. Мен сені жақсы көремін деп айнадағы өз келбетімізге айтайық. Бірден солай айту қызық әрі қиын көрінуі мүмкін. Бірақ сонда да солай жасап көрейікші.... (5-10 минут дауыстап айтуы керек).Рефлексия:-Қандай сезімде болдыңыздар?-Күнде осылай айтуға қарсы емессіңдер ме?-Қиын болды ма? (1-3 адамнан сезімдерін сұрау керек).Жүргізуші: Осы жаттығуды сіздерге күнде бірнеше рет жасап отыруға кеңес беремін. Осылайша сіздер өздеріңізге деген сенімділік оятып, өздеріңізді жақсы көре бастайсыздар. Тек «Мен сені жақсы көремін» деген афирмациямен ғана шектелмей, өз артықшылықтарыңызды айта жүріңіздер («Сенің көздерің әдемі, еріндерің әдемі, сенің күлгеніңді жақсы көремін, тағысын тағы).

Жүргізуші: Өз-өзіне салғырт, сырт келбетіне қарамайтын адамдар – қызықсыз, себебі олар өздеріне ең жақын адам - өздерін-өздері жақсы көрмейді. Біз, әрқашан өзімізге уақыт таба білуіміз керек. Сырт келбетімізге уақыт бөліп, күтіне білуіміз керек. Өзімізге деген салғырттық пен сенімсіздікті ұмытып, өз образымызды өзіміз жасауға тырысайық. Осы бағыттағы алғашқы қадам – әдемі болуға қатты талпыну. Бетімізді түрлі косметикалармен әрлеп-әдемілеп қана қоймай, сол әдемілікпен ішкі жан-дүниемізбен де сай болуға тырысайық. Келесі жаттығуды сіздерге кеңес ретінде ұсынғым келеді. Ашық түсті киім киіп, әдемі макияж жасап, иығыңызды түзетіп, басыңызды тік ұстап, асықпай күлімсіреп көшеге шығыңыз. Бірақ бұл жүрісіңіз басқаларға жоғарыдан қарап тұрғандай көрінбесін, барлығы табиғи болуы керек. Қарсы кездескен адамдардың бетіне ашық қарап, күлімсіреуді ұмытпаңыз. Енді неше адам сізге көңіл аударғанын санап көріңіз. Осыдан-ақ сіз өзіңіздің сұлу екендігіңізді байқайсыз. Әрине, кейде сәтсіздіктерімізге шағым айтып, өмірге деген өкпемізді айтып, тіпті кейді жылап та алуымызға болады, оның бәрін ешкім көрмейтін оңаша жерде жасауымыз керек. Ең дұрысы жуынатын бөлмеде жылап алу керек, эпиляция – жылап шер тарқатудың ең жақсы жолы. Жылап болған соң өмірге өзіңізді жаңартылған күйде ұсынып, үй ішіне жақсы көңіл күймен көрінуге тырысыңыз. Өзіңізді таңертеңгі ашылған роза ретінде сезініңіз. Өз әдемілігіңізге таңертең ұясынан шығатындай күндей сеніңіз. Сізден асқан сұлу жоқ екендігін өзіңізге айтуға ұмытпаңыз. Қорытынды шығару:

Сізге тренинг ұнады ма?

Несімен ұнады немесе ұнамады?

Тренингке сіздің ойынызша не жетпеді?

Тренингтен өзінізге қандай қорытынды шығарасыз?

Тренингте алынған тәжірибені өмірде қолданасыз ба?

Жүргізуші: Өз-өзіңізге мәңгілікке ғашық болып, сенімсіздік пен қорқыныш, үрей деген түсініктерді мүлдем ұмытыңыз. Өзіңіздің тек жақсылық пен бақытқа ие болуға құқыңыз барын айтып, әрқашан тек жақсылық болатынына сендіріңіз. Міне, сұлулық деген осыдан басталады.... тренинг соңында сіздерге мынадай кішкентай сыйлық жасағым келеді. (мына жүрекшелерді түрлі-түсті қағазға шығарып, кесіп, әрқайсына таратып беру керек). Назарларыңызға рахмет!!

Материал жариялап тегін сертификат алыңыз!

Бұл сертификат «Ustaz tilegi» Республикалық ғылыми – әдістемелік журналының желілік басылымына өз авторлық жұмысын жарияланғанын растайды. Журнал Қазақстан Республикасы Ақпарат және Қоғамдық даму министрлігінің №KZ09VPY00029937 куәлігін алған. Сондықтан аттестацияға жарамды

Ресми байқаулар тізімі

Республикалық байқауларға қатысып жарамды дипломдар алып санатыңызды көтеріңіз!