Ғ.Қайырбеков атындағы орта мектебі

« ҰБТ –ҒА СЕНІММЕН БАРАЙЫҚ»

Тренинг- сабақ

Сынып жетекші: Мукашева Ф.М.

Мақсаты: Оқушылардың ҰБТ-ге сенімділікпен дайындалуын, стресс жағдайларын жеңе білулерін қамтамасыз ету. Жүйкелік –психологиялық күштенуден арылуға жағдай жасау және кеңес беру.

Жетекші сөзі: Құрметті мектебіміздің түлектері бүгінгі тренинг-сабағымызға қош келдіңіздер.Тренингімізді бастау үшін тренинг-сабағымыздың жоспары және шарттарымен танысып алайық.

І. Тренинг шарты

1. Берілген тапсырмадан тыс қалмау;

2. Бірін-бірі тыңдау және сыйлау;

3. Бір-біріне қолдау көрсету;

4.Уақытты тиімді пайдалану;

5. Жағымды эмоция тудыру

ІІ. Тренинг жоспары:

1. « Ақ тілек»

2. Ой шақыру.

3. «ҰБТ» -ол ...»

4 «Жылдамдық»

1. « Ақ тілек»

Ақ қағазға жылы лебіздерін жазады да, бір-біріне алмастырады.Әр топ өз алдарындағы стикерге өзіне не тілейтінін жазады да, келесі топқа алмасады, бір-бірінің тілегін дауыстап оқиды.

2.Ой шақыру.

Әр топқа сурет беріледі, сол суретке әңгіме құрайды. Әңгіме бүгінгі тақырыпқа байланыстыра отырып қорғайды.

2 «ҰБТ» -ол ...

Мақсаты: Оқушылардың әр нәрсеге соның ішінде ҰБТ –ге жан –жағынан қарай білуге, талдауға, үйрету.

Ойын барысы: Оқушылар дөңгеленіп отырады.Қолдағы домалақ жіпті шетінен ұстап,ҰБТ –нің жағымсыз жағын айтып, бір оқушыға лақтырады.Оқушыда өз пікірін бір сөз арқылы білдіреді де ,жіптен ұстап тұрып келесі оқушыға лақтырады.Ойын осылай оқушыларды толық айналғаншща жалғаса береді.Оқушылар аяқталғанда, жіпте шимайланып қалады.Енді ҰБТ туралы жағымды сөз айтып жіпті,келесі оқушыға лақтырамыз.

3 . «Жылдамдық»

Мен сіздерге жылдам сөздер тобын оқимын, сіздер мұқият тыңдап әр сөздің 1-ші әріпін жазасыздар.

1.Ұстаз,бала ,талап, гүл, есім, үзеңгі, реніш ,есік, ит, сағым, ізетпен,зал, назым, ыс, қазақ. 2.Сана,ертегі,нан, ілгіш,менің,маймыл, ен, нағыз,бокс,арал,рақат,ай,йод,ыстық, қар

10. Талдау: Көңіл-күйіңіз қалай?

Бүгінгі тренинг-сабақ ұнады ма?

Қандай әсер алдыңыз?

Мақсаттарға жеттік пе?

Оқушылар алдарындағы жатқан эмоция бейнесін таңдап, тренингтен алған әсерлері жайлы әңгімелейді.

Жетекші : «Жаңғырық» туралы аңыз әпсана әңгімемен тренинг-сабақты аяқтау.

Әкесі баласымен бірге тауға барады. Содан келе жатып аяғын тасқа ұрып алған ұлы:

АААААААА деп айқай салады.

АААААААА деген дауысты естіп таң қалады.

Сен кімсің?- деп сұрайды ұлы

Ал оған: Сен кімсің?- деген жауап келеді

Мұндай жауапқа ашуы келген бала: -Қорқақ! – дейді.

Ол оған -Қорқақ! – деп жауап береді. Бала әкесінен

Не болып жатыр деп сұрайды. Әкесі жымиып күледі де, былай жауап береді. «мені мұқият тыңда» Әкесі тауға

Мен сені сыйлаймын! –деп айқайлайды. Ол оған:

Мен сені сыйлаймын!

Сен кереметсің! Ол оған:

Сен кереметсің!Бала сонда да таңдануын қоя алмады. «Бұл құбылысты жаңғырық деп атайды» -деді әкесі. Шындығында бұл өмір деп аталады.Ол сен не айтсаң да, не істесеңде соның бәрін өзіңе қайтарады.

Құрметті мектеп түлектері алдарыңда үлкен сын, намысты дода сол сынға әрқашан сеніммен барыңдар. Бақытты ғұмыр болмайды, ол бақытты секунд, бақытты минут, бақытты сәттерден тұрады, біз сол бақытты сәтті сезіне білу арқылы бақытты боламыз. Өз еңбектеріңіз бен білім жолында төккен терлеріңіз алдарыңыздан жарқырап шығатынына сеніп, шаршамай, талмай іздене отырып, ҰБТ –де жоғары нәтижеге жетулеріңізге тілектеспін. Сәттілік тілейміз