Тəуелсіздік құтты болсын

25 ёшинг муборак она Ватан!

Остонамдан бошланган Ватан! Кўзимнинг қорачиғидай ястанган Ватан! Сени англаб етдимми мен, юрагимда туғилган ифтихор, йўлларимда йўргаклаган хаяжон сенсан-Ватан! Саксонда саккиз яшар боладай беғубор қалб эгаси, донишмандим отам –сенсан Ватан! Оёғимга кирган тиканни кипригингда суғирган жонсарак, безовта она- сенсан Ватан!

Ватанимизнинг мустақилликни қўлга киритганига мана 25 йил ҳам тўлди.Ўқувчиларда Ватанни севиш уни ардоқлаш, кез келган вақтда уни химоя қилиш Қозоғистон деб аталмиш юртида истиқомат қилаётган барча халқ ва элатларнинг, шу жумладан ёш авлоднинг бурчи деб биламиз. Мана шу бурчга содиқликни ўқувчиларимизда сингдириш учун мактабимизда турли тадбирлар ,беллашувлар ўтказилмоқда. Бу катта байрамга Ватанимнинг хар бурчагида турли тадбирлар ўтказилаяпти, бизнинг №92 «Аксу» мўъжазгина мактабимизда ҳам юртимнинг мустақиллигига ўз улушини, қувончини қўшган ҳолда турли тадбирлар ўтказилмоқда, шулардан 28 ноябрь куни 7- «А» синф ўқувчилари 1 декабрь- Тўнғич Президент кунига бағишлаб «Елбасы мен мақтанам» мавзусида тарбиявий тадбир ўтказилди. Тадбирга туманимизнинг балоғат ешига етмаган болалар билан ишлаш полиция ходими Зухриддин Музрапов, мактаб маъмурияти ва мактаб директори Э. Адахамовлар қатнашди. Синфдаги ўқувчилар тадбирга қатнашган барча меҳмонларга байрам нишони тасвирланган ленталар тақиб қўйдилар. Тадбир сўнггида тадбирга қатнашган барча меҳмонларга Юртбошимиз Нурсултон Абишевич Назарбаев расми туширилган эсдалик совғаларни тақдим этдилар. Қозоғистон Республикаси Мустақиллигининг 25 йиллигига атаб 30 ноябрь куни

3 – «А» синфида «Тәуелсіздік туғы астында», 2 декабрь куни 9- «А» синфда «Мәнгілік ел - Қазақстан», 3 декабрь куни 8- «В» синфда «Тәуелсіз ел», 5 декабрь куни 9- «В» синфида «Астана Отанымыздың жүрегі, Елбасы тәуелсіздіктің тірегі», 6 декабрь куни 11- «А» синфида «Көк тудың астында», 7 декабрь куни 8- «А» синфида «Цвети мой Казахстан» тарбиявий тадбирлар ўтказилди. Мактаб кутубхоначиси Баходир Юнусметов бошланғич синф ўқувчиларини мактаб кутубхонасига таклиф этиб, Мустақил Қозоғистонимизнинг 25 йил ичида босиб ўтган йўли ва Президентимиз хақида тушунчалар берди. Барча тадбирларда ўқувчилар Ватанимизнинг Мустақиллигини тараннум этувчи шеърлар, куй- қўшиқ ва рақслар ижро этдилар. Мактабимизнинг ўқувчилари Мустақил Қозоғистонимизнинг 25 йиллик тўйини шундай тадбирлар билан қарши олмоқдалар.

Мактаб ёшлар етакчиси Саида Мавланова.