«Түстер мен пішіндер»

Білім беру дағдысы : Таным, шығармашылық, қатынас.

Бөлімі: Құрастыру, математика негіздері, тіл дамыту.

Тақырыбы: «Түстер мен пішіндер»

Мақсаты: Балалардың түстер мен пішіндер туралы білімдерін тапсырмалар орындау арқылы бекіту. Геометриялық фигуралардың ерекшеліктерімен және оларды қолдана отырып, құрастыруды бекіту.

Балалардың зейін, қабылдау қабілеттерін дамыту, сөздік қорларын молайту.

Балаларды ұқыптылыққа, өзара көмектесуге тәрбиелеу.

Қолданылатын көрнекіліктер: презентация, геометриялық пішіндер, түстер, үлгі суреттер.

Ұйымдастырылған оқу-іс әрекетінің барысы.

.Шаттық шенбері.

Сәлем!-дейміз достарға.

Сәлем!-дейміз апайға.

Сәлем!-дейміз құстарға .

Сәлем!-дейміз аңдарға.

Балалар шаттық шеңберді бірге орындайды.

- Балалар, бүгін бізге қонаққа саяхатшы Даша келді. Онымен амандасып алайық.

Даша: -Жұлдыздарды қу түлкі жинап алып, тығып тастады. Егер біз жұлдыздарды қайтарып алғамыз келсе, онда оның тапсырмаларын орындауымыз керек. Сендер дайынсыңдар ма?

1 тапсырма «Түстерді ата»

Шарты: Суреттерге қарап, олардың атауларын атай отырып, түстерін атау.

Балапан- сары, жұмсақ.

Алма-қызыл, дәмді, дөңгелек.

Бұлт-көк,аспанда болады.

Бақа-жасыл, көлде, өзенде өмір сүреді.

Қане балалар бақа туралы қандай жаттығу білеміз?

Бақа, бақа, балпақ,

Басың неге жалпақ?

Темір терсек көп киіп,

Басым содан жалпақ.

Бақа, бақа, балпақ,

Көзің неге тостақ?

Қарауылға көп қарап,

Көзім содан тостақ.

- осы тапсырманы дұрыс орындаған үшін, түлкі бізге жұлдыздардың біразын қайтарып берді.

2 тапсырма: «Пішіндерді ата»

Шарты: Берілген жануарлардың көлеңкесіне қарап, жануарды табу, төлін атап, қалай дыбыстайтындарын айту. Әр табылған жануардың артында пішін жасырылған соларды тауып, атау.

Сиыр – мөңірейді, төлі – бұзау. (шаршы)

Жылқы- кісінейді, төлі- құлын.(дөңгелек)

Ит- үреді, баласы- күшік.(үшбұрыш)

Мысық- маяулайды, баласы – марғау. (төртбұрыш)

Сергіту сәті.

«Аяқпенен топ-топ-топ».

3 тапсырма: «Кім жылдам?»

Шарты: шашылып жатқан пішіндерді бірдей жинау (дөңгелектерді-дөңгелектерге, үшбұрыштарды-үшбұрыштарға, шаршыларды-шаршыларға). Пішіндерді түстеріне қарай жинау.

Осы тапсырмадан кейін 5 жұлдызды жапсыру.

4 тапсырма. «Сиқырлы пішіндер»

Шарты: берілген кестелерге қарап, пішіндерді таңдап, олардан әр түрлі заттар құрастыру.

Балалардан құрастырған заттарын, олр қандай пішіннен жасалғанын, олардың түстері туралы жеке- жеке сұрау.

Осы тапсырмадан кейін 5 жұлдыз жапсыру

- Балалар, біз Дашаға барлық жұлдыздарды тауып бердік. Ал енді Дашамен қоштасайық.

Балалардан сұрақ-жауап арқылы не істегендерін сұрастыру.

МКҚК №8«Тұлпар» бөбекжай-балабаөшасы

Математика негіздері

«Түстер мен пішіндер»

Тәрбиеші :Султангалиева Н.Ж

2023-2023 оқу жылы