«Тұрақты даму үшін экологиялық білім бойынша балалар бизнес – жоба»

Облыстық «Тұрақты даму үшін экологиялық

білім бойынша балалар бизнес – жоба» байқауының жеңімпазы

«Туған жер» бағдарламасының шеңберінде 2018 жылдың 23 ақпан күні Қазақстан инновациялық және телекоммуникациялық жүйелер университеті колледжі базасында оқушылар бойында қоршаған ортаның экологиялық жағдайын меңгеру мен бағалау бойынша практикалық дағдыларының жүйесін қалыптастыру, оқушыларды экологиялық бағыттағы кәсіпкерлікті жоспарлау, ұйымдастыру, бақылау, ынталандыру және өздерін болашақ маман ретінде елестете алу білімдерін дамыту, кәсіпкерлік және кәсіпкерлікпен айналысу үшін бизнес жоспар құру туралы білім беру мақсатында «Тұрақты даму үшін экологиялық білім бойынша балалар бизнес – жоба» байқауы өтті.

Облыстық бизнес- жоба байқауына жалпы білім беретін мектеп, лицей, гимназия, облыстық мекемелер, қосымша білім беру орталықтарынан 14 ауданнан 42 оқушы жобамен қатысып, «Қалдықсыз өмір сүруді үйренейік», «Ауыл шаруашылығына арналған экологиялық технологиялар», «Экологиялық мәдениетті насихаттау» номинациялары бойынша бақтарын сынады. Жобаны жүзеге асыру үшін міндетті түрде 100 мың. теңге көлемінен аспайтын шығындар сметасы, бюджетпен қоса бизнес-жоспары болу керек еді және жобаны орындағаннан кейін жергілікті жерге одан қандай пайда алатындығы жөнінде және жұмысты аяқтағаннан кейін жобаның жағдайы қалай болатындығы жөнінде қорытынды жасалды.

Жоба қорытындысы бойынша «Экологиялық мәдениетті насихаттау» номинациясында Тасқала ауданы ЖББ Крутой НМ 9 сынып оқушысы Изгалиев Тамирлан «Мөлдір бұлақ» демалыс аялдамасы» атты жобасымен қатысып, І орынды иеленді. Тамирлан білім басқармасының грамотасымен марапаттала отырып, 90 000 теңгелік сертификат ұтып алды. Жоба жетекшісі аталмыш мектептің денешынықтыру пәнінің І санатты мұғалімі Изгалиева Динара Рафаэловна.

Батыс Қазақстан облысы Орал қаласы Тасқала ауданы

Мектептен тыс жұмыс орталығы

Экологиялық станция меңгерушісі

С. Доскалиева