Туған жерге -тағзым!

Сабақтың тақырыбы: Туған жерге -тағзым!

Сабақтың мақсаты: Оқушылардың туған жер, туған ел жайында алған білімін қалыптастырып, ой – өрісін, зеректігін дамытып, патриоттық сезімдерін дағдыландыру.

Сабақтың әдіс – тәсілдері: Сұрақ – жауап, псырмалар.

Сабақтың көрнекілігі: Суреттер, плакаттар.

Сабақтың барысы.

І. Ұйымдастыру.

Сәлеметсіздер ме, балалар! Бүгінгі сынып сағатымыздың тақырыбы «Туған жерге – тағзым!».

Туған жерге, кіндік қаның тамған жерге ештеңе тең келмес. Атамекен – туған халқының, ұлтының, мекен еткен, ата - бабасының қоныс тепкен жері. Туған жер әр адамның дүние есігін ашып, өмірге келген жері. Адам қай жерде, қандай биікке көтерілсе де, ол үшін ең қадірлі, қасиетті өлке ол - Атамекен.

Ауыл десе жайлайды жанымды үміт,

Сонда ғана атардай таңым күліп.

Жасыл шардың бетінде жалғыз ноқат,

Мені мәңгі тартатын сағындырып.

1-ші оқушы:

Туған жер-тірегім, 
Сенде өстім түледім, 
Бір сен деп үнемі 
Соғады жүрегім. 

2-ші оқушы:

Күлеміз,ойнаймыз, 
Демаламыз алаңсыз, 
Ризамыз саған біз 
Ұлы Отан – анамыз. 

3-ші оқушы :

Асқарлы,қарлы шың, 
Аялаған ән құсым, 
Туған жер,армысың! 
Саған мың алғысым. 

Жарайсыңдар! Туған жер туралы өлеңдер білетін екенсіңдер.

2. «Шығарма жазу». Енді қазір туған жер тақырыбына қысқаша шығарма жазып, өз ойларымызды жеткізе білейік. Тартымды, көркем жазылған шығарма тиісілі бағаланады. Ал, қане бастайық.

(оқушылар шығарма жазады, жазып болғаннан кейін кезектеп оқиды).

Жарайсыңдар! Сабағымызды ары қарай жалғастырайық.

ІІ. Сабақты қорытындылау. Енді сынып сағатымызды қорытындылайық. Бәріміз ортаға шығып, туған жер жайында ән айтайық. (туған жер туралы өлең айтылады).