Түңғыш Президент күніне арналған "Елін сүйген,елі сүйген Елбасы" тәрбиелік шара

Атырау қаласы №27 И.Тайманов атындағы орта мектебінің тәлімгері

Казиева Арайгуль Тасболатовна

1 желтоқсан Тұңғыш Президент күніне арналған тәрбиелік шара

Тақырыбы: «Елін сүйген, елі сүйген Елбасы»

Өткізілген уақыты: 30 қараша 2020 жыл

1-жүргізуші
Бар әлемге шын танылдық міне, біз,
Елін сүйген Елбасы деп білеміз.
Тең аталып Қазақстан - Нұрсұлтан
Нұрсұлтан мен Қазақстан тұр егіз.

Күнге беттеп бара жатыр көш жүріп,
Елдің даңқы бар жаһанға естіліп.
Елбасыны құрметтейтін ерекше
Армысыздар, ақ пейілді көпшілік!

1 желтоқсан – Қазақстанның Тұңғыш Президенті күні. Қазақстан халқының тойы, мемлекетіміздің мерейлі мерекесі.

Елі үшін көтеріп нар жүгін де,
Сенімі нық сезілетін үнінде.
Аты озған дүниедегі дүбірде
Нұрсұлтанмен кім мақтанбас бүгінде?!
Қазақстан Мемлекетінің Тұңғыш Президенті күніне арналған мерекелік салтанатты жиын ашық деп жарияланады.
(Қазақстан Республикасының Әнұраны орындалады)

1991 жылы 1 желтоқсанда алғаш рет Қазақ ССР Президентінің жалпыхалықтық сайлауы өтіп, ол сайлауда Нұрсұлтан Әбішұлы Назарбаев ел Президенті болып сайланғаны баршамызға мәлім. Яғни, өз тағдырын өзі айқындауға алғашқы қадам жасаған Қазақстан үшін 1 желтоқсан – мемлекеттілік тарихының мерейлі күні саналуға орны лайықты.

Қазақстан Мемлекетінің Тұңғыш Президенті күні мерекесіне байланысты құттықтау сөз мектебіміздің басшысына сөз беріледі.

Келесі сөз кезегі Ұланбасының құттықтау сөзіне беріледі.

Ендігі кезекті мектебіміздің 11 сынып бітіруші түлегі, алтын белгіге үміткер Сисенова Анельдің құттықтау сөзіне берсек....

Нұрсұлтан Назарбаев — мемлекеттігімізді орнатып, оны қалыптастырып, экономикасын реформалау арқылы өзін де, елін де әлемге мойындатқан заманның аса дарынды тұлғасы. Аумалы-төкпелі заманда мың өліп, мың тірілген қазақ үш ғасыр бойы іздеген мұратына да, арманына да Нұрсұлтан Әбішұлы Назарбаевтың тұсында жетті.

Ел тынысын тереңінен танып кең,
Шарапаты бар адамға дарып тең.
Елбасының есімі бұл тарихта
Қалар анық өшпес алтын әріппен.

Келесі кезекті 1 – ші сынып оқушыларының өлең жолдарына беріледі.

Ән: Ағатайым

Орындайтын: 1 «г» сынып оқушысы Талғат Айша

Ауыр күнді артымызға тастауы –
Қиын сәтте қиындықтан қашпауы.
Тілім, дінім, ұлтым қайта көгерген,
Елбасымыз Нұрағаңның бастауы
Туды ұстап тура жолға түсіріп,
Жас Отанның өмірін де түсініп,
«Елім, жерім» деп ұрандап тайсалмай,
Бір керемет жасады-ау кісілік!

«Осындай тәуелсіз еліміздің намысын қорғайтын, бүгінімізді ертеңіне жалғайтын, қазақ елінің болашағы үшін жауап беретін ұрпақ екенімізді сезінеміз»

Туымыздың тұғыры берік, еліміздің еңсесі биік болсын! Тәуелсіз еліміздің іргесі мықты болсын!

Хор. «Нұр аға» әні