Тақырыбы: Тұрмыстық техника заттар

Мақсаты: Балаларды тұрмыстық техникамен таныстыру ,олардың қалай жұмыс жасайтынын, күнделікті өмірде пайдасы туралы ұғымдарын кеңейту. Тұрмыстық техника,оның қолданылуы туралы білімдерін жетілдіру.Олардың атқаратын қызметімен таныстыру. Ойын арқылы балалардың қызығушығын арттыру.

Міндеттер:

Білімділігі: Қауіпсіздік ережесін сақтауға дағдыландыру және алған білімдерін дамыту.

Дамытушылығы: Өткен сабақты бекіту,тапсырмалар беру арқылы балалардың білімін тексеру,балалардың тіл байлығын, ой қиялын дамыту.

Тәрбиелілік: тазалыққа, ұқыптылыққа баулу.

Қолданылатын құрал- жабдықтар: Тұрмыстық техникалар бейнеленген суреттер, картоннан жасалынған техника үлгілері, карточкалар.

Әдіс тәсілдер: Сұрақ жауап, топпен жұмыс, тәжирбиелік, көрнекілік ойын.

Қонақтармен амандасу: Сәлеметсіздер ме?!

Шаттық шеңбері:

Күннің көзі ашылсын!

Көкке шуақ шашылсын!

Құтты қонақ келіпті.

Төрімізге еніпті.

Амандасу үленмен,

Тәрбиенің басы ғой

Ал, қанекей балалар

Сәлем дейік үлкенге!

Ұйымдастырушылық ізденістік

Тәрбиеші: Бүгінгі оқу қызметімізде тұрмыстық техникалармен танысамыз. Балалар мында бір зат тұрған сияқты. Бұл не болды екен ?

Балалар: Бұл робот.

Робот: Сәлем балалар . Менің атым Темірбек .Сендермен кездескеніме қуаныштымын. Мен мында тапсырмаларды орындай алмай шаршап , қуатым таусылып отырмын. Сендер маған көмектесесідер ме ?

Балалар: Иә әрине!

Тәрбиеші: Олай болса балалар роботты қуаттандыру үшін оның тапсырмаларын орындайық.

Робот:Олай болса тапсырмаларды орындауға кірісейік

1-тапсырма «Пазл құрастыру »

Үстелдің үстінде жатқан ,техникалар бейнеленген пазл бөлшектерін құрастыру.Бөлшектерден шыққын суретте қандай зат бейнеленген және не үшін қолданылады, қалай жұмыс жасайтынын түсіндіру.

2-тапсырма «Кеңістікті бағдарлау».

Бос бөлме бейнеленген карточкаға, кеңістікті бағдарлай отырып (оң ,сол, жоғарғы,төмен) тұрмыстық техникалардың суреттін орналастыра отырып бөлмені безендіру.

Сергіту жаттығу

Ал балалар тұрайық!

Алақанды ұрайық.

Оңға қарай иіліп,

Солға қарай иіліп

Бір отырып ,бір тұрып

Бойымызды созайық.

Белімізді жазайық.

Оңға, оңға түзу тұр

Солға ,солға түзу тұр

Жоғары төмен қарайық .

Қолымызды созайық

Бойымызға күш жинап

Біз шынығып алайық.

3-тапсырма «Жаңылтпаш айтып жарысайық»

Қайрат қайрақ қайрап отыр,

Дайрақпен балта қайрап отыр.

Түрің түрленіп кідірмей оқы,

Тілің күрмеліп мүдірмей оқы.

Есім есі кетіп есінеп отыр екен,

Ол несіне?

Есі кетіп есінеп отыр екен.

4 тапсырма «Түтікшемен жинау»

Түтікшемен үстел үстінде жатқан әр түрлі суреттер арасыннан тұрмыстық техникалық заттардың суреттерін жинап алу.

5-тапсырма «Роботпен балалар тұрмыстық техника әлеміне саяхатқа барады»

Балалар әр тұрмыстық техниканың атауын атап,оларды қалай қолданылады,қалай жұмыс жасайды сол туралы түсініктерін айтады.

Мадақтау.

Қорытындылау.