Бірінші сынып оқушыларына арналған сабақтар

Бірінші сыныпқа келген балалардың психологиялық дамуы, физиологиялық дамуы, дене дамуымен қатар жалпы мектепке психологиялық дайындық компоненттерін анықтап алғаннан кейін педагог-психолог маманның негізгі міндеттерінің бірі-психологиялық түзету және дамыту.

Мақсаты- балаларды жеке-дара тұлғалық дамуындағы психологиялық ауытқулардан,әлеументтеннуіндегі қиындықтардан арылту,түрлі жағымды икемділік пен дағдыларды қалыптастыру,білім беруді жетілдіруде баланың ақыл-ойы мен танымдық процестерін дамыту.Сондықтан да мектепке жаңа түскен бірінші сынып оқушыларының мектепке оқуға дайындықтарын анықтауда, ең алдымен, осы ерекшеліктерін байқап,белгілеп алу керек.Бірнеше диагностикалау жұмыстарынан кейін коррекциялық топ анықталады.

Педагог-психолог ретінде психокоррекциялық түзету, дамыту сабақтарында мектептегі білім беруді жетілдіру мақсатында мынадай міндеттер қойылады:

-оқушыға оқу-тәрбие үрдісінде психологиялық және падагогикалық тұрғыдан үздіксіз зерттеу жүргізу;

-оқушылардың бойындағы қызығушылықтары мен танымдық әрекеттерін және бейімділіктерін анықтау,оларды дамыту жолдарын белгілеу;

-мектептегі оқуға дайындығының төмен деңгейлері себептерін анықтап,түзету;

-кейбір оқушылардың мінез-құлқындағы жағымсыз қылықтары мен кемшіліктерін анықтап,оларды болдырмау мен женудің тиімді әдіс-тәсілдерін қолдану.

Бірінші сыныпқа келген оқушылармен психологиялық коррекция сабақтарында түзету-дамыту жаттығуларымен бірге ойын түрлерін қолдану тиімді.

1-сынып оқушыларына арналған түзету-дамыту сабақтарының жоспары.

«Айға саяхат» сабағы

Мақсаты: Ерікті мінез-құлқын өзін-өзі бақылауын және қиялы мен қабылдауын дамыту.

Біз бүгін түрлі тапсырмаларды орындай отырып,қиялымызға айға саяхат жасаймыз.

1.Алғашқы психологиялық дайындық.

«Шыбын кіріп кетті»ойыны

Айға саяхатқа шықпас бұрын ракетамызды сайлап алайық.Ракетамызға шыбын кіріп кеткен екен соны шағарайық.

2.Енді айға ұшатын ракета экипажын анықтайық. Ол үшін біз мына тапсырманы орындауымыз керек.

3.Ракетадағы орындарымызды анықтап алайық.

«Графикалық диктант»әдістемесі

Мақсаты:Еркіндік сфересының даму деңгейін анықтау, өзін-өзі бақылауын және қабылдауын дамыту.

Торкөзді дәптердің парақтпрын дайындап,шетінен 4 торкөз қалдырып,бір-бірінен арақашықтықтағы 7 торкөз болатын,бірінің астынан бірі орналасқан (вертикаль бойынша)3 нүкте белгілеп қоямыз.

Балаларға қарандаштарын алуды ұсынып,айтамыз: «қай жаққа және қанша торкөзге сызықты жүргізу керектігін мен айтып тұрамын.Тек қана мен айтқан сызықтарды жүргізіп отырыңдар.Бір сызықты жүргізген соң,келесі сызықты қайта бағыттау керектігін айтқанша күт. Әрбір жаңа сызықты оның алдындағы сызық біткен жерден,қарындашты қағаздан алмай,баста».

Бірінші тапсырма: «қарындашты ең жоғары нүктеге қой.Тыңда! Сызықты сал:бір торкөз төмен.Қарындашты қағаздан алма.Енді бір тор көз төмен.Бір тор көз оңға.Бір тор көз төмен.Бір тор оңға. Бір тор көз төмен.Осындай өрнек салуды өзің жалғастыр»

Бала түсінбесе, айтып жіберу керек,жіберілген қателері болса,түзетіп жіберуге болады.Келесі өрнектерді салуда мұндай бақылау жасалмайды. Тапсырманы оқығанда, бала алдыңғы сызықты аяқтап үлгеретіндей,жеткілікті пауза ұстау керек.

Өрнектерді өз бетінше салаға 1,5-2 минут уақыт береді.

Бой жазу жаттығуы

Екі қол,оң қол,сол қол

Оң қол,сол құлақ

Сол қол,оң құлақ

Оң қол ауыз(мұрынды ұстау,жаңылдыру)

Сол қол,бес саусақ

Сол қол,бес саусақ

Екеуін қоссақ,(9 саусақ,жаңылдыру)

10 саусақ-балалардан күтілетін жауап

Екінші тапсырма:

«Енді қарындаштарыңды келесі нүктеге қойыңдар.Тыңда! Ал баста!Бір тор көз жоғары.Бір тор көз оңға.Бір тор көз жоғары.Бір көз оіға.Бір көз төмен.Бір көз оңға.Әрі қарай осы өрнекті салуды жалғастыр».

Үшінші тапсырма:

«Қарындашты соңғы нүктеге қой.Тыңда! Үш торкөз жоғары.Бір торкөз оңға.Екі торкөз төмен.Бір тор көз оңға.Үш торкөз төмен.Бір тор көз төмен.Екі торкөз жоғары.Бір тор көз оңға.Үш торкөз жоғары.Енді осы өрнекті салуды өзің жалғастыр»

Баланың тапсырманы айту бойынша және өз бетімен қалай орындайтындығына талдау жасалады.Бірінші көрсеткіш ешнәрсеге алаңдамай, нұсқауды мұқият тыңдай және дәл орындай алуын көрсетеді.Екіншісі-баланың өзбеттік дәрежесін көрсетеді.

Егер бала екінші және үшінші өрнектерді ешбір қатесіз немесе өрнектердің бірінде жекелеген қателермен орындаса(жаттығу өрнегі есептелмейді) еркіндік сферасының дамуы жақсы деңгейі жақсы болады. Егер ешқандай өрнек айтылған нұсқаумен сәйкес келмесе, еріктік сферасының даму деңгейі төмен болғаны.

«Тыйым саланған нөмір»ойыны.

Мақсаты:өзін-өзі бақылауын дамыту,өзіндік тәртібін жетілдіру,сонымен қатар есептеу дағдысын нығайту.

Ойынның сипаты:қандай да бір сан таңдалады,мысалы 4.Балалар шеңбер құрып тұрады және сағат бағытымен кезекпен санайды:1,2,3 ...Осылай қашан кезек төртінші балаға келгенше,ол санды атамайды,бірақ алақанымен 4 рет соғады.

4. «Әріптер тізбесі»жаттығуы

Айға қондық.Айдағы тіршілік иелері бізден қай елден келгенімізді сұрап жатыр.Енді мына әріптер тізбесінен еліміздің қалай аталатынын құрастырайық. Елордамыз қай қала?ҚАЗАҚСТАН,АСТАНА сөздерді құрастырады.