Түзу, қисық сызықтар

Математика (таңдау) Бекітілді: ___________

Мерзімі:________ Сыныбы ______

Пән мұғалімі:___________________

4-сабақ

Сабақтың тақырыбы: Түзу, қисық сызық. Тұйықталған, тұйықталмаған қисық сызықтар

Сабақтың мақсаты:

Оқушының логикалық ойлау қабілеттерін және шапшаң есептеу дағдыларын жетілдіріп, өздігінен жұмыс жасай алатын жеке тұлға тәрбиелеу. 
Cабақтың міндеттері: 
- Логикалық тапсырмалар арқылы жеке зейінін дамыту және қалыптастыру. 
- Назар аудару ,елестету,есте сақтау, сұрыптау. 
- Ойша тұжырымдама жасау. 

Сабақтың әдісі: Сұрақ-жауап, ойын, тест, әңгімелеу

Сабақтың көрнекілігі:  слайдтар,оқулық, қима қағаздар

Сабақтың барысы:

І. Ұйымдастыру кезеңі

ІІ. Өткен сабақты пысықтау

ІІІ. Жаңа сабақ

Сызық – геометриялық ұғым. Сызықтың әзірше мүмкін жағдайлардың бәрін қамтитын анықтамасы жоқ және ол геометрияның әр түрлі саласында түрліше тұрғыдан қарастырылады.

• Түзу сызық көбіне анықтамасыз қабылданады.

• Сынық сызық кесінділерді бір-біріне ұштастыру арқылы құрастырылады.

• Қисық сызықтың ең қарапайым түрі – шеңбер. Беттің кез келген бөлігінің шекаралары, сондай-ақ қозғалыстағы нүктелердің траекториясы да сызық болып есептеледі.

Дәптермен жұмыс

1-тапсырма

• Дәптерлеріне 4 түзу сызық сызу

2-тапсырма

• Дәптерлеріне 3 қисық сызық сызып шығу

Сергіту сәті

Практикалық жұмыс.  Жіппен жұмыс :

             -  Қатты тартсақ   -   жіп қандай болады? -  түзу сызық

             - Жіпті бос  ұстасақ   –  жіп не істейді? -    қисық сызық 

             -  Екі шетін байласақ   -  жіп неге ұқсайды?  - тұйықталған  сызық

             -  Байлағанды шешсек  -  жіппен не болады?  -  тұйықталмаған  сызық 

     Тақтада жұмыс: түзу, қисық, тұйықталған, тұйықталмаған сызықтарды оқушылардың  өздеріне салғызу.

Қорытынды: «Геометрия» елінің маңызды тұрғындар – сызықтармен таныстық.

              -  Сызықтар қандай болады?

              -  Қалай ойлайсыңдар, олардың керегі неде?

              - Олардың көмегімен не сызуға болады?

Ү. Үйге тапсырма:

Түрлі-түсті қарындашты пайдаланып,сызық түрлерін сызып келу.