Түлкі мен тырна (ертегі)

25.10.2017ж

Пәні: үйірме «Ертегілер елінде»

Сыныбы::1 «б»

Мұғалімі: Н.Есмағамбетова

Тақырыбы: «Түлкі мен тырна» ертегісі

Мақсаты: Ертегі мазмұнын түсіндіре отырып, балаларға адамгершілік тәрбие беру. Бала бойында достық, қамқорлық, кішіпейілділік қасиеттерін ояту. Ертегі мазмұны мен жағымды, жағымсыз кеіпкерлерді ажыратуға баулу. Ертегі желсі бойынша тапсырмалар үйрету арқылы кейіпкерлерді достыққа шақыру.

Сөздік жұмыс: түлкі, тырна.

Көрнекілігі: түлкі ,тырна суреттері,видео «Түлкі мен тырна»

Шаттық шеңбері

Біз әдепті баламыз,

Біз ерекше баламыз.

Үйге қонақ келгенде:

«Сәлеметсіз бе!», - деп,

Амандасып аламыз.

Балалар сендердің бүгінгі көңіл-күйлерің қандай?

Өздік жұмыс. Жұмбақтың шешуін балалар қағазға салады.

Жұмбақтар:

Өзі айлакер қу,

Жүрген жері айқай да шу.

(түлкі)

Көкте ұшады тізіліп,

Біз қараймыз қызығып.

(тырна)

Тырна дегеніміз не?Сипаттама беру

Түлкі ше? Ол қандай жануар?

Мұғалім:

-Балалар бұл «Түлкі мен тырна» ертегісіндегі кейіпкерлер гой. Сендер осы ертегіні тамашалағыларың келе ме?

Олай болса жайғасып отырып ертегіні көрейік.Интернеттен ертегіні тамашалау.

-Балалар ертегі сендерге ұнады ма?

-Бұл жерде қандай кейіпкерлер бар?

-Түлкі тырнаны қонаққа шақырғанда қандай ыдыспен тамақ берді?

-Тырна іше алды ма?

-Ал тырна түлкіге не істеді?

-Ертегі кейіпкерлері бір-біріне ренжіп қалды. Оларға достық жетіспейді.

-Балалар біз түлкі мен тырнаны достарсырсақ қайтеді.

Олай болса ең алдымен сергіту жаттығуын орындап алайық.

Сергіту сәті

Түлкі мен тырнаның бір біріне тапсырмалары бар екен, соларды орындаса ғана достасады екен. Оларды достастыруға дайынбыз ба?

Балаларды екі топқа бөліп отырғызып, «Түлкілер» мен «Тырналар» тобына бөлемін.

Логикалық сұрақтар. «Не артық»?

Құмыра, қасық, доп, табақ

Алма, анар, апельсин, банан.

Бір ,он, түлкі, бес.

Түлкі, тырна, кітап, қасқыр.

Қимылды ойын: «Кім жылдам».

Тақтадағы пішіндердің ішінен 1-топ қызыл түстіні, 2-топ жасыл түсті пішіндерді жинайды.

Рефлексия

-Біз қайда саяхатқа бардық?

-Ертегі кейіпкерлерін ата.

-Түлкі мен тырна бір біріне неліктен ренжіді?

-Біз оларды қалай достастырдық?

-Балалар бүгін сендер үлкен іс тындырдыңдар. Ренжісіп қалған түлкі мен тырнаны достастырдыңдар.