"Түрлі-түсті көңіл күй" педагогтарға арналған психологиялық тренингі

Педагогтарға арналған «Түрлі-түсті көңіл-күй» психологиялық тренингі

Күні бойы бір күле алмасаң, онда оны зая кеткен күнім деп есепте

(Виктор Мари Гюго)

Мақсаты: Педагогтардың көңіл-күйлерін жақсарту, шаршағандарын басу. Өз сезімдерін білдіруге дағдыландыру.

Барысы: Сәлеметсіздер ме, құрметті педагогтар! Мен сіздермен кездескеніме қуаныштымын. Сіздерді ортаға шаттық шеңберіне шақырамын. (Баяу музыка қосылады. Шеңбер бойына тұрады, психолог шеңберде нұсқау береді.)

Слайд №1

Шаттық шеңбері:

Қайырымды жандар айнала,

Шеңберге келсін жайлана.

Жалықпастан қайта біз,

Махаббат сөзін айтамыз.

Сүйеміз барлық әлемді,

Әлемдегі бар елді.

Бақыттымыз осы біз,

Қасымызда досымыз.

Ең алдымен қазіргі кездегі көңіл-күйіміздің қандай екенің білейік

Слайд №2

«Көңіл-күй түстері» жедел тест

• Қызыл түс-мәз-мейрам көңіл-күй;

• Қызыл сары түс-қуанышты;

• Сары түс-байсалды, бір қалыпты:

• Жасыл түс-«маған бәрібір» деп отырғандардың түсі;

• Қара түс-нашар;

• Күлгін түс-үрейлі, мұңды.

Слайд №3

Арайлап атқан таңмен күліп оянудың денсаулығымызға қаншалықты пайдалы екенің білесіз бе? Таңертең айнадан өз келбетімізді көріп, жай ғана жымиюдың күні бойы көңіл-күйіңізге тигізер ықпалы мол. Күлу-адамдар қатынасының маңызды бөлшегі. Мысалы, езуінен жымию адамның өзіне сенімділігін, еркіндігін, мейірімділігі мен қуанышын білдіреді екен. Ал күлкі иесінің жанына-тыныштық, жылу, деніне саулық сыйлайды. Барлық адам күле алады. Күлкі арсыз дегенімізбен, күлкінің адам денсаулығына пайдасы өте көп. Үндінің бір оқымыстысы 21 жыл бойы осы күлкі туралы зерттеп, күлкінің пайдасын анықтапты. Күлкі бұлшық еттерді босаңсытады, астың қортлуын жылдамдатады, жүйке қызметін жақсартады. Адам күніне ең аз дегенде 17 минут күлу керек екен. Ол денсаулықты сақтап қана қоймайды, сонымен қатар жасты ұзартады. Кейбір елдерде күлкіні ауруды емдеуге қолданады екен.

Осы әдемі күлкіміздің сиқырлылығымен өз-өзімізге «комплимент, қошемет» айта отырайық.

«Комплимент» психологиялық жаттығуы.

Жаттығудың шарты: Қатысушылар қатармен бір-бірлеріне комлимент айтып, мақтау керек.

«Мен кіммін?» жаттығуы.

Қолдарыңызға қалам алып, «Мен кіммін?» деген сұраққа жауап беріңіздер.

Қорытыңдысы:

• 8 жауап-өз-өзіңізді бағаламайсыз;

• 9-10 жауап-орташа бағалау;

• 10 -20 аралығындағы жауап-өзіңізді жақсы көресіз;

• 20 жауаптан көп-өзіндік бағалауыңыз шамадан жоғары.

«Рахат» жаттығуы.

Шарты: Қағаз бетіне педагогтарға күнделікті өмірде рахат әкелетін 10 іс-әрекетті жазу ұсынылады. Содан кейін бұл іс-әрекеттерді күшті қалпына келтіретін жедел жәрдем ретінде қолдануға болады.

«Жасырылған хат, ойлан тап!»

Қатысушылар үш топқа бөлінеді.

Психолог: Ерте-ерте-ертеде.... әлі адамдардың әріп танымаған уақытта да, олар бір-біріне хат жазған екен. Қалайша? Олар сурет салуды біліпті біз бүгі оны үйренеміз. Әр топқа тапсырма сөйлемдер беріледі. Сол сөйлемдерден сурет шығару керек.

Тапсырмалар:

1. Бүгін маған сағат кешкі 18.00-де келші.

2. Бүгін жұмыстан кейін кино көруге барайық.

3. Жексенбі күні сағат 15.00 –де менің туған күніме кел.

Қарсылас топтар суретте не жазылғаның анықтайды.

«Менің көңіл-күйім» жаттығуы.

Шарты: Қатысушылар қазіргі кездегі көңіл-күйін суреттеп қағаз бетіне түсіріп, тақтаға іледі.

«Сиқырлы қорапша» ойыны.

Тренингтің соңында қатысушыларға қорапшадан бүгінгі күнде не күтіп тұрғаны немесе жақын уақытта не істеу керектігі туралы жазылған хаттарды алу ұсынылады.

• Бүгін сенің жолын болады.

• Тағдыр саған керемет тосын сый дайындауда.

• Үнемі кейінге қалдырып келе жатқан істерді жүзеге асыратын уақыт келді.

• Өзіңді осы қалпында жақсы көре біл.

• Өзіңе сыйлық жаса, сен оған лайықтысын.

• Бүгін қуаныш сенімен бірге.

• Сенің армандарын мен тілектерін жақында міндетті түрде орындалады.

Осымен «Түрлі-түсті көңіл-күй» тренингіміз аяқталды. Белсене қатысқандарыңызға рахмет.

Республикалық қашықтық байқауға қатысу өтінімі

I. Байқауға қатысушы туралы ақпарат

II. Байқау жұмысы туралы ақпарат