Түстерде қонақта

Тақырыбы: «Түстерде қонақта»

Мақсаты: білімділік: балалардың түстер туралы білімдерін кеңейту, оларды бір-бірінен ажыратуға, атай білуге үйрету; дамытушылық: сөздік қорларын молайтып, тіл байлықтарын арттыру, ой-өрісін, ұсақ қол моторикасын жетілдіру; түзету: тыныс алуын, артикуляциялық аппаратын және жалпы қимыл-қозғалысын дамыту; тәрбиелілік: әдемі, жүйелі сөлеуге, ұқыптылыққа тәрбиелеу.

Құрал жабдықтар: массажды төсеме, түрлі пішіндегі суреттер, түрлі түсті кілемше,

Ұйымдастырылған оқу іс-әрекетінің барысы: түрлі-түсті ергежейліліердің киімін киген балалар әсем әуенмен топқа кіріп, шеңберге тұрады.

«Жылулық шеңбері» Мынау аспан астында,

Жақсы дос көп табылар.

Мен де соның бірімін

Сыйлығымды қабыл ал!

Логопед: Жарайсыңдар балалар, өте жақсы! Балалар, мен бүгін сендерді түстерге қонаққа апарғым келіп тұр. Барғыларың келе ме? Бірақ онда сендерге арналған түрлі тапсырмалар болады. Сендер оларды орындауға дайынсыңдар ма? Кім көп тапсырма орындаса, сол бала «Зерек бала» атанатын болды. Келістік пе? Олай болса, біз мына тас жолмен жүріп, «Түстерге қонаққа» барайық.

Әсем әуенмен балалар логопедтің артынан массажды төсеме жолдың үстінен өтіп «Көк түске» келеді.

Логопед: Балалар, міне біз бірінші түске қонаққа келдік. Қалай ойлайсыңдар, бұл қандай түс?

Балалар: Көк түс

-Иә, дұрыс айтасыңдар. Көк түс бізге артикуляциялық жаттығуларды орындауды тапсырыпты. Ұқыпты орындаған балаға міне, мынадай бұлт беруді ұсыныпты.

«Зообақ» ертегісін тыңдай отырып, балалар артикуляциялық жаттығуларды орындайды.

-Жарайсыңдар балалар! Ендеше, фонетикалық жаттығуымызды да орындап жіберейік.

Жел қалай шулайды? – ш-ш-ш-ш-ш-ш

Жылан қалай ысылдайды? – с-с-с-с-с-с-с

Ара қалай ызылдайды? – з-з-з-з-з-з

Қоңыз қалай дыбыстайды? – ж-ж-ж-ж-ж-ж

-Тамаша, қалай ойлайсыңдар кім бізде барлық жаттығуларды ұқыпты орындаған? (жақсы орындаған балаларға бұл тарату)

-Тамаша, жолымызды ары қарай жалғастырайық. Қараңдар, балалар, біз қандай түске келдік?

-Жасыл түске келдік.

-Иә, дұрыс. Енді, жасыл түстің тапсырмасын орындайық. Балалар, мына жерде нелер тұр?

-Пішіндер.

-Иә, пішіндер. Ал, бұл пішіндер қандай түсті екен?

-Жасыл түсті.

-Дұрыс. Ендеше, тапсырманы мұқият тыңдаймыз. Қазір бір бала ортаға шығып, мына жерден бір пішінді таңдап алады. Оның артында қандай да бір сурет жасырылған. Бұл бала сол суретті сипаттайды, ал қалғандарың ол не екенін табуларың керек. Тапсырманы жақсы орындаған бала жапырақтар алады.

Балалар бір-бірден шығып тапсырманы орындайды. Әуен ойнап тұрады.

-Жарайсыңдар, балалар. Енді келесі түске барайық. Бұл түс қандай?

-Қызыл

-Дұрыс, қызыл түс. Балалар, біздің арамызда кімдер қызыл түсті киім киген екен? Ал тағы қандай түсті киім киген балалар бар арамызда?

Қызыл киген балаларды атайды.

-Тамаша, балалар. Балалар, қызыл түс бізге мынадай ойын ұсынып отыр. Мына кілемшеде қандай түстер бар екен?

Балалар түстерді атайды.

-Сендер, әрқайсың киімдеріңнің түстеріне байланысты музыка біткенше өз орындарыңды тауып тұра қалуларың керек. Орнын дұрыс тапқан балаға мынадай гүл таратылады.

Музыка қосылып балалар ойын ойнайды. Гүлдер таратылады.

-Жарайсыңдар, балалар. Шаршап қалған жоқсыңдар ма? Олай болса, барлығымыз шеңберге тұрып, ергежейлілердің қимылын салайық.

Музыкамен ергежейлілердің қимылын салып билейді.

-Балалар енді демімізді басып терең тыныстап алайық. Шеңберге тұрып тыныс алу жаттығуын орындайды.

-Енді балалар, қалай ойлайсыңдар қандай түс қалды?

-Сары түс.

-Дұрыс айтасыңдар. Ендеше сары түстің бізге арнаған қандай тапсырмасы бар екен? Балалар мынау алдымызда тұрған нелер?

-Тастар

-Иә, қазір біз осы тастармен жұмыс жасаймыз. Бірақ ол үшін қолымызды жаттықтырып алайық. Саусақ жаттығуын орындайды.

Жалғыз саусақ тіпті де,

Ұстай алмас жіпті де.

Екі саусақ бірікті,

Ине қолға ілікті.

Үш саусағым орамды,

Жүгіртеді қаламды.

Өнерлі екен он саусақ,

Қала салсақ, жол салсақ.

-Ал, балалар мына жерде бізге түрлі суреттер берілген екен. Осының ішінде сары түсті не бар? Сол затты біз мына тастармен бояуымыз қажет. Кім дұрыс бояса, сол балаға Сары түс мынадай күн дайындап қойған.

Балалар музыкамен тапсырманы орындайды.

-Тамаша, жарайсыңдар балалар.

-Сонымен, балалар, бүгін біз қандай түстерге қонаққа бардық? Олай болса, менің өзімнің сендерге арнаған тапсырмам бар. Барлығың мына үстелдің жанына келе қойыңдар. Мына жерде түслі-түсті тастар бір-бірімен араласып кеткен. Соларды маған әрқайсысын өз ыдыстарына салып бере аласыңдар ма?

Балалар музыкамен өздеріңнің киімдеріне сәйкес тастарды өз ыдыстарына салып жинайды.

-Тамаша, рахмет балалар.

-Балалар, сендерге түстерде қонақта болған ұнады ма? Онда сендер қандай тапсырамалар орындадың? Ал, енді қарайық, кім ең көп мадақтама алды екен? Сол бала бүгін Зерек бала болады.