"ҰБТ-ке сеніммен барайық!" 11 сынып, психологиялық жаттығу

Алматы облысы, Талдықорған қаласы, Еркін ауылы «Есжан Берліқожаұлы

атындағы №11 орта мектебі» КММ

Педагог-психолог Тойшыбекова Назыкен Бидікенқызы

Тақырыбы: ҰБТ-ке сеніммен барайық!

Мақсаты:11сынып оқушыларының тестке, емтиханға дайындығына психологиялық көмек

Сыныбы: 11 Ә, 11 А, 11 Б

Көрнекіліктер: интербелсенді тақта, үнтаспа, бейнеролик, үлестірмелі материалдар.

Ұйымдастыру кезеңі:

Жаттығу ережесі:

1. Ашық қарым-қатынас

2.Көтеріңкі көңіл-күй

3.Бір-бірін тыңдау

4. Уақытты үнемдеу

5. Қазір және осында

1. «Мұғалім айтады» жаттығуы

Мақсаты: Оқушылардың зейінін, назарын оқу үрдісіне бағыттау

Нұсқау: қатысушылар орындарында тұрады.Жүргізуші оқушыларға өзінің нұсқауымен тапсырманы айту арқылы жаттығуын жалғастырады.Оқушылар тапсырманы «Мұғалім айтады»дегенде ғанаорындау керек, осы арқылы әркім өзінің зейінін реттейді.

2. «Ассоциация» ойыны (9сөз, 6сөз, 3сөз)

Күтілетін нәтиже:

-Оқушылардың ойлау қабілеті;

-жаңа ойды тұжырымдау;

-өз ойын салыстыру;

-идеяларды бағалау;

-қорытынды жасау дағдыларын дамиды.

Нұсқау:Оқушыларға «11 сынып» немесе «ҰБТ» деген сөз тіркестері беріледі. Осы сөз тіркестерін естігенде ойларына ең алғаш келген 9 сөз, артынша 9 сөздің ішіндегі маңызды 6 сөзді, соңында ережеге лайық деп тапқан 3 сөзді жазады. Оқушы аталмыш екі тіркеске жазған 3 сөзді негізге ала отырып, анықтама шығарады.

3. «Рахмет Анашым!» бейнеролик ұсынылады.

–Қандай ой түйдіңдер? Оқушылар өз ойларымен бөліседі.

4.«ҰБТ шеңбері» оқушылар –өздерінің тестке дайындықтарының қаншалықты деңгейде екенін белгілейді.

5.« Жеміс-жидек» жаттығуы. Мақсаты: оқушылардың зейінін, есте сақтау қабілеттерін арттыру.

Қатысушының әрқайсы жеке-жеке жеміс-жидектер түрін атайды.Қайталанбау керек. Ең соңғы ойыншы осының барлығын атап шығу керек.

6.« Грязное белье» бейнеролик ұсынылады.

–Қандай ой түйдіңдер? Оқушылармен сұрақ-жауап арқылы талдау.

7.Рефлексия. Сабақтан қандай әсер алдыңдар? Оқушылар өз ойларын стикерге жазып береді.Сабақтың соңында оқушылар бір-біріне ізгі тілектер білдіреді.

Мектеп психологы: Н.Тойшыбекова