"Түстер әлемі" тренинг

«Түстер әлемі»

Мақсаты: Заттардың түстерін көріп қабылдауды дамыту. Негізгі түстерді салыстара отырып, ажырату, жұбын табу.Балалардың ойлау қабілеттерін, зейіндерін дамыту. Балалардың коммуникативтік - ақпараттық құзіреттілігін молайтып, ой - түйсігін, қиялын дамыту.

Әдіс-тәсілі:

Ойын-сабақ, сұрақ-жауап, әңгімелесу

Көрнекіліктер:

Қатты қағаздан жасалған доптар, машиналар, қолғаптар, фетр кілемшелер, түрлі – түсті таяқшалар, ыдыс, ленталар, қыстырғыштар.

Ұйымдастыру барысы:

Педагог баламен сәлемдеседі.

- Бүгін біздің сабағымызға қонақ келді. Бұл Жас суретші.

Ол бізді түстер әлемімен таныстырып өтеді.

- Қарашы, ол бізге сурет салып келіпті. Бұл не?

- Шар

- Шар қандай? (қызыл).

- Ал бізде қызыл түсті не бар?

- Ал мынау не? ... (осы түрде сары, көк, жасыл түстерімен танысу).  Сұрақтар қою арқылы нақты түстер жайлы ұғымдарын меңгерту. ойлау қабілетін кеңейту.

Қажетті құралдар: фетрден кілемдер, қатты қағаздан жасалған доптар мен машиналар.

Ойын барысы: Балаға алдын ала дайындалған заттар мен түрлі- түсті қағаздан немесе фетрден кілемдерді салыстыра отырып, оларды бір – бірінен ажырату және сәйкестендіру ұсынылады. Алдымен мұғалім көрнекі түрде мысал көрсетеді.

- Мына кілемдеріміздің түсі қандай? (сары, жасыл, қызыл,көк)

- Балақай, ал мына қораптың ішінде не бар екенін көрейікші.

Педагог қораптан қатты қағаздан жасалған доптар мен машиналарды шығарып, олардың әрқайсысын өз түсіне ұқсаc кілемге қоюды өтінеді.

- Мына доптың түсі қандай?

- Баланың жауабы

- Ал машинаның түсі ше?

- Баланың жауабы

Тапсырманы орындап болған соң баланың назарын түрлі – түсті пішіндегі машина гараждарына аударады. Балаға түстеріне байланысты әр көлікті өз гараждарына орналастыру талап етіледі.

Ойын: Сәйкесін тап

Қажетті құралдар: түрлі – түсті таяқшалар мен ыдыс

Ойын барысы: Педагог балаға бетінде төрт түсі бар ыдыс пен түрлі – түсті таяқшаларды ұсынады. Бала таяқшаларды түсіне қарай салуы тиіс.

Тапсырма орындалып болған соң, шашылған қолғаптарды түсі мен жұбына қарай жинауға көмек беруін сұрайды.

Суретті боя

Қажетті құралдар: Түссіз сурет және түрлі – түсті қаламдар

Ойын барысы: Бала боялмаған түссіз сурет ұсынылады. Суретті бояу барысында баладан заттардың түстерін сұрау арқылы немесе білмеген жағдайда нұсқау бере отырып, әр бөлігін қажетті түстерге бояйды. Мысалы, - Жапырақтың түсі қандай болады?

- Күннің түсі қандай?

Мұндай ойын балалардың түсінулерін және шапшаңдықтарын шыңдайды.

• Жарайсын, тапсырманы жақсы орындадың.

Сергіту сәті

Сары,жасыл,қызыл көк гүлдер,

Бұл недеген көп гүлдер.

Теріп,теріп алайық,

Қонақтарға сыйлайық.

Ұсақ қол маторикасын дамыту:

Ленталарға қыстырғыштарды түсі бойынша қыстыру.

Қорытынды: Баланы мақтау, мадақтау. Өтілген тақырыпты қорытындылау.