Туған табиғат

Бөлім:4

Әсемдік әлемінде

Мұғалімнің аты-жөні, тегі

Өнер О.,Қансейіт А.,Сейсен М.,Серикбаева А,Ільяс О.

Күні:

21.10.2021 жыл

Сынып: 1

Қатысушылардың саны: 20

Қатыспағандардың саны:0

Сабақтың тақырыбы: № 25

«Туған табиғат»

Оқу бағдарламасына сәйкес оқыту

мақсаттары

Жалпыадамзаттық құндылықтар туралы қарапайым түсініктер беру

Құндылығы:

Сүйіспеншілік

Қасиеттер:

Ақпейілділік,сезімталдық,қамқорлық

Сабақтың мақсаты

Оқушыларға адам өміріндегі туған табиғаттың маңыздылығын түсіндіру арқылы сүйіспеншілік құндылығының мәнін ашу.

Сабақтың міндеттері:

-оқушыларға табиғатқа риясыз қызмет ету арқылы ақпейілділік қасиеті туралы түсінік беру;

-оқушыларды табиғаттың әсемдігін сезінуге баулу арқылы қамқорлық қасиетін дамыту;

-оқушылардың табиғатқа сүйіспеншіліктерін арттыруда ақпейілділік,сезімталдық,қамқорлық қасиеттеріне тәрбиелеу.

Сабақтың кезеңі/ Уақыты

Педагогтің іс-әрекеті

Оқушының іс-әрекеті

Ресурстар

1.Ұйымдастыру кезеңі

Жағымды көңіл-күй (көрікті ағаш)

(2-3 мин.)

2. Алдын ала берілген үй тапсырмасын тексеру.

Ә. Ысқақтың «Табиғат деген не?» мәтінін оқу.

(1-2 мин)

Мұғалім оқушылармен сәлемдесіп, олардың сабаққа қатысуын тексереді.

5 «Т» ережесі еске түсіріледі. Татулық, тыныштық, тәртіп, тазалық, талап

Мұғалім сергіту сәтін жүргізеді.

Мұғалім оқушыларға сұрақ қою арқылы үй тапсырмасын тексереді.

*Жан - жануарлар неліктен өз мекендерін мақтады?

Олардың бәрін біріктіретін не ? Ал адамдарды не біріктіреді ?

Оқушылар сабаққа дайындығын көрсетеді. 5 «Т» ережесін еске түсіріп,қайталайды.

Оқушылар сергіту сәтінде мұғалімнің көрсеткен іс-қимылдарын қайталап, жағымды күйге енеді.

Оқушылар оқыған үй тапсырмасын сұрақтарға жауап беру арқылы, өздерінің қаншалықты үй тапсырмасын түсінгендіктерін көрсетеді.

Оқулық

Өзін-өзі тану/ Р.Ә. Мұқажанова,

Г.А.Омарова,Р.О.Ізғұттанова,

Алматы,2016.-156б.

Презентация,

Табиғат туралы суреттер

Шарлар

Оқулық

3. Жағымды ой-пікір

(дәйексөз) әңгіме

(1-2 мин)

“Табиғат - әсемдік айнасы”

Сұрақтар:

1.Табиғат дегеніміз не?

2.Әсемдік сөзінің мағынасын қалай түсінеміз?

Түйін:

Табиғат – адамзат өмір сүріп жатқан орта, ортақ үй, ортақ мекен. Адам мен табиғат – егіз ұғым. «Ағаш жапырағымен, жер топырағымен көрікті» дейді халқымыз. Табиғат көркейіп, желегі жасыл тартса, адамның да тынысы кеңейіп, көңілі көтерілері анық.

Табиғат – адамзаттың анасы.

Дәйексөзді оқушылар қайталап айтады. Берілген сұрақтарға жауап береді.

Презентация,

жұмыс дәптерлері.

4.Оқиға айту (әңгіме)

(4-8мин)

Мұғалім «ТАБИҒАТ-АНА» әңгімесін айтып береді. Сұрақтар қою арқылы, мазмұнын ашады. Сүйіспеншілік құндылығының мәні түсіндіріледі, ақпейілділік,сезімталдық,қамқорлыққа баулитындай тәрбие жүргізіледі.

