Садекова Айгуль Бақытқызы

Алматы қаласы

№97 б/балабақшасының педагог психологі

Тақырыбы: «Түстер және көңіл күй».

Мақсаты: Түстерді пайдалана балалардың көңіл-күйлерін көтеру және байқағыштық қабілеттерін арттыру. Жабдықтар: Түстер үлгілері, кеме суреті және түрлі түсті доп.

Әдіс-тәсілдер:Түстер терапиясы. Ойын түрінде.

Сөздік жұмыс:көңіл-күй,елестету

Полингвалды компонент:түстер-цвета-colors

Оқу –қызметтің барысы:

Психолог:Сәлеметсіңдер ме, балалар?

Балалар: Сәлеметсіз бе!

Психолог:

• Мен сендермен тағыда кездескеніме өте қуаныштымын.Ал,қане,бәріміз қолымыздан ұстап,дөңгелене шаттық шеңберін құрайық.

• Онда балалар :

Мына сұлу әлемде,

Адам өмір сүреді.

Үлкен менен кішіге,

Күн сәулесін төгеді.

Психолог:

• Балалар,ыңғайланып,жайғасып орындарымызға отырамыз.

• Балалар, бүгін біздер түрлі-түстер әлеміне саяхат жасаймыз. Ол үшін бізге үлкен кеме қажет болады.Көзімізді жұмып бәріміз кемені елестетеміз.Сол кемеге бәріміз мініп өздеріңе ұнаған орындарыңа отырсаңдар болады.Ондай болса саяхат жасауға дайынсыңдар ма?

• Уақытты көп создырмай саяхатқа аттанайық. /1-2мин/ (А.Вивальди «Шторм» музыкасы)қойылады.

• Көздерімізді жай мен ашамыз.Балалар сендер алдарыңда қандай түстерді көріп отырсыңдар?

• Түстердің атын атап шығайықшы.

• Қандай түстерді білеміз?

Балалар:қызыл,жасыл,көк,жасыл қоңыр,қара,ақ,сары т.б.

Психолог:

• Осы аталған түстердің біздің көңіл-күйімізге әсері бар ма?Қандай түстер бізге жайлылық сыйлайды?Балалар бізді қоршаған әлемнің бәрі түрлі-түсті бояаулардан тұрады екен иә?

• Қандай түстер тыныштандырады?

• Қандай түстер көңіл-күйімізді түсіреді?

• Қандай түстер тәбетімізді ашады?

• Қандай түстер жақсы көңіл-күй сыйлайды?

Түсті қағаздарды көрсете отырып,бояулар қалай әсер ететінін балалармен бірге талдау.

• Ал,көңілді түстер:

Балалар:қызыл,сары,сарғылт,ашық жасыл,ашық көк түстері жатады.

Психолог: -Ал,көңілсіз түстер?

Балалар: -қара,сұр,қоңыр,қою көк .

Психолог:

• Балалар сендер түстер арқылы көңіл-күйді көтеруге болатынын білдіңдер бүгін.Біздің уақытымыз аяқталып қалыпты,біз балабақшаға қайта оралуымыз керек,ондай болса бәріміз көздерімізді жұмамыз да 1-2 мин музыка тыңдаймыз...А.Вивальди «Шторм»музыкасын тыңдау. Көзімізді жаймен ашамыз.

Сергіту сәті:

Бойыңды сергек тік ұста,

Емін-еркін тыныста.

Деміңді ішке тез алда,

Сол қолыңды соз алға.

Қол ұшына қара да,

Ұшбұрыш сыз ауада,

Оң қолың да,бос тұрмасын.

Шеңбер жасап зырласын.

• Балалар бүгінгі оқу қызметіміз ұнады ма?

• Несімен ұнады?

• Не үйрендік?

Балалар:- Түстерді ажырата білуді.

Психолог:

• Жарайсыңдар !Түстер туралы бүгінгі өткен оқу қызметімізді есімізде сақтап және қолданып жүрейік.Осымен бүгінгі оқу қызметіміз аяқталды.

Жүректен-жүрекке. Балалармен бірге шеңбер құрып,бір-біріне күн шапақтарына қарап ризашылығымызды білдірейік.

Балалар: Ризамыз өткен күнге,

Ризамыз келер күнге.

Ризамыз бұл өмірге.

Ризамыз осы күнге!!!

Күтілетін нәтижелер:

Біледі: Түстерді ажыратуды

Игереді:. Түстердің көңіл-күйге әсер ететінін.

Меңгереді:Түстерді бір-бірімен үйлестіруді.