«Туған елге тағзым»

Туған елім десем, оралады ойыма

Ақсақалды, ақ шапанды қария,

Туған жерім – құт мекенім, дария,

Қанатымды қағып ұшқан жанұям.

Туған жер...Туған ел...Осы екі ғана сөзде қаншама мағына, қаншама ой жатыр десеңізші?! Туған жердің қадірін әр адам әрқалай түсінетін шығар. Ал мен үшін Түған жер қадірі Дүниедегі ең ұлы деген нәрсемен пар-пар. Себебі, ол- менің әлпештеген анам, аялап өсірген әкем, туған туысым, аға- әпкелерім, мені білім жолына жетелеген ұстаздарым, сол білімге ұмтылу жолындағы тай- құлындай тебіскен жора- жолдастарым дүниеге келген жол.

Туған жеріміз біздің рухан байлығымыз бен ата мекеніміз ғана емес, ол бір қайталанбас бейне.Туған жер ол деген- тұнып тұрған сыр мен сөйлеп тұрған сурет сияқты.Осы бір сырға толы туған жердің көгілдір аспаны біздің кеудеміз секілді. Сол аспанның төсінде түнде жарқырап тұрған жұлдыздар біздің көздеріміз секілді. Туған жердің жарық күнімен алысқа қараймыз.

Оның жұпар атқан жусаны, оның кеудеңе құйылған мөлдір ауасы, таңғажайып табиғаты оның бәрі- бәрі біздің туған жеріміз. Осындай бір керемет туған жерімізді біз тек көркейтіп ғана қоймауымыз керек.

Мен өз Отанымды, туған жерімді, құдіретті елімді сүйемін және мақтан етемін. Ата – бабаларымыз «Елдің даңқын ері шығарады, ердің даңқын елі шығарады» деп бекер айтпаған. Өз елімнің дамуына теңізге тамған тамшыдай болса да үлесімді қоссам деп ойлаймын.