ҰБТ –ға арналған психологиялық тренинг

ҰБТ –ға арналған психологиялық тренинг

Мақсаты: оқушылардың көңіл күйін көтеру. Эмоциялық жай күйлерін анықтау. Стрессті болдырмауды алдын алу. Оқушы бойындағы үрей қорқынышты сейілту.

Жүрісі:

І. Ұйымдастыру.

Сынып оқушыларын екі топқа бөлу. Топ басшылары таңдау. Тренинг ережесімен таныстыру.

ІІ. Сергіту жаттығулары

«Қолдау» ойын жаттығуы

Қажетті құралдар: қажет етпейді

Ережесі: қатысушылар шеңбер жасап қолдарынан ұстап тұрады. Аяқтарын бір-біріне тақайды. Жаттығу нұсқаушысының белгісінен кейін қолдарын үзбей жерге дейін отырып, қайтадан орындарынан тұрулары қажет.

Талдау: ойын жаттығуы аяқталғаннан кейін қатысушылар алған әсерлерімен бөлісіп, өз ойларын ортаға салады.

«Орындық» ойын жаттығуы

Қажетті құралдар: қажет емес

Ережесі: Бұл ойын жаттығуы барлық топ мүшелері толық бірге болған кезде немесе ойын басталар алдында өткізуге болады. Қатысушылар бір-біріне жақын тұрады. Нұсқаушының көмегімен бір-бірінің белдерінен ұстап тізелерін бүгеді. Бүгілген тізеге артта тұрған адамның тізесіне отыру сұралады. Отырғанша қолдарын жібермеуі керек. Нұсқаушының белгісімен қолдарын жіберіп, шапалақтайды. Қауіпсіздік ережесін мұқият сақтау қажет.

Талдау: ойын жаттығуы аяқталғаннан кейін қатысушылар алған әсерлерімен бөлісіп, өз ойларын ортаға салады.

«Жіптік кедергі» жаттығуы

Қажетті құралдар: жіп

Ережесі: екі топ бір-біріне қатар тұрып жіптік кедергіден өтеді. Жіп ұшы бір-біріне тақалып басталады әр қиындық болған сайын көмекке қатысушылар келуге болады.

Талдау: ойын жаттығуы аяқталғаннан кейін қатысушылар алған әсерлерімен бөлісіп, өз ойларын ортаға салады.

«Тунель» жаттығуы.

« Шеңберлер» жаттығуы әр түрлі шеңберлер сызылады. Сол шеңберлерге оқушылар жұптасып секіреді.

«Айналма» жаттығуы айналаманың көмегімен оқушылар қолдарын ұстаған күйінде өздерінен өткізіп отырады. Мақсаты оқушылардың шапшаңдығын, тапқырлығын анықтай отырып машықтандыру.

«Құбыр» жаттығуы. Қағазды ортасынан бір бүктеп құбыр астау жасау арқылы құбыр жасаймыз және шарикті сол құбырдың бойымен жүргіземіз. Ептілік пен ұқыптылықты қажет етеді.

«Бүгінгі біздің көңіл күйіміз» жаттығуы . Кері байланыс орнату мақсатында оқушылар жұптасып, топтасып өз көңіл күйелері мен алған әсерлерін іс- қимылдарымен көрсетеді.

Қорытынды.