Тұрлаусыз мүшелер 3 сынып

Бастауыш сынып мұғалімі:

Аязбай Күмісбек Нөптуллаұлы

Сабақтың тақырыбы: Тұрлаусыз мүшелер

Сабақтың мақсаты: тұрлаусыз мүшлермен таныстырады; тұрлаусыз мүшелерге сұрақ қоя біледі; олардың сөйлем ішіндегі байланысын анықтай алуды үйренеді; сөйлем мүшелері туралы білімін пысықтайды.

Сабақтың әдісі: «Ой түрткі», «Ұқсастық пен даралық», «Дөңгелек үстел» стратегиясы.

Сабақтың барысы:

Қызығушылықты ояту

«Тұрлаусыз» деген сөзді қалай түсінесіңдер? Топтағы оқушылар осы сөздерді қалай түсінетінін тез арада жазып шығады. Олардың пікірін тыңдағаннан кейін, тақтаға мынадай сөйлемдер жазылады:

Балалар келді.

Балалар ерте келді.

Балалар бүгін ерте келді.

Балалар мектепке бүгін ерте келді.

Бастауыш пен баяндауыштың астын сызып, олардың тұрлаулы мүшелер екенін естеріне түсіреді. Қалған сөйлем мүшелерінің қандай қызмет атқаратынын айтады. Олар не себепті тұрлаусыз аталатынын өздері қорытындылап айтады.

Мағынаны тану кезеңі

Кесте бойынша асты сызылған сөздерге сұрақтар қойылады.

Кестені толықтырғаннан кейін, «Ұқсастық пен даралық» стратегиясы бойынша тұрлаулы және тұрлаусыз мүшелерді салыстырады.

1. Тұрлаусыз мүшелер жеке тұрғанда сөйлем жасай алмайды, тек сөйлем жасауға көмектеседі.

2. Тұрлаусыз мүшелердің сұрақтары: кімнің?ненің?кімге?неге?нені?қандай?қанша?қашан?қайда? және т.б.

.............

.............

Сөйлем мүшелері

....

Тұрлаулы мүшелер Тұрлаусыз мүшелер

Оқулықтағы жаттығу жұмыстарын орындау барысында оқушылардың тұрлаусыз мүшелер туралы біліиін кеңейту.

Ой толғаныс

«Дөңгелек үстел» стратегиясын қолдануға болады.

Әр топқа тек қана бастауыш пен баяндауыштан, демек, тұрлаулы мүшелерден тұратын сөйлемдер беріледі. Осы сөйлемдерге топ мүшелерінің әрқайсысы бір сөзден қосып отырады.Қосылған сөздердің бір-бірімен байланысуын қадағалау керек. Сосын жұмыс топтары өздері құраған сөйлемдерді оқиды.

Бағалау.

Үйге тапсырма беру