Түскиізді әшекейлеу

Әрекет кезеңдері

Тәрбиешінің іс - әрекеті

Мотивациялық -қозғаушы

Ізденіс –ұйымдастыру

Рефлексивті -коррекциялаушы

Ойын : «Автобус» Тәрбиеші балаларға ауылдағы апамызға қонаққа баранын айтады. Автобусқа отырғызады.

Автобус ішінде сұрақтар қою:

­­-Қазір жылдың қай мезгілі?

- Дұрыс айтасыңдар! Бүгін балалар, көктемнің алғашқы күні. Көктем мезгілінде күн жылынып, қар ериді. Құстар жылы жақтан ұшып келеді. Жерге шөп, гүлдер шығады.

-Балалар, осы көктем мезгілінің ең алғашқы мерекесі кімдердің мерекесі?

-Дұрыс айтасыңдар! Міне, балалар, апамыздың үйіне де келіп қалдық. Автобустан түсіп апамыздың үйіне барайық.

Апа:

-Сәлеметсіңдер ме, балалар! Маған қонаққа келіп қалыпсыңдар ғой! Қош келдіңдер!

Тәрбиеші:

-Сәлеметсізбе, апа! Біз сізге қонаққа келдік. Сізге өз білімдерімізді көсетейік деп келдік. –Балалар, қараңдаршы, апамыздың үйінде көптеген үй жабдықтары бар екен. Кәне балалар, айтыңдаршы. Мынау не?

-Дұрыс! Ал мына зат қалай аталады?

-Өте дұрыс!Ал мына заттың атын білесіңдерме?

-Дұрыс айтасыңдар! Ал бұл заттардың барлығында ненің суреттері салынған?

-Балалар, апамыздың үйінде теледидар бар екен. Теледидарда не көрсетіп жатқанын көрейік пе?

Теледидардан оюлардың суреттері көрсетіледі.

-Енді осы оюлармен танысайық. Ол үшін «Неге ұқсайды?» деген ойын ойнайық.

-Мына ою неге ұқсайды деп ойлайсыңдар?

-Дұрыс айтасыңдар! Бұл ою қошқар мүйіз оюы. Ал мына ою неге ұқсайды деп ойлайсыңдар?

-Дұрыс! Сондықтан бұл ою құс қанаты деп аталады.Ал мына ою ше?

-Дұрыс айтасыңдар!Бұл ою жұлдыз деп аталады екен. Ал мына оюды неге ұқсайды деп ойлайсыңдар?

-Өте дұрыс айтасыңдар! Бұл ою тышқан ізі деп аталады.

Апа:

-Балалар, маған қонаққа келіп қалыпсыңдар екен. Маған сендердің көмектерін қажет болып тұр. 8- наурыз мерекесіне байланысты апалардың сайысы болады екен. Соған менің мына түскиіздерді әшекейлеуім керек. Түскиіздің шетіне тышқан ізі оюын салу керек.Сендер маған көмектесесіңдерме?

Түскиізді балаларға тарату.

Қарындашпен жұмыс істеу ережелерін естеріне түсіру.

Қарындашпен ауада тышқан ізі оюын салуды ұсынады.

Билингвалды компонентті бекіту. «ою - орнамент»

Көмекті қажет етіп отырған балаға көмектесіп, жақсы жасап отырған баланы мадақтау.

Апамен бірге көрме ұйымдастырады.

Апа:

-Жарайсыңдар, балалар! Сендерге көп көп рахмет! Сендердің арқаларында менің барлық түскиіздерім әшекейленді. Енді мен апалар сайысында жүлделі орын алатын болдым.Менің сендерге әзірлеген сыйлығым бар. Бұл, балалар, жай гүлдер емес, олар «бақ тамшылары» деп аталады. Бұндай гүлдер кімдерде көп болады, солар бақытты, ақылды, тәртіпті балалар болады.

Тәрбиеші:

-Балалар, біздің топқа қайтатын уақытымыз болды. Кәне, апамызбен қоштасып, автобусқа отырайық.

Автобусқа отырады.

-Балалар, біз кімге қонаққа бардық?

-Апамыздың үйінде қандай заттар бар екен?

-Сендерге сабақ ұнады ма?

Автобустан түсіп топқа оралады.