«ТАБИҒАТ-АНА» туралы

Ертегі

Табиғат – Ананың Жер, Су, Ағаш деген үш ұлы болыпты. Олар өте ақылды, мейірімді екен. Табиғат - Ана бір күні ұлдарын шақырып алып:

- Адамдарға көп қызмет еткен ұлыма үлкен сый тартамын, - деп уәде береді.

Сонда ұлдары анасының айтқанына қуанып келісіп, адамдарға жақсылық жасауға жолға шығыпты. Үшеуі үш жаққа кетіп, адамдарға көп игілікті істер жасапты. Күндердің күнінде үшеуі еліне қайтып оралғанда, аналарының бұрынғыдан да бетер көріктене түскеніне риза болған ұлдары:

- Апатай, Сіз қандай керемет күйге түскенсіз, мұның сыры неде?- дегенде Табиғат - Ана:

- Аяулы ұлдарым менің, бұның сыры сендердің адамзатқа жасаған қайырымдылықтарыңда,- деп жауап береді. Содан бері Жер, Су, Ағаш аналарының сұлулығын сақтап қалу үшін, адамдарға адал қызмет етумен келеді екен.

Сұрақтар:

1. Табиғат әдемілігін сақтау үшін ең бірінші не керек екен?

2. Жер, су, ағаш бір - бірімен байланыста ма?

3. Су болмаса жердің көркі бола

ма?

Оқушылар әңгімені тыңдап, мұғалімнің сұрақтарына жауап бере отырып, табиғат анамызға қамқорлық жасау керек екендігіне,аялауға , таза ұстай білу керектігі жайында ойланады.

Оқулық

5.Шығармашылық жұмыс

(10-15 мин)

1 тапсырма.

Мұғалім балаларға табиғат аясында серуендеп жүріп, ‘Cыйқырлы қорап’тауып алғанын айтыды. Қорап ішіндегі 'Табиғат патшалығынан жолданған'хаттағы тапсырмаларды (табиғатқа байланысты жұмбақтар)

оқушыларға орындатып,оқушылардың жылдамдық қасиетіне көз жеткізген соң,жеңіске жеткен оқушыларға кішігірім сыйлық тарту етеді(қаламсап)

2 тапсырма

Жағдаятты талдау.

Оқушыларға жағдаяттық сурет көрсетіледі.Оқушылармен бірге ортақ талқылайды.

3 тапсырма

Сөзжұмбақ шешу.

4 тапсырма

Топтық жұмыс.

Мұғалім оқушыларға табиғат аясында болып жатқан сурет қиындыларын беріп,шыққан суреттен не мағана беріп тұрғандығы жайында ойларын біледі.

Оқушылар берілген тапсырмаларға жауап береді.Табиғат байлықтарымен таныс болады.

Оқушылар берілген тапсырмаларды орындай отырып бойларына ақпейілділік,сезімталдық,қамқорлық қасиеттерін сіңіреді. Бірге жұмыс жасай білуді үйренеді,жылдамдық қасиеттерін арттыра алады.

Қорапша,қаламсап,ақ парақ

Суреттер,клей,қаламсап,ақ парақ

6.Топпен ән айту

(2-3 мин)

Мұғалім оқушыларға «Жау, жау жаңбыр» атты әнді топпен айтуды ұсынады.

Оқушылар мұғаліммен бірге үнтаспаға ілесіп, әнді бірге айтады.

Экранға өлеңнің мәтіні көрсетіледі.

https://youtube.com/watch?v=C_3sOQsl58I&feature=share

7.Үй тапсырмасы (1мин)

Алдын-ала беретін үй тапсырмасы

Мұғалім, «Жақсылық» ертегісін үлкендердің көмегімен оқып келуге ұсынады.

Оқушылар үй тапсырмасын белгілеп алады.

Оқулық, № 27 сабақ, 110-бет.

Өзін-өзі тану/ Р.Ә. Мұқажанова,Г.А.Омарова,

Р.О.Ізғұттанова,Алматы,2016.

8. Сабақтың қорытынды сәті

(1-3 мин)

‘Әсем гүлдер’ әдісі

Мұғалім өтілген сабақ үшін рақмет айтып, оқушылармен қоштасады.

Оқушылар кері байланыс жасайды.