ТҮНГІ РЕЙД ТӘРТІПКЕ ШАҚЫРУДА

ТҮНГІ РЕЙД ТӘРТІПКЕ ШАҚЫРУДА

Қазіргі таңда қоғамда резонанс тудырған жасөспірімдердің жанжалдасуы көбейіп отыр. Соңғы уақыттарда болып жатқан оқиғаларды алып қарасаңыз, жасөспірімдердің іс-әрекетіне жан түршігеді. Жеткіншектер неге қатыгез болып барады? деген сауал туындайды көкейімізде. Бәріміздің де бауырымыз, ініміз, баламыз, туысымыз бар. Сондықтан мұндай әрекеттерге бей-жай қарамай құқық бұзушылықтың алдын алуға әр азамат өз үлесін қосуы керек деп ойлаймын. Бұл жерде барлық мәселе тәрбиеге келіп тіреледі. «Тәрбиесіз берілген білім-адамзаттың қас жауы»,-деп Әл-Фараби данамыз айтқандай, балаға ең бірінші жақсы тәрбие берілуі керек. Білім ордасы – баланың екінші отбасы, ал, ұстаз – екінші анасы екені даусыз. Осы орайда ата-ана мен мұғалімнің бала тәрбиесіндегі рөлі де екіге бөлінбеуі керек. Ата-ана баласын алты жасқа дейін баптап өсірсе, ары қарай мұғалім бұл жауапкершілікті жалғастырып, қабыл алуы керек. Бірақ ата-ана баласын ұстазға тапсырдым екен деп арқасын кеңге салуына болмайды. Ата-ана да, ұстаз да берер тәрбиесі мен өнегелі іс-әрекетін көрсете білуі тиіс. Қазақтың: «Баланың бас ұстазы – ата-ана» дегендей бала тәрбиесінің алғашқы алтын қазығы – туған ұясы, өз отының басындағы тәрбиесі.

Жасөспірімдер арасында құқық бұзушылықтың, қылмыстық және зорлық іс-әрекеттердің алдын алу алдын алу мақсатында «Академик С.А.Джиенкулов атындағы Байқоңыр жоғары колледжінің» оқытушылары мен ата-аналарынан құралған кезекшілер бекітілген кестеге сәйкес Төретам кенті, Ақай ауылдық округі, Байқоңыр қаласының Полиция Бөлімі мамандарымен бірлесіп, түнгі клуб, кафе, орталық алаңды аралап, түнгі рейдке шығуда.Түнгі рейд шарасының басты мақсаты – өңірдегі жеткіншектер арасында жиі орын алатын құқық бұзушылықтың алдын алып, кездесетін қиындықтарды дұрыс шешуге тәрбиелеу.  

Рейд жұмысы барысында жасөспірімдердің заңды өкілдерінсіз түнгі уақытта беймезгіл көшеде жүрмеуін қадағалау, олардың құқықтық сауаттылығын арттыру мақсатында жұмыстар жүргізілді. Колледж ұжымы алдағы уақытта бекітілген кестеге сәйкес күнделікті рейд жұмыстарын жалғастырады.

Олжас ҚОЖАНТАЕВ,

«Академик С.А.Джиенкулов атындағы

Байқоңыр жоғары колледжінің»

дене тәрбиесі пәнінің оқытушысы